vastu ka prachalan sadiyon, yugon pahle se hai ya yun kahen ki satyug ke aranbh se hi tha to bhi ismen koi atishyokti nahin hogi kyonki vishvakarma ji ne alg-alag yug men sone ki lanka, indraprasth v dvarika ka bhi bhavya nirman vastu sammat hi kiya tha. aj dekhne men ata hai ki achcha khasa bhavan hone ke bavjud bhi ghar men sukh, shanti, aulad, paisa nahin hota, vajah saf hai ghar vastu sammat nahin hai islie ghar men in sabhi ka abhav hai. ghar kis disha men hai? mukhya dvar kis disha men hai? ghar ke samne kya hai? ghar ke piche kya hai? pani ka srot kis disha men hai? mandir kis disha men hai? rasoi kis disha men hai? shayan kaksh kis disha men hai? brahm sthan kahan hai? marm sthan kahan hai? in sabka sahi vidhivat hona ati mahatvapurn hai.
sirf ghar bana lena kafi nahin usko vastu sammat banvana ati avashyak hai. aj karoron arbon ke makan men varis nahin hain.. sukh nahin hai... shanti nahin hai.... dhan nahin rukta. in sabka ek hi samadhan hai aur vo hai vastu aur keval vastu. hamare desh ki bari-bari dharohar bhi vastu sammat hain. iska vaigyanik karan bhi hai ki ghar men hamesha shuddh urja rahe, nakaratmak urja ka vas n ho. shuddh urja yani khushhali. vastu men bhavan ke kendra sthan ko brahm sthan kahte hain. ise yadi kachcha chora jaye to ati uttam hota hai.
ise vastu purush ki nabhi kaha gaya hai aur urja ka srot kaha gaya hai. is sthan par kisi bhi prakar ka nirman varjit hai, ise khula v halka rakhen arthat yahan kisi bhari vajan ka saman n rakhen. brahm sthan ke bich ke kshetra ko marm sthan bhi kahte hain. yahan panch sthan atimarm sthan ki shreni men ate hain. in sthanon par nirman kisi vastuvid ki hi dekh-rekh men karna chahie. ab kuch samanya jankari prastut hai jinse apko apne ghar ka vastu sudharne men madad milegi aur ap iska labh utha sakenge: - kabhi bhi dakshin disha ke mukhya dvar vala bhavan n len aur yadi lena bhi pare to bhavan ke bahar mukhya dvar ke upar panchmukhi hanuman ki pratima sthapit karen. isse bhavan ka dosh khatm hoga v vipatti se chutkara milega.
pashchim, purva v uttar disha mukh vale bhavan ko prathmikta den.
- dhyan rakhen bhavan ke samne koi bhi bhari vriksh n ho, anyatha ghar ka mukhiya yuvavastha men hi akasmat mrityu ko prapt hoga. pipal v baragad ke vriksh kasht nahin dete vo dev vriksh kahlate hain parantu makan ke samne badha avashya utpann karte hain.
- ghar ke pas kisi vriksh ki chaya agar bhavan par parti hai to us per ko pratidin jal se sinchna chahie.
- ghar men kabhi bhi anar ka per nahin lagana chahie aur n hi kante vale paudhe lagane chahie anyatha apke dushman akaran barh jayenge.
- ghar ke brahm sthan men hamesha tulsi ka paudha lagayen v nitya uski puja karen, jyot jalayen.
- ghar ke bahar v upar hare bare patte vale paudhe rakhen, khushhali aegi.
- ghar men hamesha ganesh ji ki pratima ko is prakar lagayen ki unka mukh ghar ke andar v unki pith ghar ke bahar ki taraf ho.
- ghar men kabhi bhi raktaranjit chitra, yuddh vale chitra, sanharak devi devta ke chitra, tasvir, raktapat vale chitra, ugra rup dharan kiye chitra nahin lagana chahie. hamesha shant bhav, prasann mudra vale v sthir chitra, tasvir hi lagayen. isse ghar men shanti bani rahegi.
- ghar ki divaron par kabhi bhi lal rang, rakt rang n karayen. hamesha halke rang ka prayog karen, jaise nila, pila, krim adi.
- ghar men samasya jyada hai to fish baeks, ekveriyam ka prayog karen, pratidin machliyon ko bhojan den.
- ghar ki chat par kabhi bhi ulte matke, bartan ityadi n rakhen.
- ghar men sirhiyon ke niche koi nirman n karen aur n hi vahan kuch saman rakhen.
- ghar men kabhi bhi bim, pilar ya dehli ke niche n soyen.
- pani ka srot hamesha uttar disha men rakhen.
- rasoi men kabhi bhi sink aur gais silandar ek sath n rakhen.
- ghar man mandir hamesha purva, uttar ya uttara-purva disha men hi sthapit karen.
- ghar men sabhi bhari chijen, vidyut upakaran, almira adi dakshin disha men rakhen.
- ghar ke purva bhag ko hamesha nicha, khula v pashchim bhag ko uncha rakhen.
- ghar ke mukhya dvar par hamesha k ya ‘un’ ka prayog karen.
- ghar men sirhiyan hamesha dakshin - pashchim, pashchim, dakshin men hi banayen.
jivan men jarurat hai jyotishiya margadarshan ki? abhi bat karen fyuchar point jyotishiyon se!