pratham bhav pratham bhav men budh hone par jatak dusron ka priya, gyanvan, chintak, tyagi, lekhak athva prakashak, ganitagya, kavi, chikitsak, gyan pipasu tatha apne dharm par manan karne vala hota hai vah ganbhir vyaktitva vala, charitravan, madhurbhashi tatha sanymi hota hai. usmen kisi ek vishay men parangat hone tatha dusron ko prabhavit karne ki yogyata hoti hai. vah vakpatu aur dusron ko sahaj hi mohne vala hota hai. ayu ke 10 varsh se hi prabhavpurn dikhne lagta hai. dvitiya bhav dvitiya bhav ka budh jatak ko suvakta, dhani, salahkar, bichailiya, lekhak v prakashan se ay karne vala banata hai. vah apne prayas se atyadhik dhan kamane vala, yatra premi, pap se dur rahne vala, pavitra tatha gyan pipasu hota hai. vah jivan men achchi vastuon ka shaukin, parivar ka priya tatha apne kaushal vishesh rup se vani dvara dhan kamane vala hota hai. ayu ke 26ven varsh men dhan ki hani tatha 36ven varsh men akasmik dhan labh. tritiya bhav tritiya bhav ka budh jatak ko sahsi, suvidha men ruchi, samaj ka sahayak, vyavsay se dhan kamane vala tatha shighra maitri karne vala banata hai. rishtedaron se labh lene vala, jyotish, adhyatm adi rahasyamay vishyon men gahri ruchi rakhne vala, khushiyan chahne vala parantu svarthi nahin. sanymi, dayalu, sabhya, nirantar yatra karne vala tatha achchi vastuon ka sangrah karne vala hota hai. ayu ke 12ven varsh men bhagya lakshmi ki kripa prapt hoti hai. chaturth bhav chaturth bhav ka budh jatak ko paidaishi parivartanashil banata hai. chanchal, sanpattivan, buddhiman, rishtedaron se rahit, viprit ling valon ka priya tatha besharm banata hai. achal sampattiyon se labh v ay prapt karne vala, achche vahan vala, sangit ka premi, gayan men ruchi rakhne vala tatha achchi smaran shakti vala banata hai. ayu ka 22van varsh vishesh labhkari hota hai. pancham bhav pancham bhav ka budh jatak ko janmajat sangit ka gyata banata hai. jivan sathi se prem pane vala, buddhiman, santan yukt banata hai. badon aur gyani janon ka adar karne vala, bhakti tatha rahasyavad men gahri ruchi vala hota hai. vah dhanvan hota hai. raja ka priya, salahkar tatha apni buddhimatta se logon ko chamatkrit karne vala hota hai parantu budh ke pidit hone par vah sabhi achche gunon se rahit tatha buri adton ki or unmukh ho jata hai tatha jue adi ka adi ho sakta hai. samanyatya vad-vivad men kushal tatha srijnatmak gatividhiyon vala hota hai. ayu ke 26ven varsh men mata ke svasthya par prabhav padta hai. shashtham bhav shashtham bhav men budh jatak ko atmasanymi, ati buddhiman tatha matribhakt banata hai. vah sanbandhiyon se virodh, alsi, krur prakriti ka, chintagrast tatha naukron athva sevkon dvara kasht pane vala hota hai. vah lekh athva prakashan dvara ay karta hai. aushdhiyon men ruchi, svasthya ke prati jagruk tatha bhojan ke vishay men achcha gyan rakhta hai. ayu ke tisre varsh men sharirik kasht tatha 36ven varsh men shatru bhay hota hai. saptam bhav saptam bhav ka budh jatak ko gyanvan banata hai. uska bhagya vivah ke bad udit hota hai, aisa vyakti puri tarah se hansmukh hota hai aur bachchon ke sath vishesh sanbandh sthapit karta hai jahan bachche bhi khulakar apne man ki bat us vyakti se kar sakte hain. viprit seks ke prati ek svabhavik sa akarshan hota hai aur viprit ling ke vyakti bhi use pasand karte hain. aisa vyakti bahut achcha hota hai, sadharntya satyata ka palan karta hai aur vyapar men uski buddhi prakhar hoti hai jiske falasvarup vah apne vyaktitva aur buddhi se logon ko prabhavit kar asani se dhan kama sakta hai. aisa vyakti achcha lekhak hota hai aur uske bhagyavardhak varsh hote hain 17 ya 22. ashtam bhav ashtam bhav ka budh, jatak ko komal svabhav, achcha mejban, dhani, sarkar se achcha pad athva adhikarik sthan pradan karta hai. vah sahjta se dhan kamane vala, sada sakaratmak soch vala, nekachalan, shatruon par vijyi tatha videsh men man pane vala hota hai. ayu ke 14ven varsh men svasthya kuch naram ho sakta hai. navam bhav navam bhav ka budh jatak ko gyanvan, dhani, kushal kalakar, dharmik, samarpit patni tatha buddhiman santan pradan karta hai. vah satvik ay karne vala, sadhu-santon ka man karne vala tatha nirantar videsh yatraen karne vala hota hai. vah dayavan, sabhya, bahut-se sevko vala tatha apne kul aur parivar ka nam uncha karne vala hota hai. ayu ke 19ven varsh men mata ko kasht tatha 32ven varsh men bhagya ki hani ho sakti hai. dasham bhav dasham bhav ka budh jatak ko gyanvan, shastron ka gyata, prasiddh tatha satvik marg se jivan men unnati karne vala banata hai. rishtedaron se prem rakhne vala tatha unki sahayta karne vala, tikshn buiddh ka svami, nipun, vinodi, kushal vakta tatha jivan men vibhinn upakram karne men kushal hota hai. dalali se achchi ay vala kintu kamjor budh viprit parinam deta hai. ayu ke 16ven athva 29ven varsh men nishchay hi dhan labh prapt karta hai. ekadash bhav ekadash bhav ka budh jatak ko kalaon men ruchi lene vala, jyotish tatha mastishk vigyan men ruchi rakhne vala banata hai. vah ek kushal lekhak, shasan se labh pane vala, gupt vidyaon men gahri ruchi rakhne vala tatha sangit kala ka achcha gyata bhi hota hai. vah ati buddhiman, achcha jivan sathi tatha parivar ka samman badhane vala hota hai. jivan ke 45ven varsh men vah vishesh labh arjit karta hai. dvadash bhav dvadash bhav ka budh jatak ko samaj men apman ka bhagi tatha anutpadak karyon men lipt karta hai. kamjor budh mansik kasht deta hai tatha vah dusron ke prabhav men sahaj hi a jata hai aur dukh pata hai kintu uchch ka budh adhyatm, gupt vidyaon men ruchi tatha atyadhik samman pradan karta hai. jivan ka 22van tatha 44van varsh durbhagyapurn ho sakta hai. vibhinn rashiyon men budh ka parinam mesh mesh rashi men budh vyakti ko durjan ka mitra tatha jivan men kami tatha udasinta ka vatavaran pradan karta hai. vah sharab v anya nashon ka premi tatha apne duvryavhar dvara badnami kamane vala ho sakta hai. arthik kasht v tanav samy-samay par hote rahte hain jinke chalte vah kabhi-kabhi atisanvednshil ho jata hai. vrish vrish rashi men budh jatak ko apavyayi tatha bade-bujurgon ke pad chihnon par n chalne vala banata hai. vah jivan men vibhinn kashton se gujrta hai tatha unke karan pashchatap karta hai. arthik hani tatha santan ki chinta sada lagi rahti hai. mithun mithun rashi men budh jatak ki mata ko mansik kasht deta hai. uske vicharon ka dusron dvara virodh hota hai. parantu jivan sathi v santan se prasannata prapt hoti hai. vah apne karya men kushal, bahut buddhiman tatha apni vani v lekhan se logon ko prabhavit karne vala hota hai. kark kark rashi ka budh jatak ko videsh ka vasi tatha kabhi-kabhi bina ichcha vale sthan par bhi rahna pad sakta hai. use jivan men vibhinn prakar ke dukh v chintaon ka samna karna padta hai. vah kavita v lekhan men ruchi rakhne vala tatha yadi ise hi vyavsay banae to nam, dhan v yash kamane vala hota hai tatha uske anek mitra hote hain. sinh sinh rashi men budh jatak ko putra v jivan sathi se kasht deta hai. kabhi-kabhi galat vicharon se prerit ho jata hai aur apne lakshyon ko pane men use bahut kathinai hoti hai. in sabse badhakar vah sahsi, himmati, prayatnashil, karya shaili men bhavyata lie rahta hai kintu kabhi-kabhi apni buddhimatta ka uchit prayog nahi kar pata hai. kanya kanya rashi ka budh jatak ko sabhi prakar ki sukh-suvidha, atibhagyavan, bhavya, tejasvi, bahut buddhiman aur charitravan banata hai. vah achche vyavhar vala, nitivan, kushal lekhak, shastragya tatha shatruon ko parast karne vala hota hai. vah ishvar se vishesh sanbandh rakhne vala, kushal karyakarta, dhani tatha jivan men unnati karne vala hota hai. tula tula rashi men budh vyakti ko sharirik kasht, kamjor deh parantu vibhinn kalaon men nipunta pradan karta hai. jivan sathi se achcha talmel, apurva buddhi, dusron ki sahayta karne vala parantu vyapar men hani uthane vala banata hai. vah santulit vicharon vala, tikshn buddhi vala, achcha vicharak tatha dusron ko prabhavit karne ki yogyata vala hota hai. vrishchik vrishchik rashi men budh ki upasthiti jatak ko rishtedaron se virodh tatha dusron se ladai ka karak banati hai. use anechchit sthan par rahna pad sakta hai. use vipatti santap, sharirik kasht ka samna karna pad sakta hai. inhen dhan ki hani tatha anichcha se dusron ki seva karni pad sakti hai. dhanu dhanu rashi men budh jatak ko jivan men samy-samay par arthik kasht deta hai. kisi bhi nae upakram ko shuru karne men hamesha badha ati hai tatha apne hi logon se sada virodh ka samna karna pad sakta hai. use sankton, virodh aur kleshon se samna karna padta hai. usmen turant samjhne ki yogyata tatha chitravat smriti hoti hai kintu galat logon se ve jaldi hi prabhavit ho jate hain. makar makar rashi men budh jatak ko bure aur duvryasni logon se maitri ka karak hota hai. uchch varg men maitri ki ichcha rahti hai kintu antadrvandva ke chalte kuch vishesh labh nahin prapt kar pate. prabhutva pane ke lie vah jhuth bolne se bhi nahin chukte. ativyayi tatha jhuthi pratishtha v man ke karan apavyay karne vala hota hai tatha apni yojnaon men hani uthane vala hota hai. kunbh kumbh rashi men budh arthik hani tatha akaran samasyaon ka karak hota hai. mitron ke bich man ki hani tatha karyasthal par asthirta ko janm deta hai. vah dusron ke lie naukri karne par hi santushti v sthirta pa sakte hain. ye nae vicharon ko samjhne men kushal hote hue bhi, paranpravadi, rudhivadi hone ke karan uska labh nahin le pate. min min rashi men budh vyakti ko sharirik rogon se pidit karta hai, vah jivan men vibhinn dukh uthane vala, sankton ka samna karne vala tatha parishrami hote hue bhi adhik sampatti nahin bana pata. vah anishchit mat vala tatha ek hi vichar par sthir nahin rahne vala hota hai. kabhi-kabhi vah apne hi kuvicharon ka shikar ho jata hai. apne svayan ka vyavsay karne par vah galat nirnayon se bhi pareshan rahta hai.