amitabh bachchana
aul indiya rediyo men naukri ke lie ek shakhs ne avedan kiya, lekin unki bhari avaj ke karan unhen is naukri ke lie asvikrit kar diya gaya. yah shakhs aj apni damdar avaj ke lie sari duniya men jana jata hai, ek damdar aur prabhavi avaj ka unhen hastakshar kaha ja sakta hai. amitabh ! ek ajim tarin shakhsiyat ! jisne munbai sine jagat ki disha badal dali. apne kariyar ki shuruat men amitabh ne anek utar-charhav dekhe, par jab bhagya ne palta khaya to vah film jagat ke kshitij par dhurav tare ki tarah chamak uthe. rajniti men narendra modi ji, kriket men sachin tendulakar aur filmi jagat men abhitabh bachchan ko kaun bhul sakta hai. bhartiya sinema ne apne sau sal ki jivan yatra men anek parav dekhe. bare-bare kalakaron ka bhavishya yahan bana aur raton rat yahan log sitare bhi bane. inhin sitaron men se ek sitara amitabh bachchan hain.
bhartiya sinema ke itihas men sarvakalik, sarvashreshth aur prabhavshali abhinetaon men sabse upar amitabh ka nam ata hai. kisi bulandi ke sarvochch star ko hasil karna mushkil hai aur usse bhi adhik mushkil hai us star par bane rahna. yah mushkil karya bolivud ke megastar amitabh bachchan lagabhag 50 varshon se kar rahe hain. amitabh bachchan ne apne kariyar ki shuruat 1969 se ki thi aur kai dashkon se chal rahe unke kariyar men nirvivad rup se ‘‘bhartiya sinema ka samrat ya shahanshah’’ mana jata raha hai. unhen samy-samay par duniya bhar ke apne prashanskon dvara sammanit kiya jata raha hai. yah lokapriyata har gujrte varsh ke sath barhti hi ja rahi hai.
n keval thiyetar men alg-alag kirdaron men apitu ghar-ghar men telivijan ke harek chainal men darjanon vigyapnon men amitabh ji apna jalva dikhate hue milte hain. 77 varsh ki umra ke is parav men vah itne chusta-durust hokar janta ko ek behtrin misal dete hain ki kaise apne khan-pan v asan se apne ko ekadam fit rakha ja sakta hai. unka karmath jivan n keval vayaskon balki unke ham umra bujurgon ke lie bhi ek misal hai. sath hi aj ki yuva pirhi ko bhi bahut bara sandesh deta hai.
inka janm prakhyat kavi harivansh ray bachchan aur teji bachchan ke ghar hua. inke janm se purva mata teji ko svatantrata sangram andolan ka bhagidar hone ke karan jel jana para tha, garbhavastha ka kuch samay jel men bitaya, islie mata teji chahti thi ki inka nam inklab rakha jae. harivansh ray ji ke ek mitra ke kahne par inka nam amitabh rakha gaya.
sadi ke is mahanayak ne rajniti men bhi apni kismat ajmayi thi. rajiv gandhi ke karibi v dost hone ke karan inhonne kangres parti jvain ki thi aur ilahabad se desh ke athven am chunav men takatavar neta ech en bahuguna ko haraya tha. lekin inhen rajniti ka sansar nahin bhaya aur matra 3 varsh men inhonne isse vida le li.
1. kafi lanbe samay tak vah gujrat paryatan ke brand enbesadar bhi rahe hain.
2. jun 2000 men ve eshiya ke pahle aise vyakti the jinki landan ke maidam tusar sangrahalay men vaiks ki murti sthapit ki gai.
3. amit ji ke upar anek kitabane likhi ja chuki hai- d lijend 1999 men
4. tu bi ar naet tu bi- amitabh bachchan 2004 men ‘e bi d lijend .....2006’ men
5. amitabh bachchan jivit kinvdanti -2006 men ‘d meking aef supar star’-2006 men ‘luking faer di big bi’: ‘baelivud bachchana’ 2007 men ‘bachchanaliya’-2009 men
6. amit ji shuddh shakahari hain. 2012 men penta indiya dvara inhen ‘haetest vejiteriyan’ karar diya gaya. penta eshiya dvara karaye gaye ek kantest pol men eshiya ke seksiyast vejiteriyan ka taital bhi unhonne jita.
7. aj ke soshal midiya ke daur men big bi fes buk v tivatar ka jamakar istemal karte hain aur yahi karan hai ki soshal netavarking saitas par bhi unke fains ki sankhya lakhon karoron men hai. ve apne prashanskon ko kabhi naraj nahin karte aur pal-pal ki ghatnaon ko in madhyamon se sheyar karte hain.
tivi ki duniya men bhi amit ji ne apne jhande gare hain, unke dvara host kiya gaya program ‘kaun banega karorpti’ ne inhen ghar-ghar pahuncha diya. is program ko anya abhinetaon ne bhi host karne ki koshish ki lekin janta ko to apne amit hi pasand hain. islie aj tak amit ji apni vakptuta, bhasha shaili evan vyaktitva se karoron logane ke dil par raj karte hain. aj bhi ‘kaun banega karorpti’ bahut prasiddh aur ti. ar. pi. ke rikard torne men saksham hai.
amitabh hamesha apne star kad, danshilta, bhasha shaili aur anginat prashanskon ke prati apne vinamra vyavhar ke lie khabron men bane rahte hain. utkrisht abhinay ke lie unhen lagabhag sabhi pratishthit puraskaron ka gaurav prapt hai. sarvashreshth abhineta ke taur par inhen 3 bar ‘rashtriya film puraskar’ mil chuka hai. 14 bar ‘film feyar avarda’ aur bharat sarkar dvara ‘paùshri’ aur ‘paù bhushn’ samman se bhi navaja ja chuka hai aur ab bhartiya sinema ke sabse bare avard ‘dada saheb falke’ puraskar se amitabh bachchan ko sammanit karne ki ghoshna ki gai. amitabh bachchan saflta rupi gagan ke chandra banakar sanpurn bharat ko sushobhit kar rahe hain.
aiye inki kundli se dekhen ki hairan kar dene vali saflta ka raj kya hai?
shri amitabh bachchan ka janm 11 aktubar 1942 men ilahbad, yu. pi. men hua tha. kunbh lagn, tula rashi ke falasvarup vah dhir-ganbhir v santulit svabhav ke vyakti hain. lagn men ketu sthit hai, uchcharashisth guru vargottami hai aur lagnesh shani kendrasth hokar janm lagn v guru par drishti dal raha hai. in sare yogon ke falasvarup amitabh ka vyaktitva prabhavshali hai.
jis jatak ke janm lagn men ketu sthit hota hai us jatak ke chehre par yogi jaisa tej drishtigochar hota hai tatha jaise-jaise ayu barhti hai vaise-vaise vyakti adhik akarshak v yuva lagne lagta hai. amitabh bachchan ji ki kundli men lagnasth ketu kunbh rashi men sthit hai jo purnata ki pratik rashi hai. shayad islie kunbh rashisth ketu inhen param tejasvi bana raha hai.
jyotish men siddhant hai ki jis bhav par adhikadhik grahon ka prabhav parta hai, vah atyadhik balvan ho jata hai. inke ashtam bhav men uchch ke budh ko milakar char grah sthit hain v dvitiya bhav par panch grahon ki drishti hai. ashtam bhav men char grahon ki sthiti se ashtam bhav ke rajyog ka nirman ho raha hai, jiske falasvarup vah advitiya pratibha, gupt shakti, daivi sanpda v gurh gyan se sanpann hain.
ashtamesh uchch rashi ka hokar ashtam bhav men hi sthit hai. gyan v ishvar kripa ka karak guru uchch ka hokar vargottami hai tatha dvitiyesh v labhesh hokar kirti v vyavsay ke dasham bhav aur dhan ke dvitiya bhav par drishti dal raha hai. lagnesh kendra men hai aur dasham, ekadash tatha dhan bhavon ki sthiti bhi uttam hai. falasvarup unhen kairiyar men shighrata se unnati mili. bhagya bhav men chandra ki sthiti tatha ashtam bhav ke rajyog se unki kundli men bhagyonnati aur dhan vriddhi ke purn sanket hain. dhanesh v labhesh guru uchch ka hokar vargottami hai. dhan bhav par uske karak guru ke atirikt char aur grahon ki drishti ke karan amitabh ka dhan bhav vishesh balvan ho gaya hai.
guru grah ojasvita ka karak aur vani bhav ka svami hokar us par drishti dal raha hai. vani ke dvitiya bhav ka svami tatha karak budh donon hi uchcharashisth hokar vani ke bhav par drishti dal rahe hain. is bhav par kul panch grahon ki drishti hone ke falasvarup vah vakptuta hain aur unki vani atyant ojasvi hai. buddhi ke pancham bhav ka svami, pancham bhav ka karak v buddhi ka karak uchcharashi men hai, pancham se pancham bhav men chandra sthit hai tatha buddhi ko ojasvita v bal pradan karne vala guru uchcharashi ka hokar vargottami bhi hai. is grah yog ne amitabh ko buddhiman banaya. pancham bhav ki uttam sthiti purn santan sukh ki dyotak hai.
ashtam bhav ka rajyog hone ke karan tatha abhinay ke karak budh ki uchch sthiti aur dvitiya, pancham, navam v ekadash ke karak guru ke vargottami hone ke falasvarup unhen abhinay ke kshetra men uchch koti ki saflta mili. ashtam bhav ke rajyog ke falibhut hone ki avashyak shart pancham bhav ki uttam sthiti hoti hai. amitabh ki kundli men yah shart bhi puri ho rahi hai. kairiyar men shreshth saflta ke lie rajyog tatha lagnesh v dhan bhav ka uttam hona avashyak hota hai. inki kundli men ye sabhi sharten puri ho rahi hai. pancham bhav se purva janm ke punyon ka vichar kiya jata hai. jis jatak ki kundli men pancham bhav ki sthiti uttam nahin hoti, use bhagya ke kshetra men rukavton ka samna karna parta hai. iske atirikt pancham bhav navam se navam hone ke karan bhagya ko purn rup se prabhavit karta hai.
navamasth chandra ko bhagya ka vishesh karak mana jata hai. chandra se guru ki kendra men sthiti gajkesri yog ka nirman kar rahi hai. is prakar pancham bhav v pancham bhav ke karak grahon ki shreshth sthiti ne inke bhagya ke dvar khol die. falit ke suprasiddh granth hora shatak ke anusar shukra barhven bhav men, barhvin rashi (arthat min) tatha svarashiyon se barhvin rashiyon arthat mesh v kanya men sarvashreshth fal deta hai.
iske anusar inke shukra ko bhi kul milakar shreshth hi kaha jaega.
vartaman men inki shukra mahadsha men chandra ki antardsha prabhavi hai. gochar men is samay guru vrishchik rashi men karm bhav par gochar kar rahe hain, yahan se guru dvitiya bhav aur chaturth bhav donon bhavon ko apna ashirvad de rahe hain. chaturth bhav par guru ki shubhta inhen nae avards se sammanit kara rahi hai. navambar 2019 men guru dhanu rashi par gochar kar inki ay, unnati, samman aur saflta men char chand lagayenge.
2020 men guru-shani ka makar rashi men gochar karna svasthya aur vyayon ke lie pratikul kaha ja sakta hai. jab-jab guru-shani makar rashi men rahenge, us samay inka svasthya kharab rahega. atirikt savdhani rakhna shreyashkar rahega. makar rashi men shani ka gochar inke lie vishesh kashtakari siddh ho sakta hai, kyonki shani lagnesh hokar dvadash bhav par gocharasth honge. dvadash bhav men lagnesh ki sthiti svasthya ki hani ki suchak hai. iske sath hi shani is samay janmarashi se chaturth bhav par hone ke karan is samay inki shani ki dhaiyya bhi rahegi. janmarashi se chaturth par shani hriday men par kasht de sakta hai. atah savdhani banae rakhen.
ham jahan khade hote hain lain vahin se shuru hoti hai...
amit ji ka mashhur daylaeg aj bachche-bachche ki juban par hai. inhen log big bi, engri yang main, shahanshah, amit, ebi siniyar, van main indastri, suparastar, mahanayak aur amit ji ke nam se jante hain. antarrashtriya star par prasiddh, samajik muddon men madad karne ke lie sakriya, janta ke sath achchi tarah se jurna, inke vyaktitva ki khas visheshta hai. bharat sarkar ne bachchan ko 1984 men padm shri, 2001 men padm bhushan aur 2015 men padm vibhushan se kala men unke yogdan ke lie sammanit kiya. bachchan ek sadabhar bahumukhi abhineta hain.