‘‘babu mushay jindgi bari honi chahie, lanbi nahin’’ - anand muvi men rajesh khanna ek bahut sundar aur prerak uddharan kah gae jiska arth hai ki jivan lanba nahin, behatar hona chahie. jivan sabhi manushyon ke lie saman hai. ham hamare baelivud sitaron ke lie hamesha sochte hain ki chandi ki skrin par apne bejor abhinay se bhumikaon ko jivant karne vale sitaron ka jivan bara sukhad hota hai, unhen koi bimari hoti hi nahin hogi. vastav men iska karan unki kalpanikta se bharpur bhumikaen hoti hain. ham filmon men bahut se hiroj ko lagabhag avtar ke rup men dekhte hain, jinmen kabhi ve tren par chal rahe hain, chattanon se kud rahe hain, khalnaykon ki puri toli se lar rahe hain, desh ki madad kar rahe hain. yah sab dekh kar ham manne lagte hanai ki ve supar insan hain. ham yah svikar nahin karte hain ki ve hamare jaise hi log hain. unhen bhi jivan men pira, dard, duahkh aur akhir men mrityu se gujrna parta hai.
maut har kisi ki niyati hai, jo paida hoga vah mar jaega. kuch filmi hastiyan aisi hain ki kal tak jo saflta aur shoharat ke asman men sitara ban kar chamak rahe the, achanak se unhen hridyaghat hua aur sitara tutakar mrityu ka gras ban gaya. aj ham yahan hamare pasandida baelivud abhinetaon/ sitaron men se kuch sitaron ki charcha karne ja rahe hain, jinki mrityu ka karan hriday rog bana. aiye janen aisa kaise hua - vinod mehra 13 farvri 1945 ko lahaur men janme vinod mehra ne film ‘ragini’ se apne kariyar ka agaj kiya. film ‘‘ragini’’ men kishor kumar ke bachapan ka rol unhonne nibhaya tha. 30 sal se jyada ke apne abhinay kariyar men mehra ne 90 se adhik filmen din. abhineta ke rup men bahut kuch karne ke bad vinod mehra nirdeshan ke maidan men utre. ‘gurudev’ ko banne men lanba vakt laga aur film puri bhi n ho pai thi ki film ke rilij hone se purva hi ye chal base.
30 aktubar 1990 ko tamam baton par vinod ki maut ne fulastaep laga diya. achanak dil ka daura parne se ye asamay matra 45 varsh ki umra men hi vida ho gae. sanjiv kumar sanjiv kumar ki yah khasiyat thi ki ve kisi bhi film ko kisi bhi rup men apnakar use jivant bana dete the. ‘shole’ men thakur ki bhumika ko bhala kaun bhul sakta hai. ismen sanjiv kumar ek apahij ki bhumika men the. unhonne is kirdar men jo jan funki vah aj bhi ek yadgar hai. iske alava sanjiv kumar ‘koshish’ men ek gunge ki bhumika ho, ya fir naya din nai rat men akele nau-nau bhumikaen nibhakar mantramugdh kar diya tha. sanjiv kumar do bar sarvashreshth abhineta ke film feyar puraskar se sammanit kie gaye. yah puraskar unhen film ‘andhi’ aur ‘arjun pandit’ men unke bemisal abhinay ke lie mila. 6 navanbar 1985 ko sanjiv kumar ko dil ka daura para aur unhen is duniya se hamesha ke lie vida leni pari.
madhubala madhubala, ek aisi adakara jiski ada ka kayal aj ka daur bhi hai. muskurahton aur khubsurti ka paigam liye ek aisi pari 14 farvri 1933 ko dilli ki jamin par ai jiska vajud rajkumari jaisa tha lekin hakikat men uska janm ek garib muslman parivar men hua. bachapan se hi kam men khud ko khapa dene vali madhubala vakt se pahle bari ho gai thi. gauratalab hai ki mugl-e-ajam, mahal, haf tikat, chalti ka nam gari aur havra brij jaisi filmon men abhinay aur saundarya ka jalva bikherne vali madhubala ko jatil hriday rog ka samna karna para jiska un dinon ilaj karana mumkin nahin tha aur ant men yahi unki maut ka karan bana. deven varma hindi sinema men jab bhi mashhur hasya kalakaron ke nam yad kie jaenge, to deven varma ka nam vahan jarur liya jaega. unhonne kai filmon men apni prabhavpurn upasthiti darj karai, jinmen ‘angur’ ‘chori mera kam’, ‘andaj apna apna’, ‘bemisal’, ‘judai’, ‘dil to pagal hai’ tatha ‘kora kagj’ jaisi filmen shamil hain.
unhonne apne kariyar ki shuruat varsh 1961 men yash chopra nirdeshit film ‘dharm putra’ se ki thi. lekin ‘angur’ men nibhae unke kirdar ko log aj bhi yad kiya karte hain. charitra abhineta ke taur par apni khas jagah banane vale deven varma ka dil ka daura parne se nidhan ho gaya hai. farukh shekh ek shandar abhineta ke rup men farukh shekh ko sadaiv yad kiya jata rahega. inhonne shatranj ke khilari, ye javani hai divani, chashme baddur jaisi kai ullekhniya filmon men kam kiya. shekh ko apne tivi sho ‘jina isi ka nam hai’ se vishesh lokapriyata mili jiske ye mejban rahe, ismen inhonne kai baelivud hastiyon ka sakshatkar liya. farukh 27 disanbar 2013 ko dubai men dil ka daura parne se nahin rahe, jahan ve apne parivar ke sath chutti par gae the. navin nishchal 11 aprail 1946 ko janme navin nishchal ka baelivud men agaj hua mohan sahagal ki film ‘‘savan bhado’’ se.
isi film se abhinetri rekha bhi apni filmi pari ki shuruat kar rahi thi. khonsla ka ghonsla, ashik banaya apne, akrosh, a ab laut chalen, adi jaisi filmon men unki bhumika yadgar rahi. jivan ke antim samay men ye apne niji parivarik jivan ki kalah ke karan mansik rup se kafi pratarit the. yahi unke hart ataik ki vajah bani. hriday rog ke jyotishiya yog aur karan aj n keval filmi hastiyan hriday rog ki shikar hoti rahi hain apitu vishvabhar men jyadatar vyakti hriday sanbandhi rogon se pareshan hain. jyotish shastra men bhi svasthya ko mahatvapurn mana gaya hai. islie anek prakar ke jyotishiya yog batae gae hain, jinse pata kiya ja sakta hai ki vyakti ko kaun-se rog hone ki ashanka hai. yadi samay rahte un yogon ke sanbandh men jankari mil jae to un rogon ko kam karne ke upay kie ja sakte hain. jyotish men kalpurush ki kundli men hriday ka bhav chaturth hota hai tatha hriday ka karak grah surya hai.
dhyan rahe, yadi kundli men surya pirit ho, chaturth bhav pirit ho ya chaturthesh pirit ho to vyakti ko hriday se sanbandhit rogon ki sanbhavna rahti hai. chaturth bhav se iska vichar kiya jata hai. chatha sthan rog sthan hai. islie surya tatha chaturth bhav men pap grah hon, pap grahon ki drishti ho to hriday rog hone ki ashanka rahti hai.
1. chaturth ya pancham bhav men pap grah hon ya in par pap grahon ki drishti ho to hriday rog hota hai.
2. pancham tatha dvadash bhav ke svami ek sath chathe, athven ya 12ven bhav men hon.
3. chaithe bhav men surya, shani, guru ek sath hon to ganbhir hriday rog hota hai.
4. saptam ya chaturth bhav men mangal, guru evan shani ek sath hon.
5. tritiya, chaturth aur pancham in tinon sthanon par pap grah hon.
uprokt filmi hastiyon ki kundliyon ka bariki se adhyayan karne par hamne paya ki ek asantulit jivan shaili aur kundli men ban rahe ashubh yog sehat men kami kar hriday rog dete hain aur anttah mrityu ki god men gahri nind bhi sula dete hain. islie savdhani hi bachav hai.