chakra ek sanskrit shabd hai jiska arth hai pahiya. manav sharir men chote, madhyam evan pramakh kuul milakar 41 chakra hain, ye chakra lagatar chakkar lagate hue urja kendra hain jo aura (prabhamandl) ke atyant mahatvapurn ang hain. sharir men kul sat pramukh chakra hain evan pratyek chakra karib 4 inch vyas ke hote hain. sthul sharir men sat antah sravit grannthiyan (indokrain glaind) hain jo sharir ke rasaynik karkhane ke rup men karya karti hain. pratyek antah sravit granthiyon ke upar ek pramukh chakra hai jo sharir ke sanvednshil evan pramukh angon ke karyon ko niyantrit evan urjanvit usi prakar karte hain jaise vidyut-utpadan kendra (pavar steshn) vidyut urja ki apurti kar kal-karkhanon ko chalate hain. ye chakra sanpurn sthul sharir ko niyantrit karte hue unhen urjanvit karte hain. agar antah sravit granthiyon men koi kharabi a gai hai to sanbandhit chakra ko kriyanvit kar us kharabi ko dur kiya ja sakta hai. chakron ke dushit ho jane par sthul sharir men tatkal atyant pratikul prabhav parta hai.
sharir ke pramukh sat chakra:
û muladhar: yah chakra purushon ki rirh ki sabse niche ki tikoni haddi evan mahilaon ke andashay ke madhya kshetra men avasthit hai. yah chakra sharir men bhautik jivan shakti ka sthan hai jo jivan ke lie prerit karta hai. yah kundlini shakti ke jagaran evan prachturta ka parichayak hai. sanbandhit ang: suprarinal ganrathi, kidni evan sushumna, tatva-prithvi, rang-lal, karya-bhautik shakti, srijan. chakra ka yantra-chatushkon grah, grah-shani, lok-bhu chakra ka bij tatva-lan, chakra ke kamal dal-char, chakra ka dhyan-guda, vahn-airavat, chakradl-char, chakra ke dhyan ka fal-vakta, manushyon men shreshth, sarva vidyaon ka gyata, arogya, anand chiÿa vala, kavya shakti sanpann. pratikul prabhav- udasi, bharipan, sharirik jarta, asthi rog.
û svadhishthan chakra: nabhi ke karib tin inch niche yah chakra avasthit hai. yah chakra sanbandhit ang-gronad ganrathi, prajanan ang evan donon pan, akar- arddhachandrakar, rang-santri, karya-kisi vyakti ke prati manobhav sidhe chakra ke dvara prapt hote hain, bhavnatmak vichar, tatva-jal, grah-guru, chakra ka bij tatva-van, chakra ka yantra- arddhachandrakar, lok-bhumi, chakra dal-6 (chah), chakra ka vahn-magaramachch, chakra ke adhishthata devta-bhagvan vishnu, chakra ke dhyan ka fal- aisa manushya shreshth yogi, kavya rachna karne vala evan ahankar se pare hota hai. pratikul prabhav- kaf, khansi, shvas, mutra rog.
û manipur chakra: nabhi se karib tin angul upar vastavik kendra hai, jahan se bhautik urja ka vitaran hota hai. yah chakra ‘shakti evan buddhimani’ ka pratik hai. agar ham kisi bat se bahut dar jate hain to is ang men svatah karapan a jata hai to bhukh band ho jati hai. sanbandhit ang-livar, painkriyaj, pet, pachan shakti, ependiks, fefre, gaelabladar. tatva-agni, rang-pila, karya-shakti evan buddhi, chakra ka lok-svah, chakra ke kamal dal-10, , chakra ka bij tatva ran, chakra ka yantra- trikonakar, chakra ka vahn-mesh athva merha, grah-mangal, chakra ke adhishthata devta-vriddhi rudra. chakra ke dhyan ka fal- aisa manushya vakya rachna men nipun hota hai, jiski jihva par sakshat sarasvati nivas karti hai. vah sansar palan men samarth hota hai. pratikul prabhav-rakt sanbandhi vikar, atisar, vayu-vikar, pith ki taklif aur sfurti men kami.
û hriday chakra ya anahat chakra: dil ke karib sine ke bich men yah chakra avasthit hai. sanbandhit ang-thaimas granthi, hriday, fefre, rakt pravah. yah chakra nishchal prem, apnapan, adhyatmik vikas, bhakti, sadhna evan prem ka pratik hai. hamare rishi-muniyon ne is chakra ko jagrat karne par vishesh bal diya hai. bina kisi shart ke pyar karna is chakra ki uchch sthiti hai. is chakra ka karya-prem aur pravitra bhavna hai. tatva-vayu, rang-hara, chakra ka tatva bij-yan, chakra ka vahn- mrig, chakra ka gun- sparsh, chakra ka kamal dal-dvadash. grah-shukra, chakra ke dhyan ka fal- aisa manushya yogishvar hota hai. vakya rachna men samathryavan, indra ke saman vijyi evan parkaya pravesh men samarth hota hai. pratikul prabhav- sharirik pira, nirasha, prem ka abhav, akelapan.
û vishuddh chakra: yah sanchar ka chakra hai. apni abhivyakti evan kriyashilta, apne manobhavon ko dusron tak pahunchane ka mahatvapurn vibhag hai. jo sach hai, satya hai uski abhivyakti karte rahne se is chakra ka satat vikas hota hai. vani men oj evan prabhav hota hai. is chakra dvara antratma ki avaj evan uchch star se ane vale sandesh grihit hote hain. sanbandhit ang-thairaid granthi, gala, fefre, vayu pravah, rakt pravah, hriday. tatva-akash, chakra ka tatva bij- han, chakra ka vahn- hathi, chakra ke grah-budh, chakra ke svami-sadashiv, chakra ka rang-halka akashiya nil, chakra ke kamal dal-solah. pratikul prabhav-piÿa, kaf evan bal sanbandhi rog.
û agya chakra: yah chakra lalat, donon bhauhon ke madhya jara upar avasthit hai. yah chakra bahya gyan ka kendra hai. vyakti ke antajrnyan (intayushn) ka vikas isi chakra se hota hai. is chakra se bhavishya men hone vali ghatnaon ki sukshm jankari prapt hoti hai evan iske viksit aur jagrat hone se log prabhavshali rahte hain. adhyatmik vikas ke lie agya chakra ka bahut mahatva hai. sanbandhit ang sushumna nari, bayin ankh, nak, kan, nari sansthan ityadi. yah chakra vidyut ke prakash ki bhanti ujjaval hai. is chakra ka rang gahra nila hai, tatva-mahah, chakra ka bij tatva un, vahn-nad, chakra ke adhishthata devta- arddhanarishvar, chakra ka grah-purn chandrama, chakra ke kamal dal-do. chakra ke dhyan ka fal- aisa manushya vak siddh ho jata hai. yah antahprerna aur ichchaon ka chakra.
û sahasrar chakra: sir ke upar madhya men yah chakra avasthit hai. yah chakra uchchatam adhyatmik sadhna ka sthal hai, uchchatam sthiti men gyan ko prapt kar samadhi ki avastha hoti hai. nirvikar, koi bhav nahin, koi vichar nahin- uchchatam sthiti hai. sanbanddh ang- upri dimag, dayin ankh, rang-jamuni, piniyal ganrathi, adhyatmik pragti, chakra ka tatva- tatvatit, tatva bij visarg, grah-surya, vahn- bindu, devta-paranbrahm. aisa vyakti amaratva ko prapt karta hai. vah akashgamie v samadhiyukt hota hai. is chakra ke kamal dal hajar hain jise sahasrarandhra bhi kahte hain.