shrikrishn janmabhumi ke prachin mandir  

shrikrishn janmabhumi ke prachin mandir! dae. bhagvan sahay shrivastav krishn ki janmabhumi mathura men krishn ke mandiron ke atirikt kai anya mandir tatha darshaniya sthal bhi hain, jinhen bhaktagan ya paryatak dekhakar unki visheshtaon se parichit hote hain. prastut hai mathura ke prachin mandiron ki ek jhalk- mathura nagri ka jitna mahatva dharmik drishti se hai, utna hi aitihasik drishti se bhi hai. desh ka aisa koi prasiddh tirth nahin jo mathura mandal men n ho ya mathura ka usse kisi n kisi prakar ka sanbandh n ho. ayodhya, kashi, haridvar, avanti, sabhi prasiddh sthal mathura mandal men hain. tirtharaj prayag bhi yahan chaturmasya men nivas karta hai. vibhinn prasiddh samraton ka bhi is nagri se kisi n kisi prakar ka sanbandh raha hai. is nagri ke kuch khas sthalon ki jankari ham yahan de rahe hain. vishram ghat: vishram ghat par bhagvan varah ne hiranyaksh ka vadh karke vishram kiya tha. dvapar men bhagvan shrikrishn ne kans ko marakar yahan vishram kiya tha. varah puran men vishram ghat ko advitiya tirth bataya gaya hai- shramo nashyati me shighran mathura bhagatasya hi. vishramnachchaiv vishantisten sangya kritamya.. tatha- nakeshvsmo devo n mathur samodvijah. n vishrant saman tirth satyan-satyan vasundhare. yahan pratah aur sayankal shri yamuna ji ki arti dekhte hi banti hai jismen bahut se ghante ek sath bajae jate hain. dvarkadhish mandir: shri dvarkadhish ji vishram ghat ke samip vishal mandir men virajman hain. ballabhkul-sanpraday ke acharya shri brajbhushan lal ji maharaj ke sanrakshan men inki seva puja prachlit rahi. dvarkadhish ji ki murti gvaliyar men suprasiddh parkhvare namak sthan par ninv khodte samay parikh gokuldas ji ko mili thi. parikh ji maharaj daulat rav sindhiya ke divan the. nagaon ke apar dhan ke sath is murti ko ve mathura lae aur yahan mandir nirman kar thakur ji ko iv r a j m a n kiya. yah mandir asharh krishn ashtami, sanvat 1871 men banakar taiyar hua tha. varah ji ka mandir: yah mandir manik chaik muhalle men hai. iske samip hi shri dvarkadhish ji hain. varah ji ki murti atyant prachin hai. katha hai ki prachin kal men mandhata namak ek raja tha. mandhata ki tapasya se prasann hokar bhagvan ne use varah ki murti seva ke lie di thi. mandhata se yah murti kapil muni ko mili aur kapil ne ise indra ko diya. indra se indrajit le gaya aur ravan vadh ke pashchat vibhishan se shri ram ne keval varah ji ki murti grahan ki, aur unhen ayodhya men sthapit kiya. ayodhya se ek bar shatru dhan ji mathura padhare the aur mathur brahmanon ke agrah par unhonne lavan namak asur ka vadh kiya tha. shriram ne jab shatrughn ji ko mathura ka rajya diya to ve varah ji ko apne sath mathura lae aur tab se yah murti mathura men hi vidyaman hai. ek anya katha ke anusar varah ji ne hiranyaksh ko marakar yahin vishram kiya tha, tabhi is mandir ka nirman hua. yah kapil varah, varah dev, narayan, langal aur vaman nam se prasiddh hain. varah ke darshanon ka punya pushkar snan aur gaya ke pindadan ke saman hai. dvadshi ke din inki parikrama karne se prithvi parikrama ka punya milta hai. padmanabh mandir: yah mandir maholi por muhalle men sthit hai. ismen padmanabh ji ki murti hai, jise bhagvan shri krishn ke prapautra vajranabh ne apne samay men sthapit kiya tha. is murti men adha bhag hari ka aur adha har ka hai. atah iska vishesh mahatva hai. gatashram narayan mandir: yah mandir gatashram tila muhalle men hai. gatashram narayan ki murti atyant prachin hai. yahi atan grirh i parikrama m ne acharya shri ballabh muni ke darshan avashya karne chahie. mandir jirn avastha men hai. mathura devi mandir - yah shitla paysa namak sthan men sthit hai. ismen mathura devi vidyaman hain. itihas hai ki yahan ahamad shah abdali ne mathuron ka vinash kiya tha, atah iska aitihasik mahatva bhi hai. atan grirh i parikrama m ne patra yake yatri yahan ata hai. dirgh vishnu mandir - yah mandir manohar pura namak sthan men hai. vartaman mandir ka nirman banaras ke raja patnimal ne karvaya tha. bhagvan dirgh vishnu ki murti bari bhavya hai. mathura men kans ke mallon ke vinash ke samay bhagvan ne jo dirgh rup dharan kiya tha, yah murti usi ki parichayak hai. chaitra shukla dvadshi ke din iske pujan se duahkhon ka nivaran hota hai. keshvdev mandir: yah mandir mathura nagar ke pashchim men hai. prachin mathura yahin par basi hui thi. bhagvan krishn ki janm bhumi bhi yahi hai. kans ka karavas yahin tha. iske bhagnavshesh aj iske jvalant praman hain. bhagvan ka dham hone ke karan is par akramnkariyon, luteron adi ke anek krur akraman hue fir bhi yah sthal apni smriti aj tak banae hue hai. yahan advitiya bhagavat bhavan hai. mahmud gajnvi ke samay is mandir ka aishvarya apne yauvan par tha, lekin ise gajni ke luteron ne nasht kar diya. kalantar men virsinh bundela ne 33 lakh rupye ki rashi se iska jirnoddhar karvaya, lekin age chalakar krur aurangjeb ne ise dharashayi kar yahan ek masjid ka nirman kara diya. aj se lagabhag 250 varsh purva gvaliyar maharaj ne iske kuch bhagon ki raksha ki thi. mahavidya mandir: yah mandir keshav dev se age parikrama marg men sthit hai. apni shaili ka mathura men yah ek hi mandir hai. ismen mahavidya ki murti hai. kaha jata hai ki mahavidya ki pratishtha pandavon ne ki thi. vartaman mandir ka nirman 18 vin shadi men peshvaon ne kiya tha. chamunda mandir: yah mandir shakt sanpraday ka prasiddh tirth hai. yoni ki akriti men chamunda ji ki murti ke hath pair adi ang nahin hain. sindur ke lep se vishal khand avrit hai. kuch log inhen chinnamasta kahte hain aur kuch anya inka sanbandh saptashati men varnit chand mund vinashini ‘chamunda’ se jorte hain. nagar ki yah aradhya devi hain. ganesh mandir: yah mandir vrindavan marg men yamuna tat par mitti ke ek vishal shikhar par sthit hai. yahan ganesh ki murti men anek devi-devta utkirn hain. magh mas men panchamrit snan ke samay inke sarvang darshan karae jate hain. ganesh ki ek aur pratima nagar ke madhya men hai, jismen 10 bhujae hanai. yah pratima vishal hai. gokarn nath: mathura ki prachin murtiyon men gokarnanath ki murti bhi shiv ki yah pratima atyant vilakshan hai. bhagvan shiv hath men kundi sota lie hain. unki aisi murti bharat men anyatra kahin nahin hai. puran ke anusar yahan bhagavat men varnit prasiddh dhundhukari pret ke bhai gokarn ne tapasya ki thi, islie iska nam gokarn tirth para. bhuteshvar mahadev: bhuteshvar yahan ke kotpal hain. mathura ka pratyek vyakti puja ke dauran sankalp men aj bhi ‘bhuteshvar kshetre’ kahakar inka smaran karta hai. inki pratima ardh manushya ke akar ki hai. isi prakar rangeshvar mahadev ki murti kans vadh ke pashchat krishn balram ke bal ka gungan karti hui bhumi se niahsrit hui thi.