har kaspal kundli men sarvapratham barth taim rektifikeshan (janm samay ka shuddhikrn) karna anivarya hai kyonki kaspal kundli men jis bhi bhav ka promis/ potenshiyal parhna ho to us vishisht bhav ke sab sab laerd se parha jata hai. sarvapratham lagn ke sab sab laerd ko fiks kiya jata hai aur usi ke anusar baki bache bhavon ki rachna hoti hai. barth taim rektifai kar ham janm ke us kshan tak pahunchne ka prayas karte hain jab vastav men jatak janm leta hai. janm ka kshan vah mana jata hai jab bachcha man se juda hota hai ya jab vah pahla sans leta hai. janm ke isi kshan tak pahunchne ke lie kaspal jyotish ke janak shriman es. pi. khullar ji ne kuch thos niyamon ki rachna ki tatha jo niyam janm samay ke shuddhikaran ke lie banae gae hain, is lekh ke madhyam se apke sammukh prastut haiah pahla vichar - barth taim rektifikeshan ke lie ruling plainets ki madad li jati hai. ruling plainets ka tatparya hai ki jab ap kundli ki rektifikeshan ke lie baithen us din aur us samay par chandra aur lagn ki kya pojishan hai.
chandra kisi rashi men kisi star men kisi sab men aur kisi sab sab men hoga aur isi prakar us samay lagn bhi kisi rashi, star, sab ya sab-sab men hoga. is prakar apko char grah mun ke ruling ke mil jaenge tatha char grah lagn ke ruling ke mil jaenge jinhen ham mun ke ruling plainets aur lagn ke ruling plainets ke rup men jante hai. ab dharna yah hai ki ap ruling plainet lagn ki madad se jatak (naitl) ki chandra ki pojishan ko thik (correct) karenge aur ruling plainet mun ki sahayta se ap jatak ke lagn ki pojishan ko fiks karenge kyonki nakshatra tatha nari jyotish ka siddhant hai ki garbhadhan (conception) ke samay bhachakra men chandra kisi vishisht pojishan men hoga tatha usi vishisht samay par ek vishisht lagn ka uday hona bhi nishchit hai. dharna yah hai ki kisi vishisht garbhadhan ke samay jo sthiti chandra ki hoti hai vah sthiti janm ke samay lagn ki ban jati hai tatha garbhadhan ke samay jo pojishan lagn ki hoti hai janm ke samay lagn ki vahi sthiti jatak ki chandra pojishan ban jati hai. ruling plainets ko barth taim rektifai karne ke lie istemal karne ka vichar isi vidhi se liya gaya hai.
dusra vichar (pahla niyam) lagn ke sab-sab laerd ka sanbandh jatak ke mun star (chandra nakshatra) se hona anivarya hai aur yah sanbandh tin prakar se sthapit hota hai
1) mun star jo bhi grah hai vahi grah lagn ka sab-sab laerd bhi ho yani ki agar chandra ka nakshatra shani hai to ap lagn ka sab-sab laerd bhi shani rakh sakte hain.
2) us vishisht kundli men mun star jis bhi nakshatra, sab ya sab-sab men ho ap us grah ko lagn ka sab-sab laerd rakh sakte hain
3) kundli men jo bhi grah (9 grahon men se) mun star laerd se sanbandh sthapit karega use ap lagn ka sab-sab laerd fiks kar sakte hain.
dusra niyam- surya ke ko ruling grah (sah shask) chandra ke ko ruling grah aur lagn ke ko ruling grah yani ki surya, chandra aur lagn ke rashi laerd, star laerd, sab laerd aur sab-sab laerd ye sabhi grah pahle bhav ya satvane bhav ya dasven bhav ko signiifai karen aur agar ye sabhi grah pahle ya satven ya dasven bhav ke signifiketar ban jaen to aur behatar hai.
tisra niyam- lagn ke sab-sab laerd fiks karne ke sath sath ap jenetikal sanbandh (kanaikshana) bhi fiks kar sakte hain. kundli men tisra bhav chote bhai ya bahan ka hota hai. chaitha bhav mata ka, panchvan bhav pahli santan ka, satvan dusri santan ka, navan bhav pita ka aur tisri santan ka tatha gyarvan bhav bare bhai ya bahan ka hai. agar apke pas in uprlikhit sanbandh ka mun star hai to ap kramshah tisre, chaithe, panchven, satven, naven aur gyahrven bhavon ke sab- sab laerd bhi fiks kar sakte hanai. thik usi prakar jis prakar apne lagn ke sab-sab laerd ko fiks kiya hai.
chaitha niyam- ivent verifikeshan hai. yadi apke jivan kal men koi vishisht ghatna ya durghatana ghat chuki hai to ap us vishisht ivent ko kundli ka barth taim rektifikeshan karne ke lie istemal kar sakte hain.
panchvan niyam -ho chuki ghatna ke din jatak ki dasha, bhukti, antra, sukshm aur pran ke alava us din ka gochar bhi not karen tatha agar jivnkal men koi ghatna ghati hai ya koi ivent (shubh ya ashubh) ghatit hua hai to apki kundli ko yah dikhlana anivarya hai ki us vishisht din aur vishisht samay par yah ivent ghatit hua. agar apki kundli yah nahin dikhlati hai to nishchit manen ki apki kanudli ki barth taim rektifikeshan karne ki avashyakta hai kyonki ivent to ghatit hua hai. shadi, bachche ka janm, kisi sanbandhi ki mrityu, yatra ityadi kai prakar ke ivent bitiar ke lie apko mil jaenge. iske alava us vishisht ivent ke din ka progreshan bhi barth taim rektifikeshan ke lie istemal kiya jata hai.