vastu ka prachalan kuch varsho se bahut adhik ho gaya hai. vaise to vastu ka istemal hajaron varshon se ho raha hai evan iska ullekh narad sanhita men bhi milta hai, lekin aj yah kai rupon men ubhar kar samne a raha hai. vastu ka pramukh uddeshya ghar, karya ya udyog men samriddhi evan shanti lana hai. yah keval bhumi chayan ya bhavan nirman ke samay tak hi simit nahin hai, varan isse ham yah bhi jan sakte hain ki ghar men farnichar kaise sthapit karen, rasoi ghar men chulha kahan rakha jae, ya draeing rum men agantuk ko kis sthan par baithaya jae; isi prakar karyalay men kis or munh kar ke baitha jae, jisse adhik se adhik labh ho evan shanti se kam hota rahe.
bharat men chote-bare lakhon udyog hain evan sab udyogpti kisi vastukar se salah, kai karanavash, nahin lena chahte. unke lie vastu ke kuch niyam niche bataye ja rahe hain, jinko apnane se nabbe pratishat tak vastu dosh samapt ho jate hain. bhumi chayn: chaikor ya aytakar bhumi sabse achchi hoti hai. bhumi tikoni nahin honi chahie. uttar ya purva se pravesh achcha hota hai. bhumi ka uttara-purva kona kata hua nahin hona chahie. yah kona lanba ya nyun kon ka hona chahie. dakshin-pashchim ka kona samkon hona chahie. dakshin-pashchim men unchai honi chahie arthat uttara-purva ki or dhalan honi chahie. yadi aisa n ho, to use mitti se bharva kar aisa avashya karna chahie. yadi dakshin-pashchim nicha hoga, to malik ka svasthya kharab rahega. purva-pashchim kata ho, to malik ko mansik tanav rahega.
bhavan nirman
yadi ap bhavan nirman karva rahe hain, to hamesha dhyan rakhen ki dakshin-pashchim ke kone se nirman karya shuru karvaen aur jaise-jaise bhavan ka nirman hota jae, dakshin-pashchim ka nirman uttara-purva se hamesha uncha rahe. aisa karne se kam men badha nahin ati aur nirman karya shighra sanpann hota hai. kul milakar bhavan nirman ke dauran dakshin-pashchim bhag sabse bhari evan uncha hona chahie evan is or koi gaddhe adi nahin hone chahie. vastu men nalkup ya pani ki tanki ka vishesh mahatva hai.
nalkup ap uttara-purva men lagvaen. pani ki tanki ko dakshin ya pashchim men lagvane ka prayatn karen, par dakshin-pashchim men nahin. bijli ya urja ka srot dakshin-purva men sabse achcha hota hai. atah udyog men is or jenretar, baeyalar evan transfarmar ityadi rakhne chahie. gande pani ka nikas uttara-pashchim men achcha rahega. isi or pakke mal ka godam hona chahie. is or rakhi hui vastu kabhi tikti nahin aur jald hi uski nikasi ho jati hai.
kachcha mal uttar ya purva men hona chahie. dhyan rakhen ki dakshin-pashchim ki or koi dvar n ho, kyonki yah chori ya ghate ka dvar hoga. dakshin-pashchim men dvar ho, to ghata hota hai. yadi pani ka bahav dakshin-pashchim ko ho, to sari mehanat bekar jati hai aur sare kharche hani men parivartit ho jate hain. pashchim ya dakshin ki or darvaje-khirkiyan kam evan uttara-purva ki or adhik honi chahie. isse dhup evan hava ka achcha asar rahta hai, rog dur hote hain tatha majdur khush rahte hain evan mehanat se karya karte hain. utpadan prakiya dakshin se uttar evan pashchim se purva ki or chalni chahie. isse utpadan ke karyon men vighn nahin ate. prashasnik vibhag uttara-purva men rakhen. vahin koi mandir adi rakhen evan mukhya pravesh dvar bhi vahin rakhen. pravesh dvar par ghore ki nal athva ek lohe ki kil thok deni chahie. isse nazar nahin lagti hai. uttara-purva men khula maidan rakhen, ya bagicha banaen. malik ko apna munh purva ki or kar ke baithna chahie evan agantuk ka munh pashchim ki or hona chahie. isse agantuk hamesha malik se prabhavit rahta hai evan uski shart man leta hai.
uparyukt niyamon ka thik se palan tabhi sanbhav hai, jab bhumi men pravesh uttar ya purva se ho. yadi pravesh dakshin ya pashchim se rahta hai, to sab tarah ke aram sanbhav nahin hai. apke samjhne ke lie ek naksha diya ja raha hai. am taur par yah mumkin nahin hai ki udyog men ap hamesha is prakar ka naksha apna saken. lekin iska prayas nishchit hi sanbhav ha