brihaspati  

brihaspati, rishi angira ke putra tatha devtaon ke purohit the. sabhi prakar ki kathinaiyon ke rahte hue bhi ve devtaon ke lie sabhi dharmik v pavitra karmakand, yagyadi kushltapurvak karne men saksham the. daitya, devtaon ko kasht dena chahte the. unke yagyadi men badha dalakar unhen niradhar karna chahte the, in paristhitiyon men brihaspati apne shaktishali mantron ke dvara daityon se devtaon ki raksha karte the. daitya unke bhay se devtaon ke nikat ane ka prayas nahin kar pate the. brihaspati ne asadhya aradhna dvara bhagvan shankar ko prasann kiya. bhagvan shankar ne prasann ho unhen devguru ka pad tatha grah ka sthan pradan kiya. brihaspati ke janm ki katha bahut hi saral aur spasht hai. ismen kuch bhi natkiya aur uttejak nahin hai jo brihaspati ki upalabdhiyon ko rekhankit kare. brihaspati ek aisa vyaktitva hai jo apni purn kshamata se dhyan, nirikshan dvara sansar ko samjhna chahte hain, vah iske lie kisi dusre par nirbhar n rahakar apne svayan ke anubhav se hi yah sab janne ko atur rahte hain. vah athak prayas dvara sabhi sroton se gyan prapt karne ko prayasarat hain. yadi us gyan ka vastav men koi mahatva hai to vah kahin bhi aur kisi se bhi gyan prapti men nahin hichkte. brihaspati ka to samast vyaktitva hi vibhinn marg se gyan prapt karne tatha sabhi rishiyon ko purnata ke sath puri gahrai tak samjhne par hi nirbhar hai. yah ek bahut hi lanba aur jatil marg hai tatha ismen bahut bar gahre andhkar se hokar gujrna padta hai, jahan dur-dur tak bhavishya men bhi koi prakash ki kiran drishtigochar nahin hoti. vikas ka kram mukhyatah do siddhanton par nirbhar karta hai. yadi kisi ko har prakar ki kathinai ke rahte hue bhi pahad ki choti par chadhai karni hai athva dhara ke viprit jakar nadi ke udgam tak ke marg ko khojna hai aur vah apni purn kshamata aur sahas ke sath us karya men lag jata hai jisse marg men padne vali pratyek kathinai uske vyaktitva ko naye ayam pradan karti hai tatha lakshya ki prapti uske vyaktitva men lakshyasiddhi ka ayam jodakar mahatvapurn bana deti hai. sanskrit men brihaspati ko guru bhi kahte hain. gyan ka srot bhi asim hai tatha uski sima nirdharit nahin ki ja sakti. kintu fir bhi kuch sarlta ke lie ise ham do dishaon men vibhajit karte hain. ek hai sansarik gyan jisse nyay ke lie ek vishesh prakar ki mansik taiyari ki avashyakta rahti hai tatha dusra hai adhyatmik athva atmagyan jo anya anubhuti ke marg par chalakar hi paya ja sakta hai. sansarik gyan ki prapti ke lie brihaspati ne sabhi prakar ke shastron aur vidyaon ka gahan adhyayan kiya tatha atmagyan ki prapti ke lie apne bhitar ki gyan yatra kar param satya ka gyan arjit kiya. shishya to sada hi apni sabhi jigyasaon ke lie guru ki or dekhte hain tatha usmen apni sabhi jigyasaon aur samasyaon ka uttar v margadarshan chahte hain, fir devtaon ke guru hain jo svayan hi gyan ke punj hain. gyani janon ki jigyasaon ko sahaj hi shant nahin kiya ja sakta, vah to sada hi uchit margadarshan ki khoj men rahte hain, atah brihaspati ka karya saral nahin hai. unhen sarvochch guru hone ke lie gyan ke kshetra men sada agrasar rahna padta hai tatha sabhi prakar ke gyan ke sangrah men sada sanlagn rahna hota hai. janmakanudli ke vibhinn bhavon men brihaspati ka prabhavah pratham bhav yadi pratham bhav men brihaspati ho to jatak ko dirghayu pradan karta hai. vah dhani, nyayapriya, shant, shantipriya tatha shasan dvara suvidha pane vala hota hai. yadi brihaspati badhit athva nich rashi men ho to jatak sharirik rog vala tatha adhik bhojan karne ki adat ke karan mota hona, jue ka shaukin tatha kamuk anand men ruchi rakhne vala hota hai. vahin uchch ka brihaspati vyakti ko vidva an, parivar men unnati karne vala, lobh rahit, udarmna, dharmik tatha samaj men sammanpurvak sthan pane vala hota hai. atmavishvasi, dhairyavan tatha jivan ke athven varsh men samman athva protsahan pane vala hota hai. dvitiya bhav dvitiya bhav ka brihaspati vyakti ko sanpattivan, svadisht vyanjnon ka premi, kushal vakta, adhikar men anand lene vala tatha saubhagyashali banata hai. prasannachitt, parivarik sukhon ka bhagi, jivan ke adhikarik pad pane vala tatha niji prayas dvara achcha dhan kamane vala hota hai. parantu yadi brihaspati badhit ho to rini tatha jivan sathi se sukh n pane vala hota hai. ayu ka 27van varsh jivan men vishesh mahatva rakhta hai. tritiya bhav brihaspati ke tritiya bhav men hone par vyakti sahsi, jivan sathi ke prabhav men, pados se madhur sanbandh tatha anek mitron vala hota hai. adh iak parishram ke bina bhi jivan men saubhagya ka bhagi hota hai. shastron men ruchi rakhne vala tatha vibhinn tirthayatraon par jane vala hota hai. badhit brihaspati bhai-bahnon se sukh men kami tatha jivan men vibhinn badhaon ka karak hota hai. ayu ke 20ven varsh ka jivan men vishesh mahatva hota hai. chaturth bhav yadi brihaspati jatak ki kundali men chaturth bhav men ho to vah prakhyat, bhagyavan, sammanit, shantipriya tatha yuddh aur vivad men vijyi hota hai. vriddhavastha vaibhvpurn, bahut sanpda banane vala pardesh men bhagyoday tatha atidharmik hota hai kintu brihaspati ke badhit hone par matri paksh dvara samasyaon ka bhagi tatha mansik shanti se dur rahta hai. yadi brihaspati uchch ka ho to bahut dhan sanpatti vala tatha pita se adhik prasiddh hota hai. ayu ka 22van varsh jivan men parivartanakari hota hai. pancham bhav pancham bhav men brihaspati jatak ko agyakari santan, buddhimatta, saubhagya tatha vaibhvpurn jivan pradan karta hai. badhit brihaspati santan ke vishay men chinta, rahasyavad men ruchi, sattebaj tatha jivan men apne bhag ko n pane vala banata hai. vahin nich ka brihaspati vyakti ko nastik bhi bana sakta hai. uski mata ki ayu ko panchven v satven varsh men kasht ka bhagi banata hai. shashtam bhav shashtam bhav men brihaspati jatak ko virodhiyon par vijyi, kamuk, alsi tatha motape ki or agrasar banata hai. vah aprichit nagron aur deshon men ghumta hai. samanyatah achcha svasthya ka labh uthane vala tatha niji prayas se dhanarjan karne vala hota hai kintu bhagya naukri men hi chamkta hai. jivan men vahan sukh, latri v satte men ruchi rakhta hai. mata se purn sukh ka labh nahin milta. shiksha men badha tatha jivan sathi ke karan apnon se dur rahta hai. ayu ke 40ven varsh men virodhiyon ka samna tatha dhan ki hani ki sanbhavna rahti hai. saptam bhav saptam bhav men brihaspati jatak ko buddhiman aur samjhdar jivan sathi pradan karta hai. pita v guru se nahin ban pati. vah achche svabhav ka tatha gyani janon se nit sanbandh rakhne vala hota hai. sundar sthan men rahne vala, apne badon ke hit men lagne vala tatha vivah ke bad bhagyoday hota hai. nyayik seva men vah bahut khyati prapt karta hai. pita se sada behatar karta hai. shasan se samarthan prapt karta hai. jivan men sundar vastu tatha tirthayatra men ruchi lene vala hota hai. samanyatah uchch ka brihaspati, jaldi vivah tatha uske bad bhagyoday ka karak hota hai. ashtam bhav ashtam bhav men brihaspati gupt vidyaon ke gyan tatha dhyan upasna ke lie uttam hota hai. jatak apach ka rogi tatha vibhinn vyadhiyon se pidit ho sakta hai. arthik sthiti se asantosh, vinamra, alsi, dukhi tatha sanymi aur udasin logon ki sangat karne vala hota hai. yadi brihaspati uchch ka ho to paitrik dhan tatha apratyashit rup se labh hone ko nakara nahin ja sakta. kint nich ka brihaspati kamjor svasthya pradan karta hai. jivan ke 21ven varsh men vah sharirik kasht se pidit ho sakta hai. navam bhav navam bhav jatak ko dharmik, vishvaspatra tatha gyani janon dvara sammanit karvata hai. vah buddhi man, rashtravadi, ganit v adhyatm men ruchi rakhne vala, tirth bhraman ka premi tatha videsh men vas karne vala ho sakta hai. brihaspati ke kamjor hone par bhi bure kamon se dur rahne vala. jivan ke 16ven se 23ven varsh ke bich bhagyoday hota hai. vah dharmik, jyotish men ruchi rakhne vala, vishvasniya, apne dharm ke prati nishthavan, kushal vakta tatha vad-vivad men sada vijyi hone vala hota hai. dasham bhav dasham bhav men brihaspati jatak ko gyanvan, udar hriday, dharmik, vidrohi ko jitne vala tatha jivan ke lakshya par dhyan rakhne vala banata hai. vah prasiddh, bhagyavan, sammanit tatha samaj men uchch sthan ka bhagi hota hai tatha shasan athva dharmik sansthan dvara sammanit kiya jata hai. nyay ke kshetra se jude hone par prasiddh nyayvid hota hai kintu sada yatra karne vala tatha putra ke karan dukh ka bhagi hota hai. ayu ke 10ven athva 29ven varsh men bhagya ki vishesh kripa use prapt hoti hai. ekadash bhav ekadash bhav men brihaspati anya grahon ko jatak ke hit men karya karne ka karak hota hai. vah gunvan mitron aur vidvanon ki sangti karne vala hota hai. sabhi se adar pane vala, udar, kalaon men ruchi rakhne vala, aishoaram ka shaukin tatha sarkar dvara sammanit kiya jata hai. santan ke janm ke bad bhagyoday hota hai. ati buddhiman tatha jivan men bahut kamane vala hota hai. vah dharmik hota hai tatha jivan ka 24van varsh uske lie vishesh bhagyashali hota hai. dvadash bhav dvadash bhav men brihaspati vyakti ko bhramit, kam akla, bhramnshil, nastik v krur hriday bana deta hai. vah dharmik ritiyon par apavyay karta hai tatha dhan sangrah nahin kar pata. vah mahatvakankshi, pradarshan premi hota hai tatha nikat sanbandhiyon se uski nahin ban pati. vivah bhi tanav aur uljhnon ka karan hota hai kintu ayu ke 30ven varsh men mitron ki sahayta se bhagyoday hota hai. uchch ka brihaspati jatak ko atmagyan ke marg par sahayak hota hai.