himachal ki rajdhani shimla se 200 kimi dur sarahan ki sundar vadiyon men gagnchunbi devdar vrikshon ke bich satluj nadi ke tat par basa hai prasiddh bhimkali mandir. yah mandir desh ke bhavya evan vaibhvshali mandiron men se ek hai. sanpurn mandir parisar puratatva ki drishti se bahut mahatvapurn hai.
mandir ki shilpakala yahan ane valon ko barabas apni or akarshit karti hai. kahte hain ki dushton ka sanhar karne ke lie mata kali vishalkay rup men yahan avtrit huin isilie unhen bhimadevi ke rup men jana jane laga. yah mandir panch manjila hai. lakri ki bani nakkashidar dhalanyukt chat ek sammohniya akarshan paida karti hai. mandir lagabhag 800 varsh purana hai.
iska dvar chandi ka bana hai jiska nirman 19vin shatabdi ke madhya raja shamsher sinh ne karvaya. chini vastu shilp aur hindu aur bauddh sanskritiyon ka sangam mandir ki sabse bari khubsurti hai. yah mandir bhartiya paranprik shaili se bhinn hai- aisa is kshetra ke tibbat aur uÿar purva se jure hone ke karan hai.
mandir ki chat evan aspas ki imarton ki chat bhi pagoda shaili men bani hai. chirprichit gerue rang ki in chaton ko dekhakar bauddh mathon ki yad taja ho ati hai. mandir bushayar shasnkal men bana tha. jab purana mandir dhvast ho gaya to san 1943 men purane mandir ke pashrva men ek nae mandir ka nirman karya pura hua.
iska rupakar purane mandir sa hi hai aur chat atyant hi akarshak hai. kashthakala ka yah ek bejor namuna hai. yahan anya anek devi devtaon ke atirikt bhimkali ki do pratimaen hain- ek unka kanya rup aur dusra praurh nari rup. mandir ke parikrama path men chamunda, annapurnan, brijeshvari, shiv-parvati, ganesh evan buddh ki murtiyan hain. mandir men ek chota parantu khubsurat sangrahalay hai.
yahan par pauranik sahitya bhi milta hai. bhimkali bushayar rajaon ki kuldevi hain. ek paranpra hai ki kisi bhi vyakti ko is mandir athva raja ke mahal ke rupakar vala ya vaisa hi bhavya bhavan nahin banana chahie. yahan ke ek ganv men masoi namak ek vyakti ne is pratha ka ullanghan kar aisa hi ek bhavan banane ka nishchay kiya.
uske is kadam ko dharm ke pratikul manakar uske bhavan ko tor dala gaya aur uski chat ko yahan mandir ke parisar men lakar rakh diya gaya. tab se mandir men pravesh karne vala har vyakti us patthar par chalakar andar jata hai. sandesh yah hai ki jo koi bhi is paranpra ko torne ki koshish karega uske sath yahi vyavhar kiya jaega. aitihasik mahatva: jis kshetra men bhimkali mandir avasthit hai vah aitihasik evan pauranik drishti se bhi mahatvapurn hai.
prachin kal men yahan banasur ka rajya tha. uski usha namak ek sundar kanya thi. ek ratri ko usha ne svapn men aise rajkumar ko dekha jo kisi bhi sadharan vyakti se adhik sundar evan shaktishali tha. jab vah nind se jagi to uska man bahut bechain ho gaya aur vah dobara us rajkumar ko dekhne ke lie machlne lagi. usne apni priya sakhi chitralekha ko bulakar sari vyatha batai. chitralekha chitra banane men nipun thi. usha ne jaise-jaise nayn-naksh ka varnan kiya usi ke anusar usne rajkumar ka bara sa chitra bana diya.
uske bad chitralekha ne pure vishva men us rajkumar ki talash shuru kar di. bahut lanbe samay ke bad jab shrikrishn ke putra aniruddh ko dekha to ashcharyachkit rah gai. use apni talash puri hoti najar ai kyonki uski sakhi usha ke sapnon ka rajkumar koi aur nahin aniruddh hi tha. ek rat ka e jab aniruddh gahri ni men soya tha chitralekha use uske bistar samet urakar usha ke pas le ai. idhar jab krishn ko apne putra ke apaharan ki bat pata chali, to unhonne usha ke pita banasur par charhai kar di.
banasur ko larai ka karan pata hi nahin tha. jab vah har gaya, to putri ke sapne ka sara vriÿaant use pata chala. is ghatna ke bad krishn ne aniruddh ka vivah usha se kar diya aur dahej ke rup men banasur ka jita hua shonitpur ka samrajya use lauta diya. yahi shonitpur aj sarahan ke nam se jana jata hai.
satluj nadi ke tat par basa yah chota sa ganv naisargik saundarya se bharpur hai. bhimkali mandir ke udbhav ki katha: bahut samay pahle himalay par rakshason ne apna prabhutva sthapit kar devtaon aur rishi-muniyon ko pareshan karna shuru kar diya. kafi lanbe samay tak yah silsila chalta raha. ek din bhagvan vishn au ke netritva men sabhi devtaon ne apni-apni shakti ka ek ansh nikala. is punjibhut shakti ke prabhav se gulab ke ful, badal aur dhuan charon or faila. usi ke bich se ek yuva kanya ka janm hua. yahi kanya ‘adi shakti’ kahlai.
is adi shakti ko sabhi devi- devtaon ne apne ayudh evan shaktiyan pradan kin taki vah rakshason ka sanhar kar sake. markandey puran evan durga saptashati men bhi is ghatna ka ullekh milta hai. ek anya katha ke anusar kai sal pahle bangal se bhimgiri namak ek shraddhalu himalay sthit shiv v shakti ke darshan ko yahan aya aur devi ki murti ko chari men lapetakar apne sath le gaya.
jab vah sarahan pahuncha to uski chari jamin men gar gai. vahan man bhimkali prakat rhuin aur bhimgiri ko darshan dekar kaha ki mera vastavik ghar yahi hai, main yahin rahna chahti hun. mata ke vichar sun bhimgiri ne bhi vahan nikat gufa men apna nivas bana liya. bhimgiri ki mrityu ke bad yahan par vishal mandir ka nirman kiya gaya. dashhre ke avasar par yahan ek vishal puja ka ayojan kiya jata hai.
sarahan ke aspas ke kshetra men teªking ke lie kai parvat shreniyan hain. tirthayatri shrikhand mahadev ke aspas sat din ke parvatarohan karyakram men sammilit hote hain. teªking ki suvidha aprail se jun evan sitanbr-aktubar men hi upalabdh hoti hai. kaise jaen: sarahan sarak marg se jura hua hai. yahan najdik men koi havai adda athva relve steshan nahin hai. shimla akar bas ya taiksi se bhimkali jana parta hai.
if you are facing any type of problems in your life you can consult with astrologer in delhi