manik: yah ratn surya grah ka ratn mana jata hai. surya grah ki anukulta ke lie ise dharan kiya jata hai. is ratn ko vishesh rup se sinh lagn evan sinh rashi vale vyakti dharan kar sakte hain. iske atirikt ma, mi, mu me, mo, ta, ti, tu, te nam akshar vale vyakti bhi pahan sakte hain.
isko dharan karne se bhagyonnati parakram, yash, sharirik bal buddhi, rajkiya karyon men saflta pradan karta hai. is ratn ko anamika ungli men athva gale men laeket banakar dharan kiya ja sakta hai. ravivar ke din surya ki hora men ise dharan karna atyant shubh mana jata hai.
moti: yah ratn chandra grah ka ratn hai. ise chandra grah ki anukulta ke lie dharan kiya jata hai. is ratn ko vishesh rup se kark rashi, kark lagn vale vyakti tatha iske atirikt hi, hu, he, ho, da, di, du, de, do nam akshar vale vyakti bhi dharan karte hain. ise dharan karne se mansik shanti, smaran shakti, kalpana shakti, prem vriddhi hoti hai. use kanishthika ungli men athva gale men laeket banakar dharan kar sakte hain. use somvar ke din chandra ki hora men dharan karna chahie.
munga: yah ratn mangal grah ka ratn hai. ise mangal grah ki shanti evan anukulta ke lie dharan kiya jata hai. ise vishesh rup se mesh, rashi, mesh lagn tatha vrishchik rashi, vrishchik lagn vale jatak tatha chu, che, cho, la, li, lu le, lo, a, to, na, ni, nu, ne, no, ya yi, yu nam akshar vale vyakti bhi dharan kar sakte hain. ise dharan karne se sahas, bhumi, labh, hriday rog, pet men kabj adi men labh karak hota hai. ise manglvar ke din mangal ki hora men anguthi ya laeket men dharan karna chahie.
panna: yah bahumulya shreni ka ratn hota hai.ise, budh grah ki adhik anukulta ke lie dharan, kiya jata hai. vishesh rup se ise, mithun rashi, mithun lagn, kanya rashi, kanya lagn vale vyaktiyon tatha ka, ki, ku, gh, d., ch ke, ko h, to pa, pi, pu, sh, n, ru, pe, po nam akshar vale vyakti bhi ise dharan kar sakte hain. ise dharan karne se tivra buddhi, smaran shakti men vriddhi, vyapar men labh, tvacha sanbandhit rogon men vishesh labh hota hai. ise budh ke din, budh ki hora men anguthi athva laeket men dharan karna chahie.
pukhraj: yah bahumulya ratn brihaspati grah ki balvriddhi, anukulta ke lie dharan kiya jata hai. isko vishesh rup se dhanu rashi, dhanu lagn, min rashi, min lagn vale jatkon, tatha iske atirikt ye, yo, bha, bhi, bhu, tha, f, dh, bhe, di, du, vale vyakti bhi ise dharan karke labh prapt kar sakte hain. ise dharan karne se vidya, dhan, svasthya vaivahik sukh, putra santan sukh, adi ki prapti hoti hai. is ratn ko anguthi athva laeket men vrihaspativar ki hora men dharan, karna chahie.
hira: yah bahumulya shreni akarshak ratn shukra grah ka ratn hai. ise shukra grah ki anukulta ke lie dharan kiya jata hai. vishesh rup se ise vrish rashi, vrish lagn tatha tula rashi, tula lagn vale vyaktiyon aur iske atirikt i, u, e, o, va, vi, vu, ve, vo, ra, ri, ru, re, ro, ta, ti, tu, te, nam akshar vale bhi ise dharan kar sakte hain. ise dharan karne se dhan, lakshmi, vahan vansh vriddhi, stri sukh, prem vriddhi adi men labhdayak hota hai. ise anguthi men athva laeket men shukra ki hora men dharan karna chahie. nilm: yah bahumulya ratn shani grah ki anukulta evan balbuddhi ke lie dharan kiya jata hai.
ise vishesh rup se makar rashi, makar lagn, evan kunbh rashi, kunbh lagn vale jatkon, iske atirikt bho, ja, ji ju, je, jo, kha, khi, khu, khe, kho, ga, gi, gu, ge, go, sa, si, su se so da nam akshar vale bhi kisi suyogya jyotishi ke paramarsh ke anusar dharan kar sakte hain. ise anguthi men athva laeket men shanivar ko shani ki hora men dharan karna chahie.
ise dharan karne se yash, kirti, dhan, sampatti, naukri, vyavsay men labh tatha ayu arogyata ke lie dharan karna shubh mana jata hai. gomed: yah ratn rahu grah ka ratn hota hai. ise vishesh rup se rahu grah ki anukulta ke lie dharan kiya jata hai.
iske atirikt ise rog, shanti, dhan, sampatti sukh, rajniti men saflta, shatrunash adi ke lie dharan karna labhdayak hota hai. is ratn ko surya ast ke bad anguthi men athva laeket men dharan karna chahie.