ratnagarbha dharti bharatavarsh men samy-samay par aise mahatmaon ka avataran hua hai jinhonne vishva bandhutva aur vasudhaiv kutumbakam ki bhavna se ot-prot hokar n sirf bhartiya adarshan ka puri imandari se anupalan v sanrakshan kiya varan janakalyanarth kitne hi dev sthalon ki sthapna bhi ki. aise hi ek rishi han ‘maharshi kashyap’, jinhen bhartiya vidhi ke gyata sutra rishiyon men sthan diya gaya hai aur jinka ashram prachin magadh pradesh ke kendriya bhag men avasthit kashyappuri (aj ka kespa ya kashyapa) men virajman tha.
dharm sahitya ke ashtayan anushilan se spasht hota hai ki lok pitamah vrasa ji ke chah mansputron men pratham marichi se utpann santan kashyap the jinka vivah daksh prajapti ki sabhi terah kanyaon ke sath hua tha. inke gotra kashyap kahlae jinhen bhartiya gotra men uÿamoÿam sthan prapt hai.
tabhi to yah mana jata hai ki vriksh, pashu, pakshi aur sabhi manav jati kashyapgotri hain. aj pure desh men nivasarat kashyapgotri ke sarva-upasthiti ka hi prabhav hai ki jahan kabhi bhi jinhen apna gotra nahin ata-pata ho, unhen kashyapgotri man liya jata hai. aise saptarshi mandal ke ek tare ka nam bhi kashyap hai to vaisheshik darshan ke prav maharshi kanad ko bhi anya namon ke sath kashyap nam se jana jata hai.
gyatavya hai ki sanatan dharm ke gyata adhishthata kashyap rishi ke nam par hi kashmir pradesh ka namakaran hua jo unka prachyakalin lila kshetra raha hai. taduprant guru adesh se inhonne mathura pradesh men sadhna ki aur vahin ‘saptarshi tila’ par dhyan-kram men unhen is sthal ka bodh hua jo donon taraf se morahar nadi ki dhara ke madhya vanachchadit uchch bhumi tha.
sampurn magdhanchal men durg nirman kala aur bhavan sthapatya ke lie prakhyat tikari se lagabhag 11 ki.mi. ki or avasthit kespa ganv ke bahri chor par virajman mata ji ke tirth ke pas hi kashyap muni ji ke ashram ka ullekh milta hai jo dutliya tha. niche ke tal men jo jamin se andar tha, niche sadhna kaksh aur upar nivas kaksh tha. gyat hota hai ki ‘kashyap sanhita’ ki rachna kashyap muni ne yahin ki jiski upyogita ayurved jagat men aj charchit hai.
jis prakar ganga bhagirath aur godavri gautam rishi ki kripa se is dharti par ain. thik usi prakar sarasvati ko is dharadham par lane ka shrey kashyap muni ko jata hai aur iski pratyaksh sthiti sanp desh bhar men sat sthanon par hai. bodhgya ke sannikat isi sarasvati tirth ke thik samne niranjna aur morahan nadi ka sangam hota hai jiske sath gupt sarasvati ke sangmoprant falgu udgamit hua hai.
is sthal par kashyap rishi dvara sthapit ashtadash shiv aur desh ke sapt sarasvati men ek mai vishal ke mandir aj bhi dekhe ja sakte hain. gaya se jude mahakavya kalin uddharan men kashyap ke jis ashram ka varnan vivechan hai yah kashyap rishi ka hi ashram hai jiski manyata bauddh kal men bhi bani rahi. tathagat ke samay men unke ek priya shishya ka nam ‘mahakashyap’ milta hai jo tantra sadhna men nishnat tha.
aisa vivaran milta hai ki age chalakar bhadravargiyon ko diksha dene ke bad agnihotri-kashyap bandhu tin varg men vibhakt ho gaye jinmen do-do sau jatilon ka nayak kramshah ‘nadi kashyap’ tatha ‘gaya kashyap’ bana jabki tinon men sabmen bade ‘urubel kashyap’ panch sau jatilon ke nayak bane. aj yahan maharshi kashyap ke ashram ka kuch hi bhag drashtavya hai shesh kal ke gal men samahit hota chala ja raha hai.
sanpurn desh men devi tara ji ka prachinatam tirth ke rup men khyat man ke is sthan men mata ji ki sadhe chah fit ki anuthi murti kale pattharon ki bani hai jo palkal ki shreshth prastuti hai. iske alava mandir ke andar v bahar ganesh, bhairav, surya, umashankar, lakshmi-vishnu, buddh, hariti, lakulish v durga ke utkrisht murÿa vigrah dekhe ja sakte hain.
bhu-tal se karib 12 fit unche chabutre par man ke mandir ke thik pahle bahri bhag men ek trikoniya havan kund hai jiski sabse badi khasiyat hai ki yah kabhi bharta hi nahin aur to aur devi aradhna ka shreshth kal navratra men bhi nau din tak nitya dhup-humad jalne par bhi havan kund ki sthiti jyon ka tyon bani rahna is kshetra men charcha ka vishay hai. is havan kund ko adhunik kal men prajjvalit karne ka shrey pan. devan mishra ko jata hai jo tikari rajghrane ke sammanit sadasya v rajvidushak the.
jis prakar mata kali ki kripa se ramkrishn ji mahan sadhak is; mata sharda bhavani maihar ki kripa se alha-udal mahan yoddha bane; mata uchchaith bhavani, madhubni ki kripa se vidyapti maithil kokil hue. harsiddhi devi ujjain ki kripa-drishti se hi devan mishra vidvan-pravar v vidushak hue. yah unhin ki atut matri sadhna ka pratifal hai ki pratyek navratra man prathma tithi se ashtami tak yahan mahilaon ka garbhagrih men pravesh varjit raha karta hai.
vivaran hai ki matri aradhna ve andar band rahakar karte aur is bich men unhen bahri duniya se koi sanpark nahin rahta. kitne hi laukik-alaukik katha-kahani matri sthal tara tirth se sanbandh hai jise sanpurn magadh ki puratan panch deviyon men ek svikara jata hai. pure ganv ke nirikshan se spasht hota hai ki palkal men yah sthal mutrti nirman ka utkrisht kendra tha.
yahan ganv men ek grihasvami ke ghar ke bahar v khet ke sath-sath mandir ke bahar bhi mur shilpon ka samriddh sansar dekha ja sakta hai. gaya ji ke bahri kshetra dvadash devi tirth men pratham sthan par ganya mata ji ke is sthan ki raunkta nav shrangar ke bad khub badhi hai ismen gramin, bhakt v sthaniya pujari ka sahyog sarahniya hai.
prachar-prasar men kami v jankari ka abhav hone se devi tirth kespa ko ajatak vah sthan nahin mil saka hai jiska vah prachin kal se hi hakdar hai jabki manauti puran kendra ke rup men kespa ki khyati n sirf jila v bihar pradesh varan sanpurn desh men hai.
jankar pan. dhananjay mishra batate hain ki jis prakar balapur, akola (maharashtra) ki svayanbhu bhagvti shri bala ji chatrapti shiva ji ka pal-pratipal marg darshan karati thin thik usi prakar pan. devan mishra ko bhagvti ne nav jivan prakash diya.
yahi karan hai ki kespa tirth ke pujan men pahle kashyap rishi v bad men pan. devan mishra ka nam jarur liya jata hai. astu desh ke vishalatam murÿa shilp yukt devi tirth men kespa ka sunam hai jahan ki mahimamyi man tara pratyek ko munh manga vardan dekar jivan path ko suvasit karti hain.