parikshit ko shrimadbhagavat ka shravan karane vale shri shukdev ke prati namaskar - man pravrajantamanupetmpet krityan dvaipayno virah katar ajuhav. putreti tanmayataya tarvo'bhinedu stan sarvabhuthridyan munimanto'smi.. kaishiki sanhita ke mahatmya men katha hai ki ek samay bhagvan sadashiv gauri ko shrimadbhagavat ka atyant gopniya updesh kar rahe the tab unhonne puch liya ki yahan koi dusra vyakti to nahin hai? idhr-udhar drishtipat kiya, kuch bhi najar nahin aya. parantu sanyogavash ek shuk ka mrit and vahan para hua tha. vah amritmyi shrimadbhagavat katha ke sevan se jivit ho gaya. gaura ko to shravan karte-karte bhav-samadhi lag gayi aur shuk-shavak divya katha ka karnendriya-puron se pan karne laga aur bich-bich men ‘un un’ ka uchcharan karne laga. jab shankar ji ko gyan hua ki shuk-shavak ne katha ka shravan kar liya, kintu koi diksha grahan nahin ki, aise hi sun liya tab unko krodh a gaya aur unhonne usapar trishul ka prahar kar diya. shuk bhagakar shri vyasji maharaj ki kutiya men pravesh karte hue unki patni arni devi (pingla) ke sharir men pravisht ho gaya. amritmyi katha-pan se mahakal ke trishul ka tej bhi shuk-shavak ka anisht n kar saka. barah varsh tak yah garbh men chipa raha, bahar nikla hi nahin. mata ko kasht hone laga, shri vyasji maharaj ne pet men se a rahi ved dhvani ko suna, tab unhonne garbhasth balak se bahar niklne ke lie bari prarthana ki. us shishu ne kaha ki jab tak bhagvan ka darshan nahin hoga tab tak bahya jagat men nahin jaunga. vedavyas ji bhagvan shri krishn ko bulakar le ae. shrikrishn ne ashvast kiya ki beta bahar ane par tujhe meri maya sparsh bhi n kar sakegi. bhagvan ke kripa prasad ko prapt hote hi shri shukdev ji garbh se bahar nikle aur niklte hi bole jisko vikar hota hai use sanskar ki avashyakta hoti. jab ham avikrit hain to sanskrit bhi nahin honge. vikar aur sanskar donon se vilakshan rahenge. ham brahmacharya-grihasth -vanaprasth ashramon v vishva-tejs- pragya ki avasthaon tatha sat-raj- tam gunon ko svikar karne lie taiyar nahin. ham to sakshat sannyas men hi pratishthit rahenge.
Kya aapko lekh pasand aaya?
Subscribe