shreshth upay rahu-ketu ki ashubhta ko dur karne k basant kumar soni janm patrika men kalasarp yog ho to kisi siddh shiv kshetra men vidhivat shanti karvaen. sanpurn kalasarp yantra ki sthapna kar nitya sarp sukt ka path karen. nag gayatri mantra ka jap karna shreyaskar hai. somvar ko samipasth shivalay men jakar shivling par chandi ke bane sarpa-sarpini ka jora arpit karen. lal kitab ke anusar ketu ke ashubhatva ko ganesh pujan karke shubhatva men badla ja sakta hai.
lal kitab men ullekh hai ki sarasvati devi ki puja aradhna rahu ke ashubhatva ko shubhatva men badal deti hai. chandi ke sarpakar laeket men gomed aur vaidurya mani jarvakar dharan karna rahu-ketu ke shubhatva men vriddhi karta hai. rahu aur ketu chaya grah hain. ye durga-pujan se shant hote hain kyonki devi durga ko ‘‘chayarupen’’ kaha gaya hai. nag-nathaiya krishna-kanhaiya ki tasvir ke samaksh baithakar 108 bar un namo bhagvte vasudevay ka nitya jap karen, shubh fal milenge. rahu-ketu ki pratik samagri kisi supatra ko dan dete rahne se in donon grahon ke ashubh prabhavon se mukti milti hai. shravan mas men pratidin bhagvan shankar ka jalabhishek karne se rahu-ketu jatak ka anisht nahin kar pate. shravan ke somvar ka vrat evan solah somvar ka vrat donon rahu-ketu ki shanti hetu saman rup se labhkari mane gae hanai. pira karak rahu-ketu ko prasann karne ke lie unke bij mantron ka ratri men niyamit rup se jap karen. shiv sahasranam aur hanumat sahasranam ka nitya path karne se anek prakar ki grah piraen shant ho jati hain. kanyadan karne se rahu aur kapila gau dan ketu ke kop ki shanti hoti hai. rahu ke lie halke nile aur ketu ke lie halke gulabi rang ke vastra pahnna aur dan karna shantidayak hota hai.
rahu-ketu ke shantyarth 18-18 shanivar rahu-ketu ki puja karni chahie aur upvas rakhna chahie. rahu ki shanti ke lie shvet malyagiri chandan ka tukra nile reshmi vastra men lapetakar budhvar ko dharan karna chahie. budhvar ya guruvar ko ashvagandh ki jar ka tukra asmani rang ke kapre men dharan karne se ketu pira ka shaman hota hai. chay ki kam se kam 200 gram paÿai 18 budhvar dan karne se rog karak anishtakari rahu svasthya labh pradan karta hai. yadi ketu rog karak ho to rog grast jatak svayan apne hathon se kam se kam 7 budhvar bhikshukon ko halua vitaran kare to labh hoga. rahu-ketu ke ashubhatva-nivaran ke lie unke priya ratn gomed aur lahsuniya ka dan karna chahie. rahu ki shanti ke lie shravan mas men rudrashtadhyayi ka path aur ketu ki shanti ke lie navratri men chinnamastadevi ka 9 dini anushthan karaen. rudraksh ki mala se nitya un namah shivay mantra ka panchmukhi shiv ki tasvir ke samaksh panach mala jap karen. rahu-ketu ke ashubhatva ki tivrata hone par mahamrityunjay mantra ka brahman se jap karvaen. bhagvan narsinh ya bhairav ki puja, stuti v darshan karne se rahu-ketu ki badhaen dur hoti hain.