sanatan hindu dharm men tulsi ko pavitra evan punyadayini mana gaya hai. iska hamare jivan men adhyatmik tatha ayurvedik drishti se vishesh mahatva hai. iski puja, archana karne se, tatha dev pujan men bhagvan vishnu ko arpan karne se anant punya ki prapti hoti hai. dusri or iske upyog se rog, shok, tap, pap ki shanti hoti hai. tulsi mukhya rup se do prakar ki hoti hai. shyama tulsi, aur rama tulsi, shyama tulsi apne nam ke anusar hi shyamavarn ki hoti hain tatha rama tulsi harit varn ki hoti hai. tulsi ki mala gale men dharan karne se anek labh prapt hote hain.
shyama tulsi ki mala: shyama tulsi ki mala dharan karne se vishesh rup mansik shanti prapt hoti hai. ishvar ke prati shraddha-bhakti barhti hai. man men sakaratmak bhavna ka vikas hota hai. adhyatmik unnati ke sath hi parivarik tatha bhautik unnati hoti hai. is mala ko shubh var, som, budh, vrihaspativar ko gangajal se shuddh karke dharan karna chahie.
rama tulsi mala: is mala ko vishesh rup se devpuja, yagyakarm, adhyayan adi men saflta prapti ke lie dharan karna chahie, use dharan karne se vyakti ke andar atmavishvas men vriddhi, tatha satvik bhavnaen jagrit hoti hain. apne kartavya palan ke pati madad milti hai. is mala ko shubh var, som, guru, budh ko gangajal se shuddh karke dharan karna chahie. shastron ke anusar tulsi mala, bhagvan vishnu, ram, krishn, shiv devi, hanuman adi devtaon ke bhakt, upasak satvik bhojan karne vale vyaktiyon ko dharan karne se vishesh shubh fal ki prapti hoti hai.
prapti sthan: fyuchar paeint karyalay se ap chandi se jarit shuddh tulsi mala prapt kar sakte hain.