holika dahan ki vela 21 march 2008, dilli men 18: 32 se 20: 12 tak halika dahan falgun shukla paksh purnima men sayan kal ke bad, bhadrarhit shubh lagn men sanpann kiya jata hai. is samay men pratipda ya chaturdashi nahin honi chahie bhadra men holika jalane se rashtra men vidroh ho jata hai. is varsh sanvat 2064 sake 1929 falguni shukla paksh guruvar tadnusar 20 march 2008 ko, chaturdashi ratri 11 bajakar 27 minat tak hai. evan uske pashchat purnima tithi praranbh ho jati hai. jo 21 tarikh ko purn din vidyaman rah kar rat ko 24 ghante 12 minat tak rahti hai. bhadra bhi purnima ke sath shuru hokar 21 march ko 11 ghante 46 minat tak rahti hai. atah suryast ke bad 21 march ki rat bhadra se mukt hai. 21 march ko dilli men suryast 18 ghante 32 minat par hoga. atah holika dahan vela 21 march 2008 ko suryast 18: 32 ghante se purnima samapti 24: 12 ghante tak manya hai. suryast ke sath kanya lagn udit hai jo 20: 12 tak rahega. taduprant tula lagn 22: 31 tak rahega, vrishchik lagn 24: 50 ghante tak rahega. kanya lagn men grah shubh sthanon par sthit hain. atah holika dahan ki uttam vela 18: 32 se 20 ah 12 tak hai. siddhi sadhna ke lie sthir lagn vrishchik 22: 32 se 24 ah 50 tak uttam hai. yah vrishchik lagn bhi holika dahan ke lie uttam hai.
Kya aapko lekh pasand aaya?
Subscribe