kundli ke bhavon evan grahon ki vishisht sthitiyan vyakti men khelon ke prati rujhan tatha avashyak kshamata utpann karti hain. usmen safal khilari banne ki kshamataon ka sahi akalan kar liya jae, to ismen koi sandeh nahin ki praranbh se hi uchit prashikshan dvara use ek safal khilari banaya ja sakta hai.
1. lagn evan lagnesh: lagn vyaktitva ka aina hota hai. kundli men lagn evan lagnesh ki sudrirh sthiti vyakti ke sharirik svasthya ko pradarshit karti hai. atah kundli men lagn evan lagnesh ka shubh prabhav men hona, shubh grahon ki drishti men hona evan anya prakar se bali hona ek achche khilari ke lie avashyak hai.
2. tritiya bhav: kundli ka tisra bhav parakram ka sthan hai. ek khilari men parakram hona hi chahie. khel ke maidan men apne parakram se hi virodhi par jit hasil ki ja sakti hai. atah parakram bhav evan parakram bhav ka svami bhi kundli men balvan evan sudrirh sthiti men hone chahie.
3. pancham bhav: kundli men panchvan bhav khel ka sthan hota hai. yah vidya evan buddhi ka sthan hai. parantu jab khel ka vichar karte hain, to kundli ka yah sthan jatak men khel pratibha evan dakshata ka pratinidhitva karta hai. atah pancham bhav par shubh prabhav, kundli men panchmesh ki shubh evan balvan sthiti, uska anya sanbandhit bhavon evan grahon se sanbandh adi vyakti men prachur matra men svabhavik khel pratibha evan khel sanbandhi mamlon men dakshata paida karta hai.
4. shashth bhav: kundli ka shashth bhav virodhi paksh, pratiyogita, sangharsh adi ka sthan hai. atah khel pratispardhaon ki sangharshapurn sthiti men virodhi paksh par havi ho kar khel ke maidan men vijay pataka fahrane men is bhav ki bhumika aham hoti hai. shashth bhav evan shashthesh ki kundli men uparyukt sthiti tatha khel se sanbandhit bhavon/bhav svamiyon/grahon se samuchit sanbandh khel pratiyogitaon men virodhi paksh ko parajit kar vijayashri dilane men sahayak hote hain.
5. navam, dasham evan ekadash bhav: kundli ka navam bhav bhagya bhav ke rup men jana jata hai. isse aishvarya ki prapti evan har tarah ki saflta ka vichar bhi kiya jata hai. dasham bhav karm evan khyati ka jabki ekadash sabhi tarah ki upalabdhiyon evan labh ka sthan hai. atah kundli men in bhavon evan bhav svamiyon ka, balvan ho kar, khel ke karak bhavon evan bhaveshon tatha grahon se sanbandh khel ke madhyam se saflta, khyati, upalabdhi evan labh dilata hai.
6. mangal grah: manushya ke jivan men mangal ki bhumika aham hai. mangal urja, shakti, parakram, virta evan akramkta deta hai. ek khilari men in gunon ka hona param avashyak hai. parakram bhav ka sthayi karak bhi mangal hi hai. inhin karnon se mangal ko khel ka sarvapramukh karak grah mana gaya hai. atah ek achcha khilari banne ke lie kundli men mangal ki balvan sthiti avashyak hai. janmakundli men mesh, vrishchik ya makar rashisth ya navansh men svagrihi ya vargottam mangal achcha svasthya, svabhav men akramkta evan atyant visham paristhiti men bhi sangharsh kar jit hasil karne ki ichcha paida karta hai. bali mangal ka pancham, shashth, navam, dasham ya lagn bhav se sanbandh khel pratibha ko utkrishtata pradan karta hai.
7. anya grah: mangal khel ka pramukh karak grah mana jata haiai, tathapi khel ke kshetra men saflta hetu buddhi aur vivek ke grah budh, devguru vrihaspati evan kala ke karak grah shukra ki andekhi nahin ki ja sakti.
budh jahan apne vivek ka tvarit upyog kar sahi kshanon men sahi nirnay lene ki kshamata pradan karta hai, vahin shukra khel men kalatmakata ka put pradan karta hai. ismen koi sandeh nahin ki khelon ki kalatmak shaili tatha kalatmak vividhtaon evan khelon ke madhyam se aishvarya prapti men shukra ki bhumika aham hai, yahi karan hai ki aj kai vidvan shukra ko hi khel ka karak mante hain-
vishesh rup se kriket jaise khel ka, jismen samman, pratishtha, aishvarya evan vaibhav ki apar sanbhavnaen hain. devguru brihaspati ka ashirvad to pratyek vidya ki prapti hetu avashyak hai hi. kisi bhi kshetra men satat dhairya evan lagnpurvak prayas ke lie shani ki kripa bhi avashyak hoti hai. iski kripa se sadhna men nirantrta to banti hi hai, pradarshan men sthayitva bhi bana rahta hai. khel ke maidan men lanbe samay tak kirtiman sthapit karne vale khilariyon ki kundli men shani ki bhumika aham rahi hai.
yahan kuch chuni hui kundliyon men khel sanbandhi yogon ka vistrit adhyayan kar vishay ko aur bhi spasht kiya ja raha hai: kolkata men 17 jun, 1973 ko janme liyendar pes ki kundli men lagnesh budh, karm ke sthan dasham bhav men svagrihi ho kar, sundar budhaditya yog ka nirman kar raha hai.
parakram bhav ka svami evan khelon ka pramukh karak mangal, brihaspati ki min rashi men sthit ho kar, karm bhav evan lagn ko purn drishti se dekh raha hai. shani evan bhagyesh shukra bhi karm bhav men virajman hain tatha shani evan parakramesh mangal apas men drishti vinimay sanbandh sthapit kar rahe hain. labhesh chandra par bhi lagnesh, karmesh, bhagyesh evan panchmesh ki purn drishti hai.
ye sthitiyan liyendar pes ko ek safal khilari ke rup men sthapit karne tatha tenis ke madhyam se unhen paryapt labh evan samman dilane ke lie jimmevar hain. kundli ke pancham bhav men brihaspati ki sthiti, ‘karka bhavnashay’ ke siddhantanusar, achchi nahin hai; tathapi is bhav men sthit ho kar brihaspati viprit rajyog bana raha hai.
iske atirikt chaturth bhav men nich ke rahu evan dasham bhav men nich ke ketu ka bhi nich bhang ho raha hai. is prakar kundli men bhavon, bhaveshon evan grahon ki uparyukt sthitiyan tatha 3-3 nich bhang rajyog liyendar pes ko, antarrashtriya star ke safal khilari ke rup men pratishthit kar, yash, dhan, man, samman evan khyati pradan karti hanai.
shatranj ke vishva chainpiyan vishvanathan anand ka janm 11 disanbar, 1969 ko chennai men hua. inki janmakundli men lagnesh shani svayan parakram bhav men mangal ki mesh rashi men virajman hai tatha parakramesh-karmesh mangal shani ke sath sthan parivartan yog ka nirman kar raha hai.
lagnesh shani ki pancham khel bhav par purn drishti hai tatha khelon ka karak mangal lagn men mul trikonagat rahu ke sath avasthit hai.
lagn evan mangal par brihaspati ki purn drishti hai. ye sthitiyan unhen svasth, parakrami aur manobal se paripurn ek achcha khilari banati hanai.
anand ki kundli men buddhi ka karak grah budh, svayan khel bhav ka svami ho kar, labh sthan men shashthesh chandrama ke sath baitha hai tatha panchven sthan ko puri drishti se dekh raha hai. labhesh evan dhanesh brihaspati, bhagya sthan men baith kar, tritiya bhav, lagnesh shani evan pancham bhav par purn drishti dal raha hai tatha shukra, svayan bhagyesh ho kar, dasham bhav men baitha hai.
grahon ki ye sthitiyan vishvanathan anand men buddhi ke khelon ke prati sahaj rujhan paida karti hain tatha in khel pratispadrdhaon men, apne buddhi kaushal se virodhi paksh par jit darj kara kar, labh, dhan evan khyati prapti ke yog banati hain. mesh rashi ka shani nich ka pratit hota hai, parantu mesh ke svami mangal tatha shani ki uchch rashi tula ke svami shukra ki kendra men sthiti nich bhang rajyog ka nirman karti hai.
ismen koi sandeh nahin ki uparyukt grah sthitiyon ne vishvanathan anand ko shatranj ke badshah ke rup men pratishthit kiya hai. dhyan chand ki kundli men lagnesh budh parakramesh surya ke sath parakram bhav men hi budhaditya yog ka nirman kar raha hai. lagnesh budh evan svagrihi surya ki rahu ke sath parakram ke sthan tritiya bhav men upasthiti use balvti bana rahi hai. bhagyesh shani, navam bhav men apni mul trikon rashi men avasthit ho kar, atyant sundar yogkari sthiti men hai tatha apni purn drishti se labh evan parakram sthanon ko dekhte hue jatak ko ghor parakram, samriddhi evan yash pradan karta hai.
chathe bhav men sthit svagrihi mangal ek taraf jahan virodhiyon ko parast karne ki adbhut kshamata de raha hai, vahin lagn par uski drishti achcha svasthya evan jabaradast damakham bhi pradan kar rahi hai. is kundli men pancham khel bhav ka svami svayan shukra hai tatha panchven bhav ka sthayi karak brihaspati, karm sthan ka svami ho kar, shukra ki rashi men sthit hai.
khelon ke karak grah mangal evan dashmesh brihaspati men drishti vinimay sanbandh hai. ye grah sthitiyan dhyan chand ki jadui kalatmak khel pratibha tatha haeki ke madhyam se apar samman evan prasiddhi ke lie jimmevar hain.