praniyon kelie kam (seksa) ke do mukhya uddeshya hain pratham vishyanand tatha iusra vansh vriddhi. santti arthat vansh vriddhi kam ka mulbhut prayojan hai. jise jyotish shastra janmang ke saptam bhav saptamesh evan shukra ke madhyam se abhivyakt karta hai. gita ka kathan hai ki jaise manav fate vaston ka tyag kar naye dharan karta hai usi prakar jivatma bhi purane sharir ko tyag kar nai deh ko dharan karta hai. pratyek jivatma apne purva karmon ke anusar nishchit mata-pita ke yahan janam leti hai aur janam lete samay akash men grahon aur nakshatron ki jo sthiti hoti hai us akashiya sthiti ke anusar hi vyakti ka jivan nirdharit hota hai.
prachin samajik vyavastha men pitri rin, bhatri rin evan dev rin ko vishesh mahatva diya gaya hai. dharm shastron ke anusar santanotpati ke dvara pitri rin ko chukaya ja sakta hai. dharm, arth, kam aur moksh jivan ke char pramukh setu hain, jis prakar jivan yapan ke lie dhan, ishvar prapti arthat moksh atm shuddhi dharm ka pramukh lakshya hai, thik usi prakar srishti vikas ke lie kam arthat seks bhi jiv matra ki bhrun bhut abhivriti hai. praniyon kelie kam (seksa) ke do mukhya uddeshya hain pratham vishyanand tatha iusra vansh vriddhi. santti arthat vansh vriddhi kam ka mulbhut prayojan hai.
jise jyotish shastra janmang ke saptam bhav saptamesh evan shukra ke madhyam se abhivyakt karta hai. santan ka karak kundli ka pancham bhav, panchmesh tatha chandra, shukra, surya, guru evan mangal hai. chandra aur mangal stri ke masik dharm aur and nirman ke karan rah tatha guru aur chandrama purush ke virya aur shukranuon ke karak hai. stri ke and evan purush ke shukranu ke sahyog se garbh dharan hota hai. atah inka balvan evan urjavan hona parmavashyak hai.
kisi mahila ke masik dharm ke samay stri ke janmang men janmakalin chandrama se jab gochar ka chandrama 3,6,10 evan 11ven bhav ko chorakar arthat lagn, dvitiya, chartuai, saptam, ashtam, navam evan barhven bhav se gochar karta hai tatha use mangal dekhta hai tatha purush ki janm kundli men janmakalin chandrama se gochar ka chandrama 3,6,10,11 men se kisi ek bhav men ho tatha guru se chandrama drisht ho tab stri purush ke sanyog se garbh dharan hota hai. yadi pancham bhav ko surya mangal evan guru ekhe tatha pancham par kisi grah ka dusht prabhav n ho to putrotpati hota hai.
yadi panchmesh purush grah hokar pap drisht ya yut n ho taaur jab chandra ya shukra pacham ya panchmesh ko dekhe tatha pap prabhav men pancham ya panchmesh n ho to aisi avastha men adhikatar kanya santti utpann hoti hai. jo dampati medikal janch men thik hai kintu santan utpati men asafal hai aise samay ka upyog kar santanotpati kar sakte hain. kintu jo dampati medikal janch men thik nahin kintu unki kundliyon men santan yog ke karan dikhai de aise dampatiyon ko uchit chikitsa karvana hi shreshth hai.
santanotpati yog: yadi lagnesh, lagn, dvitiya ya tritiya bhavasth ho to pratham santan pantra aur lagnesh chaturth bhav men ho to dvitiya santan putra hoti hai. yadi panchmesh evan pancham bhav par guru ki drishti tatha pancham evan panchmesh papatva prabhav se rahit ho to aisi sthiti men adhikanshtah putrotpati hoti hain pancham bhav shubh prabhav men ho to santan yog hota hai kintu shubh grah ka panchmesh se drisht n hone par santan ki abhav rahta hai.
saptam men shukra dasham men chandrama tatha chaturth men papagrah hone se santanhin yog banta hai. panchmesh jis bhav men sthit hai vahin se 5,6,12ven bhav men dusht grah hone par santan abhav rahta hai. yadi santan ho bhi jaye to uske jivit rahne men sandeh hai. kisi jatak ke janmang men pancham bhav par papi grah shani, rahu, ketu athva nich grah ki drishti ya yuti, pancham bhav men panchmesh nichasth ho, dvadshesh, ashtamesh, shashthesh se drisht ya yut hone par santanotpati men badhak hai kyonki dusht grah ke prabhav se ande ke vikas men badha ati hai tatha projastiron harmon ki kami ho jati hai.
garbhashay ki manspeshiyan kamjor hoti hai. mangal ki drishti adarshan ka karan banti hai. pancham bhav ke upadhipti ke nakshatra ke upanakshatra men sthit grah ki dasha, antrdsha aur pratyantar men santan utpati hoti hai. prastut kundli men dampati ne tritiya santan ki abhilasha ke sath putrotpati ki kamna ki. janmang men pratham santan pancham dvitiya saptam evan tritiya santan ka avlokan navam bhav se kiya jata hai is janm chakra ke navam bhav ka avlokan karne par navam bhavaranbh ka nakshatrapti shani evan upanakshatrapti surya hai.
navmesh mangal guru ke nakshatra aur shani ke up men hai. prashn samay jatak guru ki dasha shani ka antar ketu ka pratyantar aur surya ke sukshm se gatishil tha. yahan par guru, shani, ketu, surya gochar dekha gaya. sukhm men gahrai par jane se yah prakat hua ki surya min rashi aur budh ke nakshatra men gocharasth the. jisse kansol tithi 25-26 march 2010 nirdharit ki gai. is din dashanath guru shani ki rashi guru ke nakshatra shani ke up men aur shani ke up-up men vichrit tha.
antar dashanath shani budh ki rashi men surya ke nakshatra aur guru ke up aur shani ke up-up men gocharasth tha. 2 janvri 2011 ko inhen putra ratn ki prapti hui. dvitiya janmang men navam bhav ka nakshatra svami shukra up svami shukra tatha up-up ketu hai. navam ka rashi pati guru shani ke nakshatra ketu ke up men aur ketu ke hi up-up men hai yah ketu pancham aur navam se jurav banata hai.
jo santan prapti ka sanket hai. prashn samay inhen guru ki dasha rahu ka antar chandra ka pratyantar gatishil tha tatha chandra mangal ke nakshatra men hone ke karan putra santan hone ki sanbhavna vyakt ki gai. jyotish ganna anusar 18 aprail 2008 kansiv tithi nirdharit ki gai 25 janvri 2009 ko inhen putra ratn ki prapti hui.
ichchit santan prapti ke abhav men ek yogya jyotish ka kartavya hai ki vah janen ki ichchit santan prapti kyon nahin ho rahi. kis shrap ya devi-devta ke prakop ke karan santti yog nahin hai in karnon ko janakar jyotishi ko inka nivaran karna chahie.
harivansh puran ka smaran, santan gopal stotra ka jap, durga saptashati ka path, shivlingabhishek adi karne se santan prapti ke sare avrodh dur ho jate hain tatha jatak ko santan sukh milta hai.