prakriti men do prakar ki urjayen hoti hain jinhan sakaratmak tatha nakaratmak urja ke nam se jana jata hai. brahmand men srijnatmak v vidhvansak donon prakar ki urjayen vidyaman hain, yahi sakaratmak urja fulon ko khilne v bij ko ankurit hone men sahayta pradan karti hai. parantu kuch vinashak urjayen bhi brahmand men upasthit hain jo ek bij ko thik prakar se ankurit nahin hone deta hai tatha manushya ki unnati men bhi badha upasthit karte hain.
kide, kitanu v vairas adi vinashak urja ke rup men karya karte hain. hamara ghar ya imarat keval rahne ka sthan hi nahin hai. yah ek anya tvacha ki satah ki tarah hai jo haman bahri duniya ki urjaon ke sath jodti hai. log inmen ya to kam samay ke lie (afis v faiktari) ya pure samay ke lie rahte hain. yah hamen aur hamse judi chijon ko suraksha tatha sanrakshan pradan karti hai.
ghar ek jyamitiya akar lie hota hai- ek yantra ke saman, jisse yah ek shakti ke rup men karya karta hai, yah shakti us ghar men rahne vale logon ki sharirik, mansik v adhyatmik rup se sahayta karti hai tatha ghar men sampannata ka nirman karti hai. yahan sampannata ka arth hai ghar men rahne vale logon ke lie avashyak dhan, bahar ki samasyaon se svatantra, shanti pradan karna tatha parasparik sambandhon ko achcha rakhna. yadi ham kahen ki imarat ko bhi jivan hota hai to koi bhi vishvas nahin karega. ham apne yunivarsal tharmae skainar ki sahayta se apko ek ghar ka urja kshetra nap kar dikha sakte hain.
ham skainar ki sahayta se yah bhi bata sakte hain ki vahan par kitni sakaratmak v nakaratmak urja ka pravah ho raha hai. yadi ham apni parampara ko dekhen to purane samay men pratyek vyakti apne ghar ko banane men kuch niyam v kayde ka anusaran karte hain. hamare purvaj kuch janvron jaise- gay v sand ka prayog karte the.
vah gay ko chod dete the tatha jis sthan par gay jakar baithti thi vahin par ve log ghar banate the. hamare mahakavya mahabharat granth men bhi janvron ke sanrakshan ke lie yuddh hua tha. bhagvan shrikrishn bhi bahut si gay rakhte the. gay tatha kuch anya janavar apne rahne ke lie sakaratmak sthan ka hi chayan karte hain. hamare rishi-muni apni shakti se sakaratmak urja vale sthanon ka pata laga lete the. shabd gotra jo gay shabd se hi nikla hai bhartiya samaj men ek mahatvapurn parampara ki taraf ishara karta hai.
gay ka gobar,mutra,dudh,dahi v ghi ko milakar panchagavya kaha jata hai. ismen bahut hi sakaratmak urja hoti hai. ismen bahut se rasaynik mishran hote hain jo manushya ko bimari se bachate han gay ke gobar ko kheti ke lie ek achche khad, kitnashak ke rup men prayog kiya jata tha ve log mitti ke ghar banakar niche jamin v divaran par gobar ka lipan karte the. gay ka mutra bahut sari bimariyon ke lie aushdhi ke rup men prayog kiya jata hai tatha gay ke ghi se yagya karne se vayu pradushan niyantrit kiya ja sakta hai.
manav jivn-bilding bayolaeji iska arth hai ki hamare charon taraf bahut sari vastuen hoti hain jinka bhautik v rasaynik pahluon ka prabhav manushya ke jivan par padta hai. is tathya ko nangi ankhon se nahin dekha ja sakta hai lekin samay ke sath-sath iske achche v bure prabhavon ke sath iska anubhav kiya ja sakta hai.
ek imarat keval ek dhancha hi nahin hoti hai balki ismen bhi ek apni urja hoti hai jisko prapt karne men nimn tatva sahayak hote hain jaise- patthar, lakdi, loha, ityadi bhi sakaratmak urja vale hon, vastuyen jo ghar men rakhi hain unka bhi urjatmak santulan us ghar men rahne vale logon ke sath hona chahie.
bhumi vigyan prithvi men maujud chumbakiya kshetra, gurutvakarshan aur surya ki roshni manav jivan men sahayta pradan karte hain tatha iske sath hi sath bhumi ke andar kuch aise hanikarak rasayan vidyaman hain jo manushya ke jivan par dushprabhav dalte hain. ye nakaratmak urjaen manushya ki sakaratmak urja par bhi prabhav dalte hanai jiske karan lailaj bimari jaise- kainsar, ti0bi0, hridyaghat ka manushya ko samna karna padta hai.
mrit sharir ko dafnane ke bad kabhi-kabhi uski asthian chetan ho jati hain jo manushya ke urja kshetra ko prabhavit karti hain jisse usko mansik v sharirik pareshani ho sakti hai. bao- bayolaji yah shabd jarman vastu visheshagyaon ne ek andolan ke rup men darshaya hai jo ek svasth imarat ke siddhanton ke lie prayog hota hai. iska arth hai achche rahne ke sthan ke rup men v karyasthal jo adhibhokta ke svasthya ke sath sambaddh hota hai.
prarambh men iska adhyayan, ghar kis prakar ka hai tatha vah aur usmen rahne vale log ek dusre ke urja kshetra ko kis prakar prabhavit karte hain, ke rup men karte hain. kuch aprakritik akar, tuti hui vastuen, dhatu ki vastuen, vidyutiya gaijets, adhuri manav akriti ke murti ityadi infrared rediyeshan deti hain.
inse nakaratmak urja, agyat samasya, sar dard aur sankraman adi ke rup men samasya utpann hoti hai. yunivarsal tharmae skainar ki sahayta se is nakaratmak urja ki janch ki jati hai. bao-bayolaji urjatmak rup se paryavrniya sthiti ki dekhbhal kar leti hai. prakriti ke dvara vastu samjhna prakriti ko dekhakar koi bhi manushya vastu ko samajh sakta hai.
jis prakar fulon aur kristal anu ke akar se badhakar vartaman akar men jane ke lie brahmandiya urja ki sahayta avashyak hoti hai thik usi prakar manushya ko chahe vah ghar ho ya vyavsay, kali se ful banne ke lie bahut adhik sakaratmak urja ki avashyakta hoti hai. iska arth yah hai ki brahmandiya urja ko grahan karne ke lie sakaratmak vatavaran hona bahut hi avashyak hai jo unki unnati men unki sahayta kar sake.
ek prajati ke sabhi ful ek jaise nahin khilte hain kyonki nakaratmak urjaen ful ko fal men badlne ke pahle rukavat paida kar deti hain jaise fulon men koi sankraman failakar. ham prakriti ki pratyek vastu men rangon ko dekhte hain. rangon ka bhi apna urja kshetra hota hai ek nishchit kanpanashakti v vevlainth ke sath. yadyapi ham inka vastu men sidha prayog nahin karte hain, chainij isko fanegshui ke rup men pradarshit karte hain.
vastu men grik shabd iroj ka arth hai vaidik shabd ‘kama’ v samyog ke samanarth hi hai. iska tatparya yahan par akash aur prithvi ke madhya gathjod se hai arthat jab mata prithvi pita akash se milti hai tabhi paryavaran men santulan bana rahta hai. jab pita akash apne paurushatva ki urja ke rup men varsha karta hai tatha mata prithvi usko apne garbh men dharan kar leti hai tab keval bij pran grahan karke badhta aur khilta hai.
jivan ka pura rahasya ismen chipa hua hai jiske karan puri prithvi hari bhari rahti hai. kya yah koi chamatkar nahin hai? is prakar jivan prithvi par vidyaman hai. koi bhi dekh sakta hai ki brahmand men pratyek prakritik vastu apna koi n koi akar grahan kiye hoti hai. ham vibhinn prakar ke jyamitiya akaron ka adhyayan karte hain jo bhinn bhinn urja kshetra pradan karte hain, isi prakar pratyek prakritik vastu ke akar ke sath-sath apna ek pratisamya bhi hota hai arthat jab kisi ek vastu ko do barabar hisson men banta jaye to ve ek dusre ke sadrishya hoti hai- darpan ke pratibimb ki tarah jisman ek bhag paurushatva ki urja dharan kiye rahta hai tatha dusra bhag stritva ki urja vigyan ki bhasha men kahen to ek pajitiv ‘+’ sain vala hissa tatha ek negetiv ’-’ sain vala hissa. donon ko milakar hi ek sanpurn vastu nirmit hoti hai.
yadi kisi bhi sajiv v nirjiv vastu men samya ki kami hoti hai to brahmand men us prajati ya vastu ki gupt hone ki sambhavnaen badh jati han. vastu men urjatmak santulan prithvi lagabhag 6-8 hatarj ki kanpan shakti par vaibret karti hai lekin kuch sthanon par jahan jiyopaithik stres hota hai vahan par yah kampan shakti 250 hatarj tak pahunch jati hai. is prakar ki dikhai n dene vali nakaratmak urjaen manav jivan ke lie hanikarak hain jo lagatar tanav ko badhane ka karya karti hai.
ye sidhe taur par bimariyon ka karan nahin hoti hain balki ye manushya ke imyuniti sistam ko itna kamjor kar deti hai jisse bimariyon se ladne vali koshikaon ki kshamata kho jati hai. ye nakaratmak urjaen sharir aur mastishk ki koshikaon ke di.en.e. ke rasaynik bandhan ko tod deti hanai jo is prakar ki kampan shakti ke pas rahte han isi prakar ke sthanon par dimak, vayaras adi bahut adhik matra men milte hain.
yahan par madhumakkhiyan ka chatta, billi ka adhik samay baithna adi prakritik pahchan hai nakaratmak urja ko pahchanne ki. is prakar, ham vastu men keval ek chij ko dhyan men rakhakar kisi bhi ghar ya kshetra ka urja kshetra nahin badha sakte hain. yunivarsal tharma skainar ki sahayta se ham vastu ke har pahlu par vaigyanik tarike se usko janch sakte hain tatha vaigyanik tarike se uske upay bhi dhundh sakte hain .
jivan men jarurat hai jyotishiya margadarshan ki? abhi bat karen fyuchar point jyotishiyon se!