sakshatkar balaji dham ke ek diggaj bhut-pret visheshagya se bhut-pret, jinna-rakshas, dakin-chudel adi atmaon ki ek alag hi duniyan is dharti par hain, jo pratyaksh ya apratyaksh rup se insani mahaul se juri rahti hain athva uske as-pas hi vicharan karti hain. insanon ki tarah inke bhi ghar-grihasthi, man mutav, jhagre, ankush, satta, vyavastha hoti hain. fark keval itna sa hai ki manav ke as-pas yah sab kuch ghatta rahta hai, par am admi ise dekh nahin pata. vah alaukik duniya ki atmaon se prabhavit hota rahta hai. aj ke antriksh vigyan ke yug men aisi baton par vishvas karne ko ji nahin karta tatha is prakar ki baten kapol-kalpit si lagti hai. parantu bhut-pretatmaon dvara pirit vyaktiyon ki durdasha dekhakar vishvas karna hi parta hai. bhut-preton ke kai aise akraman dekhakar daektar, tatha vaigyanik log hairan ho jate hain, unko tantrik hi thik karte hain. anya deshon ki tarah apne desh men bhi pret badhaon se chutkara dilane ka bira uthane vale anek log hain. unhi men se ek hain- rajasthan ke vyavar shahar sthit balar rod ke makaradhvaj balaji dham ke mukhya upasak prakash nath maharaj. shri makaradhvaj balaji tirth dham ke mukhya-upasak prakash nathji se tantra-mantra, chamatkar, bhut-pret adi vishyon par vistrit charcha hui. prastut hain unse hui batchit ke kuch ansh- prashna: kya ap chamatkar bhi dikhate hain? uttara: kai ojha, bhopa, tantrik jan logon ko akarshit karne evan prasiddhi pane ke liye tarh-tarah ke chamatkar dikhate hain. main chamatkar nahin dikhata. hae! avashyakta hone par manav kalyan ke liye tantrik shakti ka prayog karta hun. logon ka dukh dard, pareshaniyan mujhse dekhi nahi jati. prasiddhi main nahin chahta. prashna: kis tarah ke log apke pas ate hain? uttara: sabhi tarah ki samasyayen lekar ate hain. apsi jhagre, parivarik kalah, mukdmebaji, berojgari, jamin-jaydad, pitri dosh, mrit atma tatha bhut pretadi ki badha, vyapar men hani, ghat, niahsantanta, ganbhir khatrnak rogon se mukti pane ke liye rajasthan ke alava dur-dur se pareshan vyakti ate hain. aise bhi log ate hain, jo dusron ka nuksan karvana chahte hain. lekin jyadatar pareshan tatha dusron dvara sataye log ate hain. ham tantra vidya se dusron ki shakti ko beasar karne ka prayog karte hain. lekin main dusron ko nuksan pahunchane ke liye tantrik vidya ko prayog men nahin lata, apitu logon ke bhale ke liye, unki tarakki ke liye, rukavat dur karne ke liye apni shakti ko upyog men lata hun. prashna: apke pas ane vale mansik rogiyon men kya sabhi bhut-pret se grast hote hain? uttara: ji nahin ! sabhi log bhut badha se pirit nahin hote. kabhi-kabhi to unki pira ka karan as-pas ka vatavaran aur parivarik uljhne bhi hoti hain. aise samay main keval bhut pret ya grah dosh par hi dhyan nahin rakhta, balki uski manodsha ka adhyayan karne ke bad sahi paramarsh deta hun. prashna: apko balaji ki kripa kaise prapt hui? uttara: jab main das-gyarah varsh ka tha, tab ek bar apne fufa v bua ke sath mehandipur balaji darshanarth gaya. vahin kisi agyat prerna se maine hanuman chalisa ke 108 path kiye. bas tabhi se koi alaukik shakti mera margadarshan kar rahi hain aur usi samay se balaji ki vishesh anukampa mujh par ho gai. prashna: bhut-preton ki kartuton se ap kaise niptte hain? uttara: abhi tak maine kitni hi kukhyat aur jabaradast shaktishali dusht atmaon ko apni mantrashakti se parast kar mukti dilai hain. prashna: rog mukti aur pret badha upchar kaise karte hain? uttara: rog nivaran tatha bhut vyadhi ko dur karne ke liye laung, patase, tel, kali mirch, jayafal adi ka prayog karta hun. maharaj prakash nath ke pas subh-sham samasyagrast logon v rogiyon ka mela laga rahta hain. aj bhi inki svayan ki sadhna ratri gyarah se do baje tak chalti hain. manglvar-shanivar ko to pratah ath baje se hi pirit purush, mahilaon, bachchon ki lanbi katar lag jati hain. sabhi apni-apni vyadhiyon-pareshaniyon se mukti prapt karne ki lalsa lekar ate hain. maharaj ji garib-amir sabhi ke dukhon ko saman bhav se dekhte v upchar karte hain. ve dusre tantrikon ki tarah andhadhundh paisa nahin lete. ghar ka kharch vah svayan shram karke pura karte hain. prakash nath maharaj ka kahna hai ki unke yahan sachche bhakten ke kasht avashya dur hote hain, par jo log galat hain aur galat karyon ke liye ate hain, unki bat nahin suni jati. isliye maharaj ji kisi ko gara dhan, chori, ghar se bhagne, jua-satta tatha jhuthe korta-kachahari jaise mamlon par kisi prakar ki madad nahin karte. aj kai niahsantan dampati maharaj ji ke ashirvad se do-char bachchon ke mata-pita hain. vyapar men jo nuksan utha rahe the, unko bhi vyapar-dhandhe men labh hua. kuch vivahit mahilaon, yuvtiyon ko unke pati ne chor rakha tha, inki kripa se ve sukhpurvak apne pati ke sath jivan gujar rahi hain. asadhya rogon se pareshan kai vyaktiyon ko prakash nath maharaj ne achcha bhala-changa kiya hain. jo log jine ki ummid chor chuke then, bare-bare chikitsakon ne jabab de diya tha. unko bhi inhonne thik kiya hain.
Kya aapko lekh pasand aaya?
Subscribe