pakriti ke unmukt prangan men base devbhumi uÿaranchal men shayad hi aisa koi sthal hoga jahan mandir n ho. kalakal karte jharne, aviral bahti nadiyan, prahri ki bhumika men garva se sir uthae khare pahar, mukt hava men jhumte hare-bhare vriksh yahan ane vale yatriyon ko prakriti ki anupam srishti se naikatya ka abhas kara jate hain.
yah bhumi prakritik saundarya se jitni samriddh hai utni hi adhyatmik bhavna se otaprot bhi. mandiron ke is pradesh men almora se lagabhag 71 kilomitar ki duri par kausani men gomti nadi ke tat par sthit hai baijnath. yah mandir samudra tal se 1,126 mitar ki unchai par sthit hai. baijnath ko ek prakar se mandiron ki ghati ke rup men jana jata hai. mandiron ki is sundar ghati ko katyuron ki garur ghati bhi kahte hain.
kaha jata hai ki is prachin mandir ka nirman 12-13vin shatabdi men katyuri rajaon ne kiya tha. shilpakala ki drishti se bhi ye mandir bejor hain. yahan ki nakkashidar murtikla sarvashreshth kala shilpon men se ek gini jati hai. baijnath men shiv, ling rup men avasthit hain. yahan mata parvati ki bhavya prastar murti darshaniya hai.
kaha jata hai ki shiv-parvati ka vivah isi sthal par sanpann hua tha. sthaniya log batate hain ki aj bhi is ghati men der rat nagaron ki dhun sunai deti hai. puratatva ki drishti se mahatvapurn yah mandir gomti ki aviral dhara ka sakshi bana hua hai. yahan ka vatavaran behad shant hai.
yahan akar lagta hai ki srishtikarÿaa ishvar ne bare soch vichar kar yahan ki sanrchna ki hai. sthaniya pujari mandir men niyamit puja-archana karte hain. yahan shivling ke charon or ke ghere (shakti) par chandi ki parat charhi hui hai. kahte hain kisi bhakt ne apni manokamna puri hone ke bad ise banvaya tha. yahan par anek mandir samuh hain. shivratri ke avasar par yahan bahut bhir rahti hai.
aspas ke darshaniya sthal anashakti ashram: yahan rashtrapita mahatma gandhi kuch din rahe the aur unhonne yahan ek pustak bhi likhi thi. aj bhi charkha, khaddar adi unki nishani ke rup men yahan vidyaman hain. anashakti ashram men yatriyon ke rahne ki vyavastha bhi hai. yahan ek pustakalay bhi hai. ashram bahut unchai par hai. yahan se suryoday evan suryast ke drishya dekhne logon ki bhir ekatrit hoti hai.
sumitranandan pant sangrahaly: jane mane chayavadi kavi sumitranandan pant ke janm sthal par ek sangrahalay banaya gaya hai. yahan unke jivan kal se juri kai vastuon ki pradarshani aur unke sahitya ki pratiyan darshanarth rakhi gai hain.
lakshmi ashram: anashakti ashram se ek kimi. ki duri par yah sthan hai. yahan gandhi ji ki prerna se sarla bahan ne samaj seva kendra ka sanchalan kiya tha.
pinakeshvar: kausani se 20 kimi kimiduri par yah shiv mandir sthit hai. yahan se anek ghatiyon ka evan parvat shreniyon ka vihangam drishya dikhai deta hai.
chaikori: kausani se 75 kimi. ki duri par yah sundar choti sthit hai. yahan bahut nikat se himalay ka naynabhiram drishya dikhai deta hai.
baba nim karoli ka ashram: almora se kausani jate samay marg men kainchi dham parta hai, jahan prasiddh sant baba nim karoli ka ashram hai. baba bahut siddh purush hain. ve kai varshon se balak rup men hi dikhai dete hain.
kaha jata hai ki ve amar hain. unki umra kitni hai kisi ko kuch pata nahin. pichli kai pirhiyon se log unhen isi rup men dekhte a rahe hain. sthaniya bhasha men inhen ‘nantin baba’ ke nam se pukara jata hai. jiske sir par ek bar baba hath fer dete hain, uska hamesha kalyan hi kalyan hota hai.
dur-dur se kuch log utsuktavash to kuch log shraddh apurvak baba ke darshanon ko ate hain. baba yahan hamesha nahin rahte islie dur se ane ke bad bhi bhagyashali logon ko hi unke darshan ho pate hain.
someshvar: kausani se 15 kimiki duri par bhagvan bhole shankar ka prasiddh mandir someshvar sthit hai. yahan pratyek varsh march men bahut bara mela lagta hai. is mandir ka nirman chandra vansh ke shasak raja somchand ne kiya tha.
bageshvar: yah sthan dharmik v paryatan donon drishti se mahatvapurn hai. shiv pujan ki yah pavan sthali baijnath se 21 kimi. ki duri par sthit hai. yahan sthit bagnath mandir bahut prasiddh hai. yahan sthan-sthan par anek shiv mandir hain. yahan uÿarayni ka mela bahut dhumdham se ayojit hota hai.
kaha jata hai yahan markandey rishi ne kai salon tak shiv sadhna ki thi. yah vah sthan hai jahan se pindyari aur kafni gleshiyar adi ki yatra praranbh ki ja sakti hai. kaha thahren kausani men kumaun vikas mandal nigam, himalayan hotal tatha anek niji hotal hain, jahan rahne v bhojan ki vyavastha sahaj upalabdh ho jati hai.
if you are facing any type of problems in your life you can consult with astrologer in delhi