baglamukhi ki sadhna pan. vijay sud shastri is vidya ka prayog daivi prakop se raksha, dhan-samriddhi ki prapti aur shatru ke shaman ke lie kiya jata hai. iske atirikt tantrik shat karmon ki siddhi, vad mukdmon men vijay, rajnitik labh adi ke lie bhi yah prayog kiya jata hai. ram par vijay prapt karne ke lie rakshasaraj ravan ne mahavidya ke isi rup ki upasna ki thi. mahabharat kal men shreshth dhanurdhar arjun, mahabli dronputra ashvatthama aur svayan dron ne bhi man ke isi rup ki puja ki thi. aj bhi rajnitigyagan is mahavidya ki sadhna karte hain. chunavon ke dauran pratyashigan man ka ashirvad lene unke mandir avashya jate hain. bharatavarsh men is shakti ke keval do hi shakti pith hain -ek datiya men pitanbra pith aur dusra himachal men jvalamukhi se 22 kimi dur vankhandi namak sthan par. sadhna men savdhaniyan baglamukhi tantra ke vishay men batlaya gaya hai - baglasarvasiddhida sarvakamna vapnuyat’ arthat baglamukhi devi ka stavan puja karne valon ki sabhi kamnaen purn hoti hain. ‘satye kali ch arthat bagla shakti ko trishaktirupini mana gaya hai. vastutah baglamukhi ki sadhna men sadhak bhay se mukt ho jata hai. kintu baglamukhi ki sadhna men kuch vishesh savdhaniyan bartna anivarya hai jo is prakar hain. purn brahmacharya ka palan karna chahie. sadhna kram men stri ka sparsh ya charcha nahin karni chahie. sadhna darpok ya bachchon ko nahin karni chahie. baglamukhi devi apne sadhak ko kabhi-kabhi bhaybhit bhi karti hain. atah drirh ichcha aur sankalp shakti vale sadhak hi sadhna karen. sadhna aranbh karne se purva guru ka dhyan aur puja anivarya hai. baglamukhi ke bhairav mrityunjay hain. atah sadhna se purva mahamrityanjay ka kam se kam ek mala jap avashya karen. vastra, asan adi pile hone chahie. sadhna uttar ki or munh kar ke hi karen. mantra jap haldi ki mala se karen. jap ke bad mala gale men dharan karen. dhyan rakhen, sadhna kaksh men koi anya vyakti pravesh n kare, n hi koi mala ka sparsh kare. sadhna ratri ke 9.00 se 12.00 baje ke bich hi karen. mantra jap ki sankhya apni kshamatanusar nishchit karen, fir usse n to kam n hi adhik jap karen. mantra jap 16 din men pura ho jana chahie. mantra jap ke lie shukla paksh ya navratri sarvashreshth samay hai. mantra jap se pahle sankalp hetu jal hath men lekar apni ichcha spasht rup se bol kar vyakt karen. sadhna kal men iski charcha kisi se n karen. sadhna kal men ghi athva tel ka akhand dipak jalaen. upasna vidhi: kisi bhi shubh muhurt men sone, chandi, ya tanbe ke patra par man baglamukhi ke yantra ki rachna karen. yantra yathasanbhav ubhre hue rekhankan men ho. is yantra ki pran pratishtha kar niyamit rup se puja karen. is yantra ko ravipushya ya gurupushya yog men man baglamukhi ke chitra ke sath sthapit karen. fir sab se pahle bagla mata ka dhyan kar viniyog karen aur daen hath men jal men jal lekar mantra ka uchcharan karte hue chitra ke age chor den. viniyog mantra: ¬ asya shri baglamukhi mantrasya narad rishiah trishtupchandah shri baglamukhi devta inin bijan svaha shaktiah pranvah kilkan mamabhisht siddhyarthe jape viniyogah. ab karanyas, hridyadinyas kar devi baglamukhi ka dhyan karen. kanyadinyas: narad rishye namah shirsi trishtupchandse namah mukhe baglamukhyai namah hridye inin bijay namah guhyeah svaha shaktaye namah padyoah pranav kilkay namah srvange. karanyas: ¬ inin agushthabhyan namah baglamukhi tarjanibhyan namah sarvadushtanan madhyamabhyan namah vachan mukhan padan stanbhay anamikabhyan namah jihvan kilay kanishthikabhyan namah buddhin vinashay inrin ¬ svaha karatal kar prishthabhyan namah ¬ inin indyam namah baglamukhi shirse svaha, sarvadushtanan shikhayai vashat vachan mukhan padan stambhayan kavchay hun jihnan kilay, netratrayay vaushat buddhi vinashay inin ¬ svaha astray pafat. ab man ka nimnalikhit mantra se dhyan dhyan karen. madhye sudhabdhi mani mandap ratnavedi sinhasno parigtan paripitavarnam. pitambara bharnmalya vibhushitangi devi najami ghritmudgar vairijihnam.. jihnagramaday karen devin. vamen shatrun paripidyantim.. gadabhighaten v dakshinen. pitanbradhyan dvibhujan namami.. mantra: ¬ inin baglamukhi sarvadushtanan vachan mukhan padan stambhay jihna kilay buddhin vinashay inin ¬ svaha. pahle dhyan mantra dvara devi ka stavan kar unke mantra ka jap karna chahie. jap ke pashchat tarpan marjan ka vidhan hai. ant men havan ke pashchat brahman bhojan karana parmavashyak hai. samagriyon ka mahatva dev stavana: baglamukhi ke ek lakh jap ke bad (das hajar) champa ke das hajar pushpon se havan karne se sabhi devtagan sadhak ke vashibhut ho jate hain. akarshan ke lie: madhu, ghrit, shakkar evan namak se havan karne par akarshan barhta hai. shatru stanbhan hetu: tar patra, namak aur haldi ki ganth se havan karne par shatru stanbhit hota hai. ratri men agar, rai, bhains ke dudh ke ghi aur guggul ka havan karne se shatruon ka shighra hi shaman hota hai. rog nashk: durva mishrit madhu tatha chini, aur guruch evan dhan ki khil se havan karne par rogon se mukti milti hai. kalah nivaran hetu: tel mishrit nim ki pattiyon se hom karne par apas men jhagra shant hota hai. shatru shakti nashk: ek varn vali gay ke dudh, chini evan madhu ke mishran ko baglamukhi ke mantron se 300 bar abhimantrit kar uska pan karne se shatruon ki sari shakti nasht ho jati hai. uchchatn: giddh aur kaue ke pankh ko sarson ke tel men mila kar chita par havan karne se shatruon ka uchchatan hota hai. grah shanti ke lie: man ke mul mantron ka ek hajar bar jap karen. ek mala ka havan nimn samagri se karen. pili sarson 200 gram, gay ke dudh ka ghi 100 gram, kale til 20 gram, karayal 20 gram, loban 20 gram, kusum ka ful 5 gram, guggul 25 gram kapur 20 gram, chini 200 gram, namak 50 gram kali mirch 20 dane aur nim ki chal. havan karne ke bad panch ganvon ka pani milakar ghar ke charon or dhar se ghera bana den.
Kya aapko lekh pasand aaya?
Subscribe