kundli men bhav 6, 8 aur 12 ko nikrisht sthan ki sangya di gai hai. in bhavon ke svami aur in bhavon men sthit grah apne gun khokar apni dasha ya antardasha men jatak ke lie kasht utpann karte hain. in bhavon ke atirikt bhav 2 aur 7 yash, dhan, pad aur sanpÿia dayak hone par bhi marak sthan kahlate hain, kyonki in bhavon ke svami aur inmen adhishthit grah apni dasha ya antardasha men mrityu ya mrityu tulya kasht pradan karte hain. bhav 6, 8 aur 12 ke svami jis bhav men sthit hote hain, us bhav ke fal ko bhi nasht kar dete hain. islie in sabhi bhavon ko badhak sthan kahte hain aur inke nikrisht svabhav ko badhak dosh kahte hain. udahrnarth saundarya aur yauvan ka pratik shubh grah shukra mesh lagn ki kundli men bhav 2 aur 7 ke svami tatha dhanu lagn ki kundli men shashth aur ekadash bhavon ke svami ke rup men dhanaprad hone par bhi rog, rin, shatruon ke dvara mrityu jaisa dukh dene vala hai. atah krur bhavon 6, 8 aur 12 ke lie kundli men inke svamiyon ka svagrihi hona apekshit hai.
aisi avastha men in bhavon ke svami apne hi bhavon ki dushtata ko nasht karke shubh yog banakar shubhafalaprad ho jate hain. jaise svagrihi shashthesh se harsh yog, svagrihi ashtamesh se saral yog aur svagrihi dvadshesh se vimal yog banta hai. yahan ham badhak dosh ko kisi aur rup men adhyayan karenge. kanudli adhyayan hetu kendra dosh aur marak dosh ki bhanti badhak dosh ka vishesh prachalan nahin hai, kintu iske akalan se satik fal prapt hote hain. mahan jyotirvid varahmihir, parashar, kalidas, mantreshvar, dhundhiraj, kalyanavarma aur ganesh ke grantho men is dosh ka varnan nahin hai, magar venktesh aur unke putra vaidyanath dvara rachit sarvarth chintamni, adhyay 17, shlok 2, jatak parijat, adhyay 2, shlok 48 aur harihar nanbudri ke granth prashnamarg, adhyay15, shlok 111, 112 aur 113 men is dosh ka varnan hai. badhak kya hai? kisi karya men badha ya rukavat utpann karne vala badhak kahlata hai.
janmapatri adhyayan ke samay koi grah yogkari, labhkari aur pad-pratishthakari pratit hota hai, parantu yatharth ke dharatal par vah anishtakari siddh hota hai, tab grah ki aisi avastha badhak kahlati hai. grahanan sthanvshen paraspar badhakatvamah. kramachch ragadvishrirbhnamupantya dharmasmar gastadishaah. khareshmandisthit rashinatha ativ badhakar khechraah syu.. - savarth chintamni aur jatak parijat. janm lagn char svabhav ki rashi (mesh, kark, tula ya makr) ho to ekadash sthan, iska svami aur ismen sthit grah. janm lagn sthir svabhav ki rashi (vrish, sinh, vrishchik ya kunbh) ho to navam sthan, iska svami aur ismen sthit grah. njanm lagn dvisvabhav ki rashi (mithun, kanya, dhanu ya min) ho to saptam sthan, iska svami aur ismen sthit grah badhak hote hain. khar ya mandi se yukt rashi ke svami bhi ativ badhakari hote hain.
badhak dosh keval janm lagn ke lie hi nahin hai, balki pratyek bhav ke lie hota hai. jaise, mesh lagn ki kundli men char svabhav ki mesh lagn rashi ke lie badhak sthan ekadash bhav, dvitiya bhav (jahan sthir svabhav ki vrish rashi hai) ke lie badhak sthan dasham bhav (jo ki dvitiya se navam sthan par hai) aur tritiya bhav (jahan dvisvabhav ki mithun rashi hai) ke lie badhak sthan navam bhav (tritiya se saptam sthan par) hai. ek udaharan sthir sinh lagn rashi ka dekhte hain. manlo sinh lagn men brihaspati aur pancham bhav men mandi hain. sthir sinh rashi ke lie navam bhav, navmesh mangal aur usmen sthit grah badhak honge. isi prakar tritiya bhavagat char tula rashi ke lie tritiya se ekadash sthan arthat lagn bhav, lagnesh aur ismen sthit grah badhak honge. mandi sthit dhanu rashi ka svami brihaspati jo ki tritiya se ekadash sthan par sthit hai, tritiya bhav ke lie badhak hoga, jiski dasha ya antardasha men tritiya bhav ke fal prapti men badha utpann hogi.
dhanu lagn ki kundli 1 men saptam bhav aur saptamesh budh badhak hain. svagrihi aur bhadrayog hone ke karan is budh ko ham vidya-buddhi, naukri-vyapar aur yash-dhan hetu yogkari aur labhkari mante hain. kintu aisa nahin hai. dhanu aur min lagn valon ke lie svagrihi budh ki dasha ya antardasha men abhisht fal nahin milte. jyotishi aur jatak donon chintit hote hain ki aise balvan grah ke fal kyon nahin mil rahe? yahi badhak dosh hai. fir bhi, aise jatak ka vivah shighra ho jata hai, basharte ki saptam bhav shani se drisht n ho. isi prakar mithun aur kanya lagn valon ke lie saptam bhav aur saptamesh brihaspati badhak hain. saptam bhavagat svagrihi brihaspati se hans yog banne par bhi iska sarvadhik dosh vaivahik sukh ka nash hona hai. iska udaharan jayllita ki kundli hai, jiske saptam bhavagat brihaspati saptam bhav ke lie badhak hone ke karan vah avivahit hai. jyotish granthon men badhak dosh ka vistrit varnan n hone ke karan yah vyapak shodh ka vishay hai.
ek prashn hai ki badhak sthan ke svami ke lie kundli men kaun sa upyukt sthan hai? ham jante hain ki kundli men kendra aur trikon bhav unnayan ke sthan hain, magar bhav 3, 6, 8 aur 12 avanayan ke, jiske karan kendra aur trikon ke svami ki balvan avastha abhisht hai, kintu dusht bhav ke svami ki nirbal avastha abhisht hai. is tathya ke adhar par ham kah sakte hain ki badhak sthan ke svami ki apne bhav se kendra ya trikon sthan men sthiti bal vriddhi karak hone ke karan badhak dosh yukt hogi, kintu apne bhav se 3, 6, 8 aur 12 ven sthan men sthiti balhin hone ke karan badhak dosh se mukt hogi. dhiru bhai ki kundli 2 men badhak grah budh dvadash bhavagat hai, jo saptam se shashth sthan par hone ke karan badhak dosh se mukt hai aur yash, dhan evan vyapar vriddhi ke lie labhkari hai.
kintu, kundli 1 men yahi budh shubh grah brihaspati se yukt aur svagrihi hone par bhi vyaparik karyon ke lie prabal badhak hai. budh ke atirikt saptam bhavagat brihaspati aur ketu bhi badhak hain. in grahon ki antardasha men jatak ko yash, dhan, vidya-buddhi aur vaivahik sukh hetu koi shubhafal nahin mila. aisi avastha men jatak ke lie naukri upyukt hai, vyapar karna nahin. surya-brihaspati ki dasha men jatak ki patni sir dard, badan dard, joron ke dard aur chakkaron ke ane se bahut bimar ho gayi thi, jinse vah ab tak pareshan hai. badhak grah ki ek aur paribhasha hai ki jis bhav men khar aur mandi upasthit hon, us bhav ka svami bhi badhak dosh yukt hota hai. 22 ven dreshkan ko khar kahte hain. sva. vi. es. shastri aur dae. es. jagannath rav jaise vidvan yah mante hain ki badhak sthan ka svami khar ya mandi se yukt hone par hi badhak dosh se yukt hota hai.
iske atirikt sva. ar. lakshman ke anusar jin sthir lagn rashiyon ki kundliyon men dirghayu ka abhav hai, unmen badhak navmesh marak sthan (3, 6, 7, 8 ya 12 ven sthan) men sthit hokar marak ho jata hai. is prakar ek yogkarak grah yogmarak ho jata hai. is avastha men yah prashn hai ki kya vrish lagn valon ke lie navmesh shani navam se tritiya sthan par min rashi men, navam se saptam sthan par kark rashi men, navam se ashtam sthan par sinh rashi men aur navam se dvadash sthan par dhanu rashi men marak hoga? kya sinh lagn valon ke lie navmesh mangal navam se ashtam sthan par svarashi vrishchik men marak hoga? kya kunbh lagn valon ke lie navmesh shukra navam se ashtam sthan par svarashi vrish men marak hoga? vidvanon ka ek vichar yah bhi hai ki badhak grah ka dosh tab prakat hota hai, jab vah shashthesh se yukt ho.
aisi avastha men jatak shatruon ke dvara arthik, daihik, samajik aur rajnaitik rup se kasht bhogta hai. anek panch sitara hotlon ke malik mohnsinh obray ki vrish lagn ki kundli 3 men navmesh shani navam se dvadash sthan par dhanu rashisth hai. unki ayu 90 varsh se adhik thi aur unhonne apne jivan men bahut yash, dhan evan sanpÿia ekatra ki. unke jivan men anek bar shani ki antardasha ane par bhi unhen koi hani nahin hui. atah uparyukt tathya shodh ka vishay hai. prashnamarg men badhak sthan ki paribhasha arudh lagn ki sthiti ke adhar par di gai hai. shlok 111 ke anusar arudh lagn char, sthir aur dvi svabhav ki rashi men sthit hone par us arudh se kramshah 11, 9 aur 7van sthan badhak hota hai.
badhak sthan se kendra sthan bhi badhak dosh yukt hote hain. shlok 112 ke anusar sabhi char rashiyon ke lie kunbh rashi badhak hoti hai, sinh, kanya, vrishchik aur dhanu rashiyon ke lie vrishchik badhak hoti hai, vrish rashi ke lie makar, kunbh ke lie kark aur mithun tatha min ke lie dhanu rashi badhak hoti hai. badhakasthanadhipti aur usse yukt grah apni dasha men rog, shok aur dukhdayak hote hain. inki dasha men videsh jana parta hai. arudh rashau char ayrashau, sthire tu badha navme vichintaya. tathobhye kamgrihe, trayanan kendreshu chaishamiti kechidahuah..
charasthirobhye lagne labhadharmaah tapai kramat. trayanan kendrasansthaishch grahairbadhkmuchyate.. uparyukt kathan se yah spasht hai ki sabhi char rashiyon ke lie sthir rashi adhishthit sthan badhak hain. sabhi sthir rashiyon ke lie char rashi adhishthit sthan badhak hain. sabhi ubhay rashiyon ke lie ubhay rashi adhishthit sthan badhak hain. kanudli 4 kark lagn ki hai, jiska char svabhav hone ke karan ekadash sthan aur iska svami shukra badhak dosh se yukt hain. ekadash bhavagat ketu bhi badhak hai. shukra chaturth aur ekadash ka svami hone ke karan ek yogaprad aur shubhafalaprad grah hai.
is kundli men shukra svagrihi hone ke karan malavya yog ka nirman kar raha hai, jiske shubh falon ki jyotish ke sabhi granthon men bahut mahima hai. kintu vyavharik rup men yah keval shubhafalaprad hi nahin hai, balki dukhaprad bhi hai. is vyakti ke jivan men shukra ki mahadsha mai 1991 se mai 2011 tak hai. shukra-rahu ki dasha (julai 1998 se shuru) men is vyakti ki arthik sthiti nirbal hone lagi. ay ke sadhan simit hone lage. march 2000 men badhak ketu ka pratyantar shuru hua jo aisa dukhaprad raha ki is samay men iska putra ek durghatana men buri tarah ghayal ho gaya jiske bachne ki ummid dhumil ho gai thi.
iske ilaj men lakhon rupya kharch ho gaya. shukra ki dasha ke antargat guru, shani aur budh ki antardashaen bhi vishesh sukhdayi nahin rahi, jinmen pag-pag par badhaen ati rahi hain. is prakar shubh aur yogaprad pratit hone vale grah bhi badhak dosh utpann karte hain.