abhi kuch samay pahle pandit ji ko munbai ke ek pratishthit gujrati vyavsayi ke navvivahit larke ke ghar jane ka avasar mila, vahan unke anurodh par unke naye ghar ke vastu-vishleshan ko fyuchar samachar ke prabuddh pathkon ke labharth prastut kiya ja raha hai.
- khuli jagah purva aur pashchim ki dishaon men achchi hai. parivara/vyavsay ki vriddhi v ghar men samanjasya rahta hai.
- ghar ka mukhya dvar uttar men hone ke karan apke pure ghar ki shanti tatha vikas ke lie labhdayak hai. parantu khuli jagah ka dakshin men tatha uttar ka band hona (samne dusra flait hone ke karn) uchit nahin hai. iski vajah se kam-dhandhon ka vikas n hona, bimariyon ka barhna tatha anavashyak kharche hone lagte hain.
- ghar men uttara-purva ka katna (shaft ke karn) bahut kharab hai kyonki yah sarvottam achchi v shuddh urja ko samapt karta hai evan is chahunmukhi vikas ke shubh kshetra ke labh ko bhi kam karta hai, jahan se hamen shanti, vidya, buddhimatta tatha bhagvan ka ashirvad milta hai. parivar men bachchon se sanbandhit samasya bani rah sakti hai.
- barha hua agney chori aur ag ki ghatnaon ko barhava deta hai.
- uttara-purva men rasoighar hone ke karan stri ki sehat tatha parivar ki vriddhi men kathinai a sakti hai. yah dosh bhari vyay tatha mansik ashanti ka karan dekha gaya hai.
- rasoighar men gais tatha nisank ek hi lain men hone ki vajah se parivar men manmutav ka karan ban sakta hai. gais tatha sink ke bich kam se kam 2 fut uncha divaidar banane se iska prabhav kafi kam ho sakta hai.
- rasoighar men sink shanti tatha vittiya samriddhi ke liye bahut uchit hai lekin gais ka uttar men hona apsi matbhed tatha avanchit kharchon ko barhata hai. frij ka sthan chal sakta hai.
- dakshin-purva ke kamre ke shauchalay ki sit ka mukh purva ki taraf hai jo ki bhagvan ke ashirvad ko kam karta hai. ise badla ja sakta hai. lekin is kamre ke karan dakshin-purva (agney) ka kon band ho gaya tha jisse chori, ag durghatana ka dar bana rahta hai.
- vivahit jore ke lie mukhya shayan kaksh dakshin-purva jo ki ag ka kshetra hota hai thik nahin hai kyonki yah apsi kalah ko barhava deta hai. halanki yah avivahit bachchon visheshakar larkon ke lie thik hota hai. ve yahan urja se bharpur rahte hain. abhi bachchon/mehman/ parhai ke liye prayog men la sakte hain.
- dusra kamra dakshin-pashchim men hai tatha uska shauchalay dakshin men hai jo ki bahut achcha hai tatha mastar bedrum ke liye uttam hai.
- living rum tatha ismen rakhe farnichar, saman adi ki vyavastha achchi hai. ghar ke vastu paramarsh dvara jivan v parivar ki samasyaon ka bina kisi purva jankari ke, itna satik vivaran sunakar unko bhi is bhartiya prachin vidya men vishvas jagrit hua. pichle kuch varshon se, jabse ve log yahan aye hain, ghar men tanav, chori, bimari, garbhahani, abaershan ke karan udasi rahti hai. ishan ke katne ko kuch had tak shisha lagakar kam kar sakte hain, parantu chunki abhi jivan ki shuruat hi hai, isliye yah sujhaya gaya ki uprokt sab parivartan praranbhik upchar samjhen. anttogatva dusra ghar jismen aise bhari dosh n hon, vahi lena uchit rahega.
prashna: adrniya pan. ji, kripya hamare ghar ka naksha dekhakar batane ka kasht karen ki hamari samasyaon ka kya karan hai? jab se ham is nae ghar men ae hain tabhi se sukh-shanti v dhan ka abhav ho gaya hai. uttara: apke ghar ke uttara-purva men rasoi, uttar men gais tatha dakshin-pashchim men shauchalay hona hi apki samasyaon ka pramukh karan hai. uttara-purva men rasoi tatha uttar men gais hone se bhari kharch, vaicharik matbhed tatha mansik tanav bana rahta hai. dakshin-pashchim men shauchalay bhi svasthya evan arthik pareshaniyon ka karan hota hai. rasoi ghar ko purva men bane daining ke sthan men sthanantrit karen evan gais ko dakshin-purva ki or rakhane. dakshin-pashchim men bane shauchalay ko dresing rum se intarachenj karen.
uttara-purva men ane-jane ke lie chota get banavaen tatha mukhyatah use hi istemal karen. uttara-pashchim ke get ko keval gariyon ke ane ke lie hi istemal karen. sabhi sujhavon ko karyanvit karne ke pashchat apko avashya labh milega.