baba ram dev ne yog ki shiksha dene ke sath-sath, videshon men jama kale dhan ko vapas bharat men lane tatha us dhan ko rashtriya sanpatti ghoshit karne ke lie jo satyagrah pure desh men chera hai, vah mudda ane vale samay men kab tak falibhut ho paega, yah janne se pahle ham ek najar dalte hain baba ramdev ki jivan yatra ke vibhinn paravon par, grahon ke aine men ek najar... 14 jun 2011 ko dilli ke ramlila maidan men lage pandal men baba ramdev ke samne vishal sankhya men upasthit yogabhyasiyon ke sath jo bhi hua, usse kendriya sarkar ki niyat v jabavdehi par prashn chihn lag gaye. ab bhrashtachar ko lekar shuru hua andolan rajnitik larai men tabdil ho chuka hai. isse vipaksh ko jahan mil gaya hai ek mauka, vahin kangres aur sarkar par gayi hai ek pashopesh men. is karyavahi ne baba ramdev aur anna hajare ko ek sath lane ke sath-sath bhajpa ki ummidon ko bhi jaga diya hai.
yah sthiti kis grah-sthiti v grah yogon ke karan bani, dekhte hain baba ki kundli se. svami ramdev ka janm 25 disanbar 1965 ko tadnusar vikram samvant 2022 shak samvant 1887 paush 10 gate shanivar (samay 20 bajakar 24 mint) shravan nakshatra men dhanu navmansh, kark lagn, makar rashi men hariyana ke mahendragarh jile ke alipur ganv men madhyam vargiya parivar men kisan pita shriramnivas yadav tatha mata gulab kaur ke yahan hua. ghar men bare bhai devdÿa yadav tatha ram bharat yadav ke alava ek bahin thi ritanbhra. svami ramdev ka bachapan ka nam tha ramkishan yadav. unke janmang men lagnesh chandrama saptam men, dashmesh v panchmesh mangal tatha chaturthesh v labhesh shukra ke sath makar rashi men sthit hai is prakar saptam men shukra-chandrama-mangal ki yuti ke karan ruchak namak panch mahapurush yog v mahalakshmi yog ka nirman ho raha hai, jisse inhonne alipur (hariyana) se chalakar gangotri uÿarakhand men yog v ayurved ki shiksha li, fir bane vishva prasiddh yog guru evan kai ayurvedik dava kanpniyon ke malik.
1115 karor rupye ke yog bajar ke sath 1000 ekar men faila hai baba ramdev ka pantjli yog pith trast evan divya yog mandir. saÿaa ke galiyaron men pahunch ke sath unmen saÿaa-sukh ki chahat v hathadharmita ke sath unke pas karodon ki sanpÿia aur jamin ki mialkiyat hai. lagn par mangal, ketu ki drishti evan chaturthesh v labhesh shukra aur us par bhagyesh, brihaspati ki purn drishti ke karan inhen bachapan men poliyo (lakva) ho gaya tha. ghar valon ki upeksha ke karan inhonne matra 12 varsh ki umra men ghar chor diya tha aur gangotri men sanyas le liya tha. dhanesh evan kutunbesh surya chathe ghar men achcha nahin hai. yahi karan hai unhonne ghar chora aur sanyas liya. parakramesh v vyayesh budh, pancham men ketu ke sath sthit hone se ve ek kushal prabandhak, prabal ichcha shakti ke malik hone ke sath-sath sabhi prakar ki kutniti se paripurn hain, ve vakpatu v kushagra buddhi bhi hain, bachapan men unhonne arthik tangi dekhi, gangotri men svasthya labh kiya tatha yog aur ayurved ka adhyayan kiya. aj unke pas sabhi bhautik sukh-suvidhaen hain. unka vivadon se lanba sanbandh hai.
chathe ghar men evan bhagyesh mitra brihaspati ki rashi dhanu men sthit surya ke karan unhen rajniti se lagav hai, surya ki tejasvita se unke shatru svayan apne hi jal men fans jate hain. shani, mangal ki sthiti ke karan ve yog-guru, ayurvedik davaon ke jankar evan nirmata bane. ashtam men apni mul trikon rashi men sthit shani ke karan yog jaisi prachya vidya men vishvastariya unchai aur khyati prapt karne ke bad bhi ve hamesha vivadit rahte hain. sadhu-samaj, daektar, patrakar, buddhijivi unse prayah asahamat rahte huye bhi unke aspas jutte hain. un par samy-samay par vivad hue, age bhi honge. unke khilaf videshon men bhi vivad honge. unke shatru akraman bhi kar sakte hain. savdhan rahen! bhagyesh brihaspati vyay bhav men sthit hone se videsh gaman, bhagyavriddhi videshon men sanpÿia, sath hi nyayalyon men vad-sthapna yog bhi ban raha hai. videshon men unke khilaf koi sajish bhi ho sakti hai. uchch rashi ka mangal unhen saÿaa, pradesh-sarkaron ke sahyog sahit abhijatya varg se jorega. unhen rajnitik vyaktiyon se labh-hani donane hongi.
san 2016 tak unka rajyog prabhav dikhta rahega. vishoÿari dasha kram men 19 jun 1982 se 19 jun 2002 tak ka samay bahut achcha tha. us samay din-dugni, rat chaiguni tarakki ki. jab 19 jun 2000 se 2002 tak brihaspati ki dasha arthat bhagyesh brihaspati ka antar chala us samay brihaspati ki mahadsha men shani-antar ke karan ramdev ji ne pahli bar sanskar ti.vi. chainal par aur fir pratah astha ti.vi. par halachal macha di tatha ve antrashtriya yog guru ban gaye. is bich kai vivad bhi hue parantu ve un sabse bachakar niklte gaye. 01 janvri 2011 se 19 aktubar 2011 tak samay achcha nahin hai. astu, kai vivad janm lenge, akraman bhi ho sakta hai. 19 aktubar 2011 se 19 farvri 2013 tak ki avdhi men ve fir se bahut shaktishali ho jayenge. ve kai prantiya sarkaron evan kendriya sarkar ki dasha-disha badlne ki samathrya rakhte hain. ukt avdhi men unki lokapriyata fir se barhegi. ve vivadon men to rahenge hi lekin abhi 2016 tak rajyog ki sthiti ke karan ve shaktishali bane rahenge. tathapi grah sthiti ki mandta hone se desh-videsh men unke shatru unhen pareshan karenge. 2016 ke bad samay achcha nahin hai. bahut savdhani evan satarkata ki avashyakta hai