jivan ke pratyek kshetra men samanyatah hone vali ghatnaon ka purvabhas keval jyotish ke madhyam se hi sambhav hai. jyotish hamara margadarshak shastra hai, niyamak nahin. vastu sthiti yah hai ki shastra v anubhav ye do ankhen hain, inhin ankhon ke dvara daivagya fal kathan karta hai. atah use bhi pariksha ke lie purn samay milna chahie. tab vah nishchintata se jyotish-chakshu dvara bhavi fal padhakar apko apne anubhav se kushal marganirdesh pradan karega. dhirtapurvak anek sadhk-badhak pramanon ka uhapoh ke sath vivechan karne ke pashchat hi kisi ek bat ko antim rup diya ja sakta hai. visheshtah ayu nirnay jaise gudh evan gambhir vishay men to yah adhik avashyak hai. jyotish koi chamatkar nahin hai, balki purn vigyan hai. jis prakar vigyan ke kshetra men nitya nutan anusandhan ho rahe hain tatha kuch purani manyataen dhvast hoti ja rahi hain, usi prakar jyotish shastra ki iyatta ko aj ke pariprekshya men parkhna avashyak hai.
acharyon ne ayu yogon men mukhyatah tin khand mane hain: alp, madhya v dirgh. yah khand ek adharbhut anuman hota hai tatha iske adhar par ek nishchit parinam par pahanucha ja sakta hai. vyavhar men yah avashyak nahin hai ki jo sukshm avdhi apki ayu ki ai hai
vah yathavat hi jivan men falit ho tathapi ayu varshon ka nirdharan kisi sima tak safltapurvak kiya ja sakta hai. barah varsh tak ki avastha ke balkon ke vishay men ayu prabhriti vishyon ka nirdharan karna sambhav nahin hai, kyonki is avastha men balak ka sharir komal v turant rog pakdne vala hota hai, atah is avastha men mata-pita ko prayatnon se sambhavit bimariyon ka bachav karna chahie. venktesh ke anusar ‘advadshabjjantunamayujrnyatun n shakyate. japhomchikitsadhairbal rakshan tu karyet’.. sarvarth chintamni, 10.4) barah varsh ki avastha tak anek upayon (chikitsa, jap, hom aushdhi adi) se balyavastha men balak ki raksha karen. prachin samay men chikitsa ke abhav ke karan balyavastha men mrityudar adhik thi atah arisht yogon men mrityu hona prayah siddh tha vahin aj ke yug men yada-kada sambhavya hai.
aj ke yug men balarisht yogon ka fal jivan men khara nahin utrta jabki prachin granthon men in yogon ka vistar se varnan kiya gaya hai. ayu nirdharan par banae gaye shastra, granth v atyadhik niyam 500 varsh i.pu. se 100 i. tak ke hain jinmen acharya badrayan, garg, yavan, parashar, varahmihir, shripti, satya, manitya tatha shridhar adi the. ye acharya jo jatak shastra ke tattvagya the, inhonne ayu ko tin khandon men vibhajit kiya. iske atirikt balarisht barah varsh tak ki li gai. varahmihir ne ayu ke do bhag svikar kie; yogayu tatha dashayu. yogon ke dvara jani gai ayu yogayu kahlai tatha marak dasha, antardasha ka nirnay karke jani gai ayu dashayu kahlai. kuch granthakar ganitagat ayu, yogayu v akal mrityu se nirnit ayu ke prakar trividh ayu mante hain.
ganitagat ayu niyatayu hai. mrityu karan se ane vali ayu ki avdhi ko aniyat ayu kaha gaya ai. yogon dvara nishchintata se ayu ka tatha arisht yogon ka vichar karke hi bad men avashyak hone par ganit dvara ayu ka nirnay karna chahie, aisa bahudha granthakar mante hain. prastut shodh grah-ganit (dasha-antardasha-gochar adi) dvara ayu ka nirdharan karne men sahyogi hai. yah shodh 479 jatkon ki shuddh janm kundaliyon par parkha gaya hai. atah niyat ayu ka nirdharan karne men param sahyogi hai. isse pahle ki ham shodh ki bat karen hamen yogayu ke bare men bhi jan lena chahie. prashn marg ke anusar yogon ka vibhajan 6 prakar se kiya gaya hai, jo is prakar hain:
1. sadyo'arisht (turant fal dene vale) yog
2. arisht yog
3. yogarishta
4. madhyayu yog
5. dirghayu yog
6. amitayu yog. ath varsh paryant ‘balarishta’, nau se bis varsh tak ‘yogarishta’, battis varsh tak ‘alpayu’, sattar varsh tak ‘madhyayu’, sau varsh tak dirghayu tatha sau varsh se upar yogabhyas, sadachar, uttam aushdhi tatha uttam rogopchar se ‘uttamayu hoti hai
aisa svikar kiya gaya hai. shastracharyon ne arisht tin prakar ke batae hain: gandarisht, graharisht tatha patkivedharisht gandarisht men nakshatra gand (revti, ashvini, jyeshtha, mul, ashlesha, magha) min, kark tatha vrishchik lagn ki antim adhi ghati tatha mesh, sinh v dhanu lagn ki prarambhik adhi ghati lagn gand hai.
balarisht ke kuch yog is prakar hain: ayuhin yog:
1. janm kundali men purvarddh men pap grahon tatha pararddh men shubh tatha lagn men vrishchik v kark rashi ho to balak ki shighra mrityu hoti hai.
2. lagn men chandrama, barhven ya athven sthan men brihaspati tatha athven sthan men mangal ho.
3. shashth ya ashtam sthan men mangal ki rashi men brihaspati ho to inhin sthanon men chandrama ho.
4. chathe ya athven sthan men chandrama ho aur vyay sthan men mangal se yukt surya ho.
5. lagn ya ashtam men surya, shani tatha mangal ho aur ve shubh grahon se drisht n hon tatha pap grahon se drisht hon.
6. sayankal men janm ho, janm lagn men chandrama ki hora ho, rashi ke tisre ansh men pap grah hane to balak ki mrityu ho jati hai.
7. chaturth sthan men surya, chandrama ki drishti ho tatha anya kisi shubh grah ki vahan surya par drishti n ho to balak ki shighra mrityu hoti hai.
ath mas paryant ayu yog (balarisht yog):
1. lagnesh ashtam sthan men ho tatha janm rashish (chandra rashish) bhi vahin ho tatha vah pap grahon se drisht ho.
2. lagnesh ashtam sthanagat hokar sare bali pap grahon se dekha jata ho to char mas men balak ka maran hota hai.
3. lagnesh lagn men hi ho tatha sare pap grah adrishya chakrarddh men hon to bhi balak ki chaithe mas men mrityu ho jati hai.
4. vyay sthan men brihaspati, lagn men shani aur shukra yadi surya se yut hon to balak panch mas tak jivit rahta hai.
5. ashtam sthan men chandrama v shani hon aur lagn men shukra ho to chathe mas men balak ki mrityu ho jati hai.
ek varsh paryant ayu: chandrama se kendra men pap grah hon aur shubh grah n hon to ek varsh ke bhitar mrityu hoti hai. yatha- kendraishchandratpapyuktair saumyaiah. svarganyati prochyate vatsaren..
do varsh paryant mrityu: vakri shanirbhaum grihe kendre shashthe ashtame'pi va. kujen balin drishte hanti varshadvaye shishum..
tin varsh paryant ayu yog: tisre, chathe ya naven sthan men pap grah se yukt lagnesh ho aur kendra athva vyay sthan men brihaspati ho.
char varsh ki ayu ke yog: chathe ya athven sthan men kark rashi men budh ho tatha us par chandrama ki drishti ho to balak samast prayatnon ke bavjud bhi char varshaen men mrityu ko prapt ho jata hai. is yog ko kalyan varma ne bhi kaha hai-
karkatadhamni saumyah shashthashtam sansthito vilagnakshat.i chandren drishtamurtivarshachatushken maryti.. (saravli 10/10) chah varsh ki ayu ke yog:
1.kark ya sinh rashi men shukra ho tatha use sare shubh grah dekhte hon.
2.chandrama ke navansh men shani ho tatha us par chandrama ki drishti ho aur lagnesh bhi chandrama se drisht ho.
sat varsh paryant ayu yog: satven sthan men kshin chandrama ho, lagn men shani ho tatha shukra, mangal bhi inke sath hon, brihaspati ki drishti n ho.
ath varsh paryant ayu yog: satven sthan men surya, lagn men mangal ya chandrama ho. athven sthan men pap grah tatha chandrama nirbal ho.
yogarisht vichar nau varsh ki ayu ke yog:
1. lagnesh se athven sthan men nirbal chandrama samast pap grahon se drisht ho.
2. yadi lagnesh surya (sinh lagna) shani se yukt ho tatha us par chandrama ki drishti ho to naven varsh men balak ka maran ho jata hai.
das varsh ki ayu ke yog:
1. shani, makar ke navansh men sthit ho, tatha budh se drisht ho.
2. chaturth sthan men rahu tatha kendra, shashth v ashtam sthanon men chandrama ho to dasven varsh men mrityu ho jati hai.
gyarah varsh ki ayu ke yog:
1. budh yadi surya v chandrama se yukt ho tatha us par shubh grahon ki drishti n ho.
2. budh yadi surya se yut ho tatha us par shubh grahon ki drishti ho.
barah varsh ki ayu ke yog:
1. sinh rashi men chandrama ho aur athven sthan men surya v shani ho tatha un par shukra ki drishti ho.
2. vrishchik ke navansh men shani ho tatha us par surya ki drishti ho to barhven varsh men balak ki mrityu ho jati hai. terah varsh se battis varsh ki ayu tak alpayu yog hota hai.
terah varsh ki ayu ke yog: yadi janm samay men vyay sthan men vakri shani ho tatha vah rahu se yukt ho, athva tula rashi ke navansh men shani ho tatha us par guru ki drishti ho to in yogon men terhven varsh men balak ka maran hota hai.
chaidah varsh ki ayu ke yog: athven sthan men shani, surya, mangal, rahu v budh hon. kanya ke navansh men shani ho tatha us par budh ki drishti ho. barhven sthan men shani ya mangal se yukt rahu ho.
pandrah varsh ki ayu ke yog: chathe sthan men surya, chaturth sthan men chandrama ho tatha kendra sthanon men grah n ho.
solah varsh ki ayu ke yog: shani kark rashi ke navansh men ho tatha us par ketu ki drishti ho to solhven varsh men sanp ke katne se mrityu hoti hai.
satrah varsh ki ayu ke yog: sinh, tula v vrishchik lagn men janm ho tatha rahu lagn men hi sthit ho aur us par anya pap grahon ki drishti ho, guru v shukra ki drishti n ho.
atharah varsh ki ayu ke yog: ashtamesh apni nich rashi men kisi kendra sthan men sthit ho tatha ashtam sthan men ast budh vidyaman ho.
unnis varsh ki ayu ke yog: mangal apni nich rashi kark men ho, surya makar men ho tatha vah shani shukra se yukt ho aur budh ast ho.
bis varsh ki ayu ke yog: surya chandrama athven sthan men hon, chaturth ya navam sthan men rahu ho, satven sthan men mangal v dusre sthan men brihaspati ho.
alpayu yog ikkis varsh ki ayu ke yog: vrish, kanya ya kumbh men surya ho, mesh men shani ho, vrishabh men budh ho aur athven sthan men pap grah hon.
bais varsh ki ayu ke yog: lagn men brihaspati ke sath koi pap grah ho tatha us par chandrama ki drishti ho aur athven sthan men koi grah ho.
chaibis varsh ki ayu ke yeag: nirbal lagnesh v nirbal chandrama yadi apoklim sthanon men ho tatha un par pap grahon ki drishti ho.
pachchis varsh ki ayu ke yog: vyayesh v ashtamesh nirbal ho aur dvisvabhav rashi men lagn men shani ho.
chabbis varsh ki ayu ke yog: lagn, saptam ya trik sthanon men chandrama ho tatha vah pap grahane se yukt ya drisht ho.
sattais varsh ki ayu ke yog: yadi guru apni rashi v dreshkaen men ho, ashtam men papyukt lagnesh ho, tatha ashtamesh bhi vahin par ho.
atthais varsh ki ayu ke yog: yadi lagnesh ashtam sthan men ho tatha ashtamesh pap grah ho aur us par guru v kisi anya pap grah ki drishti ho.
untis varsh ki ayu ke yog: chandrama shani ka paraspar sambandh ho aur surya lagn se athven sthan men ho to untisven varsh men mrityu ho jati hai.
tis varsh ki ayu ke yog: balrhit, kshin chandrama yadi pap grahon se yukt hokar barhven sthan men ho aur lagnesh par pap grah ki drishti ho.
battis varsh ki ayu ke yog: lagn men yadi rahu ho aur lagn ko chodakar shesh kendra sthanon men chandrama ho. ma
dhyayu yog chaintis varsh ki ayu ke yog: vrish rashi ya ashtam sthan men mangal ho, pashth men budh ho, sahaj sthan men guru aur satven sthan men shukra ho.
chattis varsh ki ayu ke yog: ek nakshatra v ek hi rashi men char ya panch grah astagat aur nich rashigat hon.
chalis varsh ki ayu ke yog: ati balvan budh yadi kendra men sthit ho aur shubh grahon se drisht, athven sthan men koi bhi grah n ho.
bayalis varsh ki ayu ke yog: kshin chandrama yadi lagn men ho aur kendra aur ashtam sthan men pap grah hon.
saintalis varsh ki ayu ke yog: sare kendra sthanon men yadi sabhi pap grah hon tatha chandrama bhi pap grahon se yukt ho to manushya saintalis varsh ki ayu men mrityu ko prapt hota hai.
unchas varsh ki ayu ke yog: tisre ya panchven sthan men vrish rashi ka shani ya mangal ho, chaturth sthan men shukra v brihaspati ho aur dasven ya gyarhven sthan men chandrama ho to manushya unchasven varsh men panchatatva ko prapt hota hai.
bavan varsh ki ayu ke yog: lagn ya dasham sthan men rahu se yukt surya ho, shani barhven sthan men ho aur mangal chathe sthan men ho.
pachapan varsh ki ayu ke yog: kark lagn men janm ho aur pap grah se yukt surya lagn men ho, dasven sthan men chandrama ho aur kendra sthanon men guru ho.
sath varsh ki ayu ke yog: chandrama apni uchcharashi ya svarashi men sthit ho, ya kendra men shubh grah hon aur lagn men balvan lagnesh ho. chaisath varsh ki ayu ke yog: kendra men brihaspati, lagn sthan men shukra aur navam sthan men shani ho.
chiyasath varsh ki ayu ke yog: shani min rashi men ho, chandrama vyay sthan men ho, brihaspati lagn men ho aur budh surya se yukt ho.
adasath varsh ki ayu ke yog: sabhi grah trik sthanon men sthit hon. yadi svarashigat mangal dasham sthan par drishti rakhta ho aur budh shukra ka yog ho.
sattar varsh ki ayu ke yog: ashtam sthan men koi grah sthit n ho, lagn men brihaspati ho, kendra men shubhagrah ho, ashtam, lagn v chandrama par papagrahon ki drishti n ho.
dirghayu yog ikahattar varsh ki ayu ka yog: yadi mangal janm lagn men satven sthan men sthit ho aur lagn par pap grahon ki drishti ho to ikahattaraven varsh men prani pranon se vimukt ho jata hai.
bahattar varsh ki ayu ka yog: janm samay men lagn men yadi shani ka navansh ho aur ketu lagn men sthit ho to manushya bahattaraven varsh men mrityu ki prapt hoti hai.
tihattar varsh ki ayu ka yog: lagnesh par yadi pap grahon ki drishti ho, shubh grah balvan hon aur chandrama shubh varg men sthit ho. pachahattar varsh ki ayu ka yog: lagn men paripurn mandal vala chandrama ho tatha us par shubh grahon ki drishti ho to pachahattar varsh tak vyakti jivit rahta hai.
unasi varsh ki ayu ka yog: kendra sthanon men svochch rashigat char grah hon to buddhiman logon ko praniyon ki mrityu unasiven varsh men kahni chahie.
assi varsh ki ayu ka yog: chandrama aur brihaspati yadi mitra grahon ki rashi men hon, lagnesh balvan hokar yadi ekadash sthan men ho aur budh dasham sthan men ho.
pachasi varsh ki ayu ke yog: kendra men guru ke navansh men surya, shani v mangal hon, lagn men brihaspati ho aur anya grah ashtam ke atirikt sthanon men hon to manushyon ki ayu pachasi varsh hoti hai.
nabbe varsh paryant ayu yog: yadi sabhi grah mithun ke dvadshansh men hon, sabhi shubh grah kendra sthanon men hon, pap grah ashtametar sthanon men hon aur chandrama shashth sthan men ho.
sau varsh ki ayu ke yog: shukra aur brihaspati yadi kendra sthanon men sthit hon to sau varsh ki ayu hoti hai. shodh prastut shodh grah-ganit (dasha, antardasha, gochr) par adharit hai jo niyatayu ka nirdharan karne men sahyogi hai.
mahadsha: sabse adhik mrityu budh ki mahadsha men hoti hai jo purushon men 16 pratishat prati varsh hoti hai tatha mahilaon men sarvadhik mrityu surya ki mahadsha men 18 pratishat prati varsh hoti hai tatha ketu ki mahadsha men sabse kam prati varsh mrityu dar hai. purushon men sabse kam chandrama ki mahadsha men 6.7 pratishat hoti hai.
budh ki mahadsha men kramshah antardasha ketu, shukra, surya aur shani sarvadhik hote hain. chandrama ki mahadsha men chandrama ki antardasha men prativarsh mrityu dar shunya hai.
antardasha: shodh men yah spashtatah paya gaya ki chandrama ki mahadsha men chandrama ki antardasha men mrityu dar shunya ke barabar hoti hai. sarnibaddh grahon ki mahadsha-antardasha men shodh ke nishkarsh ka vivaran prastut hai: sabse adhik mrityu dar mahadsha antardasha mrityu dar surya guru/shni adhik chandrama mangl/rahu adhik mangal guru/shni adhik budh ketu adhik guru surya adhik shukra chandrama adhik shani ketu/mangl/guru adhik rahu shukra/budh adhik ketu surya/rahu/ketu adhik sabse kam mrityu dar mahadsha antardasha mrityu dar surya surya/mangal shunya mangal ketu shunya chandrama ketu shunya ketu mangal shunya shodh men yah bhi pata lagane ki koshish ki gai ki kin bhavon se sambandh rakhne vale grahon ki mahadsha, antardasha evan pratyantardasha men mrityu dar sarvadhik athva nyunatam hai. ismen un bhavon men avasthit grahon ki mahadsha, antardasha evan pratyantardasha tatha un bhavadhiptiyon ke mahadsha, antardasha evan pratyantardasha ki bat ki gai hai. nimnankit sarni is tathya ko pradarshit karne men saksham hain:
bhavasvami ki mahadsha mrityu dar pratham evan chaturth sarvadhik dvitiya nyunatam bhavasvami ki antardasha mrityu dar chaturth sarvadhik ashtam nyunatam bhav men sthit grah/bhavasvami mrityu dar ki pratyantardasha dvitiya evan dasham sarvadhik chaturth kam mahadsha svami ki bhav men sthiti mrityu dar dvitiya adhik ashtam kam antardasha svami ki bhav men sthiti mrityu dar chaturth evan navam sarvadhik shashtam kam pratyantardasha svami ki bhav men sthiti mrityu dar dvitiya adhik chaturth evan shashth kam shodh ke dauran yah bhi gyat karne ki koshish ki gai ki lagn se gocharasth vibhinn grahon ke kis bhav men rahne ke dauran mrityu dar sarvadhik athva nyunatam hoti hai.
is ashay se sambandhit sarni niche prastut ki gai hai: lagn se bhav mrityu dar gochar surya pancham evan navam adhik surya tritiya evan ashtam kam chandrama pancham evan ekadash adhik chandrama chaturth kam mangal pancham adhik mangal saptam kam budh shashtham evan navam adhik budh dvitiya evan ashtam kam guru tritiya evan pancham adhik guru dvitiya kam shukra dasham adhik shukra tritiya kam shani ekadash adhik shani chaturth evan saptam kam rahu chaturth evan ashtam adhik rahu ekadash kam janmakalin grah se gocharasth grah ki sthiti ke adhar par bhi shodh men mrityu dar nirdharit karne ki koshish ki gayi. iske parinam nimnankit rup men samne ae jo sarni men spasht kiye gaye hain:
gocharasth janmakalin grah mrityu dar grah surya surya se tritiya adhik surya guru se pancham adhik chandrama surya se ekadash adhik mangal mangal ke sath lagn men adhik mangal shani se dvadash adhik budh ketu/surya/guru se pancham adhik guru surya/chandrama/budh se pancham adhik guru guru/rahu/ketu se chathe adhik shukra rahu se barhven adhik shukra surya se chaithe adhik shani shani se dusre adhik shani guru se saptam adhik shani rahu ke sath adhik rahu mangl/guru se ashtam adhik rahu ketu se dvitiya adhik lagnesh par surya ka gochar ya dvadash bhav men avasthit rahu par surya ka gochar hone se bhi mrityu dar adhik payi gai. shani ka gochar dvadshesh se dvadash bhav men hone par mrityu dar sarvadhik payi gai.