avsad rog (dipreshn)-ek shodh  

avsad ka jivan par prabhav

• avsad ka pratyaksh prabhav rogi ke vaivahik sukh par parta hai. nakaratmak vichardhara ke chalte use jine ki chah nahin rahti hai. atmavishvas ki kami ke karan use kie gae karyon men asflta ka bhay rahta hai.
• vyakti ki bhukh kam ho jati hai. vyakti ko mitha khana achcha lagta hai. iska sidha asar dimag par parta hai. udasi aur bhavnaon men asantulan ki sthiti men rahta hai. aise log jald rone lagte hanai, vyarth ki baton par krodh karna, tej gussa aur bat-bat par rone lagte hain.
• yah rog 44 sal ki ayu men charam sima par hota hai. iska karan yah ho sakta hai ki adher ayu men jab vyakti ki uchch mahatvakankshaen samapt hoti hain to vah ise svikar nahin kar pata hai. is ayu men sapne tutne ka dard jhelna kathin hota hai.

svasthya riport prapt karne ke lie klik karen : svasthya riport

avsad ka vibhinn vargon par prabhav

mahilaon men avsad

purushon ki apeksha yah rog mahilaon ko jald hota hai. iska karan mahilaon par ghar aur bahar donon ki jimmedariyan hona hai. iske atirikt samajik parivesh bhi iska ek bara karan hai. atyadhik karya bhar hone ke karan adhik chintagrast rahti hain. yahi vajah hai ki tanav aur chinta ke karan avsad ka shikar hoti hain. aise men mud sving, harmons men badlav, jyada khana, jyada sona, vajan barhna jaisi samasyaen samne ati hanai. mahilaon men prasav ke bad avsad hone ka pratishat barh jata hai.

purushon men avsad

purushon men asflta avsad ka sabse bara karan hai. jald thakavat hona, nind kam ana, gussa ana, akramk hona, hinsa karna, laprvah hona aur nashile padarthon ka adi ho jana iska parinam banta hai. pith dard, pachn men aniyamitta, chirchirapan, ekagrata men kami, bevajah gussa, tanav aur anttah atmahatya ke vichar vyakti ke man men ane lagte hain.

kishoravastha men avsad

adhik dabav aur anya bachchon se tulna karne ki adat ke chalte kishoravastha ke balkon men avsad janm leta hai. isse unhen parhai men dikkaten hoti hain aur ve nasha karna shuru kar sakte hain. krodh karna, bura vyavhar karna aur skul se bhagne ke lakshan samne ate hain.

bujurgon men avsad

ayu barhne ke sath-sath vyakti ki ay kam, sharirik shakti kam, dusron par nirbharata barhna aur ae din svasthya men kami bujurgon men avsad ki vajah banti hai.

avsad ke jyotishiya yog

hamari janmapatri tin mukhya adharon par tiki hoti hai. pratham chandrama hai, jo ki man aur mastishk ka karak hai. dvi tiya surya hai joki atma hai, hamara atmavishvas hai aur tritiya lagn bhav hai. yadi lagn, surya aur chandrama pirit hain to avsad hona nishchit hai. jyotish shastra men pae jane vale mukhya yog nimn hain:

• nichrashisth lagn par surya ki drishti.
• chaturth bhav ke svami ka trik bhav men hona.
• pancham bhav ke svami ka trik bhav men hona.
• trik bhav ke svamiyon ka chaturth aur pancham bhav men hona.
• chandrama/shni ki yuti.
• chandrama/rahu/ketu ki yuti.
• chandrama ka trik bhav men hona.
• chandrama par shani ki drishti.
• shani aur mangal ka drishti sanbandh.
• chandrama ki budh par drishti.
• budh trik bhav men, mangal ki budh par drishti.
• ashtam bhav ke svami ka lagn men hona.

apni kundli men rajyogon ki jankari paen brihat kundli riport men

avsar par shodh

jyotish shastra ke yogon ki janch karne ke lie hamne 102 avsadagrast rogiyon ki kundliyon v 100 anya kundliyon ke saimpal liye jismen ye nimn parinam aye.

uprokt yogon men pratham 4 v antim 4 nishfal pae gae. keval chandrama ka shani ya rahu se yuti ya drishti sanbandh evan chandrama ka trik bhav men hona avsad ko darshata hai. iske atirikt anya karan nimn the -

• surya ka lagn men hona, budh, guru v shukra ka dvadash men hona, shani v rahu ka dusre bhav men hona avsad ko barhata hai. sath hi chandrama ko chorakar surya paryant shani sabhi grah chathe, athven bhav men avsad ke karak nahin hain.
• surya tula rashi men, chandrama kark, tula, vrishchik v min rashi men, mangal sinh v dhanu men, budh kunbh men, guru sinh men, shukra tula men, shani mesh men, rahu mesh, kark v sinh rashi men avsad ka karak hota hai. lekin makar men surya va budh, dhanu v kunbh ka chandrama, svagrihi mangal, mesh v vrishabh ke guru, vrishabh v sinh ke shukra, dhanu ka shani, vrishabh, vrishchik evan kunbh ke rahu avsad ko katne ki kshamata rakhte hain.
• chandrama yadi punarvasu, ashlesha, hast, shatbhisha v uttarabhadrapad nakshatra men ho to avsad rog adhik hota hai sath hi mrigshira, uttarafalguni, mul, uttarasharha v dhanishtha men avsad rog kam paya jata hai.
• tula lagn men avsad rog sarvadhik hota hai. kark v kanya lagn men bhi avsad rog ke lakshan adhik paye jate hain. sinh lagn men sabse kam avsad ke lakshan paye jate hain.
• chandrama to 6, 8, 12ven bhav men kharab paya gaya. lekin adhikansh grah 3, 11, 12ven bhav men avsad ke kark darshit hue. chandrama ko chorakar anya koi bhi grah ashtam bhav men avsad ka karak nahin hai.

yah bhi padhen: motapa aur grah

ayurvedik upay

seb khane se dipreshan dur hota hai kyonki ismen vitamin bi, fasfaeras aur potaishiyam hota hai jinse glutaemik esid ka nirman hota hai. kaju khane se bhi avsad kam hota hai. ismen vitamin bi ki matra adhik hoti hai. esparagas ki jaron se yukt pani pine se dipreshan se bachav hota hai. ilaychi ke bij pani men ubalakar ya chay ke sath lena is rog men labhaprad siddh hota hai. ninbu, tulsi, chini, dalchini aur sukhe adarak ko garm pani men ralakar pine se labh milta hai. kali mirch, brahmi tel, haldi ka sevan mausmi avsad men kami karta hai. jatamasi aushdhi ka sevan man ko majbut karta hai.

avsad ke jyotishiya upay

jis grah ke karan avsad hua hai yadi us grah ka sanbandh 6, 8 aur 12 bhavon ke svamiyon se drishti ya yuti se ho to us grah ki puja evan dan karna chahie. iske alava chandi ke gilas men pani pina, chandi pahnna, dudh, chini v chaval ka somvar ko dan karen, ‘un namah shivayah’ ka jap karen, mata ke sath uttam vyavhar karen, sone se pahle hari ilaychi dalakar dudh piyen aur nitya pratah pranayam karen. rudraksh v chandramni dharan karna bhi vishesh labhkari hai.

ab kahin bhi kabhi bhi bat karen hamare jyotishacharyon se. abhi paramarsh karne ke liye yahan klik karen.