atmaghat ke bare men prayah nitya hi samachar mil jata hai. fansi lagakar, jal kar, vish khakar, unche sthan se girakar, rel se kat kar, nas katakar adi. shastron men atmaghat karna pap mana gaya hai, kyonki sharir parmatma ka diya hua hai, uska vas sthan hai, atah ise nasht karna uchit nahin hai. atmahatya ya atmaghat ka arth hai svayan is sharir ko nasht karna ya samapt kar dena. jis vatavaran men manushya nirasha ki charam sima par hota hai, svayan ko samapt kar us vatavaran se chutkara pana chahta hai. yadi thori si bhi samjhdari, buddhimani us samay a jaye to vah svayan ko us vatavaran se dur le ja sakta hai aur un paristhitiyon se tatha jan-bandhuon se purnataya alag ho sakta hai. ab yah prashn uthta hai ki koi bhi vyakti aisa kathin kadam kyon uthata hai. nairashya ke ghor andhkar men jab kahin se bhi koi as ki kiran nahin ati tab vyakti svayan ko gahan avsad se mukti dilane ke lie svayan ko hi samapt kar deta hai. manav ka jivan ke prati utsah samapt ho gaya ho, nirasha men man dub gaya ho, kahin se koi sahanubhuti n mil rahe ho tab jivan ke prati anasakti hone lagti hai. aisi sthiti ka karan kuch bhi ho sakta hai. sharir rog athva pira se grast ho, man ko svajnon tatha anya vyaktiyon se atyadhik mansik pira mil rahi ho, vyavsay men itni hani ho gai ho ki bharpai karna kathin ho gaya ho, samaj men athva apne karya sthan men asamman, niradar, apradharopan, manhani adi ho, prem men asflta ho, pariksha men asflta mili ho, man ki ichchaen-akankshaen puri n ho pa rahi hon adi. in sab paristhitiyon men man men nirasha bhar jati hai aur man men nirasha bhar jane se jivan vyarth sa lagne lagta hai. tab dhairya sath chor deta hai aur man itna durbal ho uthta hai ki jivan samapt karna hi ekmatra upay lagta hai. aise men achche-bure ki parakh nahin rah jati aur sochne-vicharne ki kshamata samapt ho jati hai. man ka karak chandra hai. man ki durbalata ko chandra ki durbalata se ankane. jab chandra par pap prabhav ho ya chandra kshin ho ya us par marak grahon ka prabhav ho, shashthesh, saptamesh aur ashtamesh ka chandra se sanbandh ho tab man ki nirasha ganbhir ho uthti hai. lagn se sanbandh ho, dvitiyesh, tritiyesh athva dvadshesh ke prabhav men chandra ho to mansik durbalata barh jati hai. budh tatha guru dushprabhav men hon to buddhi ke bhrasht hone ki sanbhavna barh jati hai. surya atmakarak grah hai. yadi yah marak sthan men ho athva markesh ke prabhav men ho to vyakti atmahatya kar sakta hai. vishesh rup se yadi yah sthiti gochar men ban rahi ho to atmahatya ki sanbhavna banti hai. atmahatya ke prayas men vyakti bachega ya use sharirik kasht hoga ya sharir aur jivan donon hi salamat rahenge, yah sab grahon v unke prabhav par nirbhar karega. yahan kuch kundliyon ka vishleshan prastut hai. kyonki atmahatya ka prayas ek kshanik unmad men kiya gaya tatkalik karm hai, atah us samay ke gochar ka adhyayan mahatvapurn hai. kundli 1: jatak ka janm kanya lagn men mangl/budh ki dasha men hua tha. lagn men shani sthit hai. lagnesh budh pancham bhav men shani ki makar rashi men sthit hai. lagn tatha pancham bhav men shani tatha budh men rashi paritarvan hai. dvitiya bhav tatha chaturth bhav men brihaspati tatha shukra men rashi parivartan yog hai. shani ki lagn se dasham drishti, dasham bhav chandra par hai jo chaturth bhav tatha shukra par drishti dal raha hai. yah mata ki buddhi ko prabhavit kar raha hai. dvitiya tatha chaturth bhavon ka sanbandh mata v dhan se hai. saptam bhav, jo marak hai, surya v mangal ke papakartari yog men hai jo mrityu ka karan agni bata rahe hain. jatak ne 16 march 89 ko mata ke dhan vishay par klesh karne par unhen darane ke lie apne vastra ke ek kone ko jalaya. parantu durbhagyavash agni fail gai aur vah jal gaya aur tisre din unki mrityu ho gai. us ghatna ke samay unki budh/rahu/shni ki dasha chal rahi thi. budh lagnesh hai, shani ki rashi men hai aur shani se uska rashi parivartan hai. atah budh shani se otaprot hai. rahu bhi shanivat hai. atah dasha ke samay shani ka prabal prabhav raha, shani shashthesh bhi hai. atm ka parichayak surya shashth bhav men hai, lagnesh budh bhi svayan ka parichayak hai. 16.3.89 ko gochar men sath men diya hai. chandra (man) par shani ka prabhav hai, guru (buddhi) ki mangal (krodh) se yuti hai. lagnesh budh shasht bhav men rahu ke sath shani ki rashi men chaturth bhav sthit shani se drisht hai. naisargik surya par budh v rahu ka gochar hai aur atm ka parichayak surya marak sthan saptam bhav men hai. atah jalakar marne ka yog hai. kundli 2: jatak ka janm kunbh lagn men ketu/ketu dasha men hua. lagn par uchch shani se yut ketu, chandra tatha shashth bhav se surya yut mangal ki drishti hai. chandra, budh tatha mangal ast hain. shashth bhav men mangal nich hai tatha dvadash bhav men brihaspati nich hai. saptamesh surya tatha shashthesh chandra men rashi parivartan hai. lagnesh shani navam bhav men ketu ke sath sthit hai jo jatak ki parashrim se unnati ka suchak hai. kunbh lagn ke lie yog karak shukra, jo chaturthesh tatha navmesh hai, pancham bhav men sthit hai. yah yog uchch shiksha ki mahatvakanksha ka sanket deta hai. lagnesh shani par surya se yut nich mangal ki drishti hai. parakramesh mangal nich rashi ke shashth bhav men ast hone par jatak ko prayason men asflta prapt huin mangal v shani ki ek dusre par paraspar drishti hai. rogesh chandra ki marak sthan saptam bhav men sthiti man ki asvasthata tatha aniyantran darshati hai. nich guru tatha nich mangal paraspar samasaptak hain, atah guru ki ashubhta ko darshate hain. guru dvitiyesh-markesh banakar dvadash bhav men shani ki rashi men aur shukra (yog kark) ke sath shadashtak sthiti men hai. jatak ne plas tu pariksha men saflta pai parantu injiniyaring ki pratiyogi pariksha men asafal raha. is asflta ne uske antarman ko torakar rakh diya. mata-pita bhi bat-bat par use tana dete the. ek din in sabse chutkara pane ke lie usne pankhe se latakakar atm hatya kar li. us din shanivar 12.10.2002 tha aur shukra, guru v budh ki dasha thi. is din ka gochar sath diya hai. shukra ka gochar tula rashi men ketu tatha shani par hai. tula rashi tatha shani vayu tatva pradhan hai aur ketu unchai ka pratik hai. yah yog adhar latak kar atmahatya batata hai. guru mangal rashi sthit ketu se prabhavit hai aur shashth bhav par surya, mangal tatha budh par gochar kar raha hai. saptamesh markesh surya, tritiyesh markesh mangal aur ashtamesh markesh budh tinon ka gochar ashtam bhav par hai. yah tinon janm kundli ke shashth bhav men sthit hain. kahte hain ki chandra apne se piche ke shashth bhav ka nash karta hai. chandra ka gochar ekadash bhav par hai jo apne se chah bhav piche ke shasht bhav ka nash kar raha hai. is bhav men guru hai. chandra par gochar men shani tatha surya (markesh) se yut mangal ka prabhav hai. gochar men shani ka prabhav saptam tatha dvitiya donon marak bhavon par hai. dvadshesh shani ka gochar shukra par aur shukra ka gochar shani par hai. gochar men chandra aur guru ka rashi parivartan shashth tatha ekadash bhavon (upachay bhav) men hai. yah mansik durbalata darshata hai aur mata tatha pita ke duvryavhar ki or ishara karta hai. kundli 3: jatak ka janm kark lagn men rahu/rahu ki dasha men hua. lagn, jo guru ki uchch rashi hai, par guru ka kendriya prabhav hai. kendra men akela guru kai ashubh falon ko tal sakta hai. lagnesh chandra dvadash bhav men budh ki rashi men mangal, shani tatha rahu ke sath sthit hai. budh tritiyesh bhi hai. shani saptamesh tatha ashtamesh hai, atah marak prabhav rakhta hain. atm ka karak surya ashtam bhav men shatru shani ki rashi men hai. budh nich hai aur navam bhav men uchch shukra ke sath hai. bhagya ne patni achchi di hai. kendra sthit guru ki drishti ashtam tatha dvadash bhavon par hai jo uske marakatva ko kam karta hai. dvadash bhav ki sthiti atmahatya ki pravritti bata rahi hai, visheshrup se budh ki dasha men. ashtam bhav ka surya markesh shani ki rashi men aur dvadash bhav ka lagnesh donon jatak ki jivan ke prati aruchi darshate hanai. bhagya bhav men uchach ka shukra patiprayna patni ka dyotak hai. nich ka budh buddhi ki apripakvata bata raha hai. is jatak ne kai bar atmaghat ka prayas kiya kintu har bar uski patni ne use aisa karne se bachaya. jatak rin leta tha aur uske n chukae jane ki sthiti men atmaghat ka prayas karta tha. patni naukri kar rin chukati thi. 1.11.1996 ko jatak ne finayal pikar atmaghat karne ka prayatn kiya. gochar sath men diya hai. dhanesh surya nich hai aur budh ke sath chaturth bhav par gochar kar raha hai jahan dhan karak guru hai. yah dhan hani bata raha hai. gochar ka guru shashth bhav par hai jo rin ka suchak hai. vakri shani tatha ketu ka kendriya prabhav dvadash bhav men lagnesh chandra par hai jo vish tulya hai. svagrihi guru ki drishti chandra par hai jo jivan bachane men safal hai. mangal ki drishti gochar men navam bhav par hai, jo saubhagya suchak hai. jatak ne 19.1.2006 gala ghont kar atmahatya karne ka dusra prayas kiya. 19.1.2006 ka gochar sath men diya hai. rahu se prabhavit shani lagn par gochar kar raha hai, is par saptam bhav se surya tatha dasham bhav se mangal ka bhi prabhav hai. lagnesh chandra dvitiya bhav par gochar kar raha hai aur shani ketu ke pap madhyatva men hai. atm ko batane vala surya marak saptam bhav men hai aur naisargik surya se dvadash sthan men hai. jatak ki kundli men uchch shukra ka guru se rashi parivartan yog navam tatha chaturth bhav men hai. guru ka gochar guru par hai aur yah uchch ke shukra ka prabhav liye hue hai. atah patni punah pati ke jivan ki raksha ka karan bani. guru v shukra ka rashi parivartan yog gochar men bhi hai. is din jatak par budh, mangal aur shani ki dasha prabhavi thi. shani vayu ka karak hai, surya v rahu prithkta ke karak hain. is yog ne shvas avruddh karne ka prayas kiya. jatak ka tisra prayas 2.2.2006 ko hua, akashiya paristhitiyan lagabhag vaisi hi thin. jatak ne atmaghat ka ek prayas 26.7.06 ko kiya gaya. fir 13.4.09 ko jatak ne punah aisa prayas kiya. gochriya grah sthiti sath men di hai. nich chandra ka gochar pancham bhav par hai. marak sthan saptam bhav par gochar men guru v rahu ka guru chandal yog ban raha hai. markesh saptamesh shani vakri hokar dvitiya bhav (marak sthan) par gochar kar raha hai. ashtam bhav men surya par mangal ka gochar hai. lagn par ketu ka gochar hai jo pancham bhav men nich chandra ko prabhavit kar raha hai. shayad gochar ke guru ki lagn par drishti atmahatya ke is prayas ko asafal karne vali rahi. dusri or uchch ka shukra navam bhav men shukra tatha budh par gochar kar is asflta men patni ke prayas ka yogdan bata raha hai. patni ne 24 ghante jatak par pahra rakh kar use atmahatya ke prayas se roka. kundli 4: jatak ka janm min lagn men ketu aur shani ki dasha men hua. lagn rahu aur ketu ke aksh par hai aur is par saptam bhav se shashthesh surya tatha ashtamesh shukra ki drishti hai. saptamesh budh (markesh) ashtam bhav men hai. shukra aur budh saptam tatha ashtam bhav men rashi parivartan yog men hain jo pati-patni ke paraspar sahyog men kami batata hai. saptam bhav men nich ka shukra surya tatha ketu se yut hai. rahu shani ka prabhav bhi saptam bhav par hai , jo upyukt parinam ki pushti karta hai. lagnesh guru shashth bhav men mangal tatha chandra ke sath hai. panchmesh chandra shashth bhav men, shashthesh surya saptam bhav men aur saptamesh budh ashtam bhav men hai. budh markesh bhi hai tatha is par dvitiya marak sthan se vakri shani ki bhi drishti hai. shashth, ashtam tatha dvadash bhav in grahon se jure hain. jatak ne 16.10.2008 ko patni se kalah hone par upar ki manjil se niche girakar atmahatya karne ka prayas kiya. jivan bach gaya parantu pair tatha kamar ki chot abhi purnataya thik nahin ho pai hai. 16.10.2008 ka gochar sath diya gaya hai. is din mangal, guru aur chandra ki dasha chal rahi thi. dhyan dene vali bat hai ki mangal, guru tatha chandra jatak ki janm kudli men shashth bhav men yut hain aur in par shani ka gochar hai. shani dvadshesh hai. markesh budh par ashtam bhav men mangal ka gochar hai. ye sare yog chot tatha haspital ke suchak hain. shashth bhav bahut pirit hai. yah kamar ki chot bata raha hai. shani pair men chot tatha langra kar chalna dikha raha hai. atm ke dyotak surya ka gochar marak sthan saptam bhav men surya par hai. markesh budh ka gochar bhi saptam bhav par hai. chandra, guru tatha budh ki sthiti achchi nahin hai, atah mati bhrasht hui aur yah prayas kiya. shashth bhav ka ek karakatva stri dvara laya gaya kasht bhi hai. guru ka gochar dasham bhav par apni dhanu rashi par hai jiske shubh prabhav se jivan ki raksha hui. dhyan den, shashth, saptam tatha ashtam bhav gochar men pirit hain. kundli 5: jatak ka janm vrish lagn men chandra rahu ki dasha men hua. lagn men uchch ka chandra hai jis par shani yut mangal ki drishti hai. lagnesh shukra guru ke sath dvadash bhav men sthit hai. lagnesh par shani tatha ashtam bhav se ketu ki drishti hai. budh surya ke prabhav men hai tatha guru par ketu tatha mangal se yut shani ki drishti hai. chandra tatha guru vargottam hain. kundli men kalasarp yog hai. guru tatha shukra ki yuti ke karan anya stri dvara jivan men kasht ka ana kaha gaya hai. guru, budh tatha mangal markesh hain. guru ashtamesh tatha ekadshesh heakar dvadash bhav men sthit hai. lagnesh shukra shashthesh hokar dvadash bhav men guru ke sath hain. kundli men shashth, ashtam tatha dvadash bhavon men sanbandh hai. jatak ka apne daftar ki ek sahyogi se afeyar hua jiske karan ghar men klesh hua aur 22.3.04 ko uski mar-pitai hui. jatak uchch brahman parivar se hai aur vah yah asamman sah nahin paya. usne 27.3.04 ko nind ki goliyan khakar atmahatya ka prayas kiya parantu shighra hi uchit chikitsa mil jane se jivan bach gaya. jatak par us samay guru, ketu aur budh ki dasha chal rahi thi. 27.3.04 ka gochar sath diya hai. lagn par mangal se prabhavit uchch chandra ka gochar hai. surya ka gochar surya par hai par gochar ka surya shani se prabhavit hai. markesh budh ka gochar dvadash bhav, lagnesh shukra tatha markesh guru par hai. gochar men lagnesh shukra rahu aur ketu ke aksh par hai. ashtamesh guru markesh hai aur ashtam bhavasth ketu uske marakatva men vriddhi kar raha hai. budh bhi markesh hai. atah is samay ki dasha men tin markesh sthit hain, jo is atm hatya ke prayas ke karan ban gaye. uchch ka chandra lagn men jivan ko bacha raha hai. dvadash sthan nidra ka sthan hai isilie jatak ne nind ki goli khakar atmahatya ka prayas kiya. in udahrnon men atmahatya ke prayason men tin jatkon ne jivan se hath dhoya aur tin jatak prayason ke uprant jivit rahe. do udaharan jal kar marne ke, ek fansi lagakar marne ka hai. jivit bachne vale jatkon men ek ne rin n chuka sakne ke karan bar-bar atmahatya ka prayas kiya, dusre ne patni ke jhagra karne par prayas kiya aur chot pai, tatha tisre ne dusri aurat ke karan apmanit hone par prayas kiya. sare jatak madhya varg se, shikshit tatha sanskari hain aur the. kuch baten, jo adhyayan ke parinamasvarup pai gain, ve nimn hain - û sabhi janm kundliyon men chandra, budh tatha guru durbal the tatha gochar men yah yog vishesh rup se paya gaya. û markesh, ashtamesh, shashthesh tatha dvadshesh aur inke bhavon ka chandra se sanbandh hai. vastav men to shashth, ashtam, dvadash tatha dvitiya marak sthanon ka tatha in grahon ke svamiyon ka chandra se sanbandh mahatvapurn hai. û marne vale jatkon ke gochar men chandra shani se prabhavit tha. û atm ko vyakt karne vala grah surya gochar men marak sthan saptam, ashtam tatha dvitiya bhav par tha, athva nich tha, athva markesh grah ki rashi men tha. û mangal gochar men ashtam bhav men tha ya uski drishti ashtam bhav par thi. û jatak ki kundli men athva gochar men guru svayan markesh hai, athva shashth bhav men hai.