jyotish evan tantra-mantra-yantra ka apas men ghanishthatam sanbandh hai. donon vidyaen ek dusre ki purak hain. jyotish dvara bhavishya men ane vale kashton ka pata to lagaya ja sakta hai, lekin jahan grah shanti ki bat ho, samay viprit chal raha ho, mansik ashanti ho, badhaen a rahi hon, to tantra-mantra-yantra ka ashray lena parta hai.
tantra: ‘tan’ arthat deh ka jo ‘tra’ arthat tran (raksha) kare, use tantra kahte hain. vishnusanhita men kaha hai:
sarve'rtha yen tanyante trayante ch bhayajjanaah. iti tantrasya tantratvan tantragyaah sanprachakshate..
sabhi arthon ko jo prakashit kare tatha praniyon ko bhayon se mukti dilaye, aise shastra ko manishiyon ne ‘tantra’ ke nam se paribhashit kiya hai.
tantra sadhna men shatkarma
vidveshan, maran, sammohan, uchchatan, stanbhan evan shanti karm prachlit hain. tantra shakti ke mukhya srot mantra evan yantra hain. tantra men mantron dvara yantron ki pratishtha ki jati hai evan tantra men mantra ke bina koi kriya nahin hoti hai. ek prakar se mantron evan yantron ko manav ke lie upyog men lane ki vidhi ko hi tantra kahte hain.
tanoti vipulanarthastatvamantra samashritan. tranan ch kurute punsan ten tantramitismritam..
arthat, mantra tatva par ashrit arthadi ki jo raksha kare, use tantra kahte hain. tantra men satvik, tamsik evan aghor paddhatiyan hai. sadharan gharelu totke bhi tantra ke hi rup hain. tantron ne hi mantron ke sath bijaksharon ka prayog batlaya hai.
mantra: ‘man’ shabd se man ko ekagra karna ‘tra’ shabd se tran (raksha) karna jiska dharm hai, use mantra kahte hain.
mannat trayteti mantrah.
manan ke dvara jo raksha kare, use mantra kahte hain. mantron ki sukshm tarangen prakriti men halachal utpann karti hain evan sadhak ka divya shaktiyon se sanbandh sthapit karati hain. gayatri mantra ko vedon ki mata bataya gaya hai. shastron men kaha gaya hai ki -
‘n gayatri samo mantra n gayatri samo japah.’
arthat, gayatri ke saman n koi mantra hai, n jap hai. shakti upasna men shri durga ji ke navanr a mantra ka bara mahatva hai. un ain hrin klin chamundayai vichche..
he mahasarasvati, mahalakshmi, mahakali svarupini chamunde tumhen namaskar hai. yah navarn mantra sadhko ko anand evan shakti dene vala hai. svasthya ke lie mahamrityunjay mantra se bara koi mantra nahin hai.
un tryambakan yajamhe sugandhimpushtivardhanam. urvarukmiv bandhananmrityormukshiya mamritat..
mahamrityunjay mantra ke jap se asadhya rog bhi thik ho jate hain. mantron ke jap men duragrah nahin hona chahie. yathashakti kiya hua anushthan bhi prabhavi hota hai. svayan ki shraddha-bhakti se ki hui ek mala jap ka bhi prabhav hota hai. tantra-mantra ki shakti sabhi praniyon ko, chahe vah amir ho ya garib, kisi bhi jati ka ho, sabhi ko shakti aur shanti pradan karti hai.
yantra
jo niyantran karne ki kshamata rakhe, use yantra kahte hain. yantra rahasyamay shaktiyon ka bhandar hota hai. yantra men devtaon ka avas mana gaya hai. atah yantra ki puja-archana se devta shighra hi prasann ho jate hain. kaha bhi hai -
yantra mantramayaproktan mantratma devtait hi. dehatmanoryatha bhedo mantradevtyostatha..
arthat, yantra mantrarup hai. mantra devtaon ka vigrah hai. jis prakar sharir aur atma men koi bhed nahin hota, usi prakar yantra aur devta men bhi koi bhed nahin hota. vaigyanik drishti se yantra akash men vicharan karne vali sanbandhit sukshm kirnon ko akarshit kar sthapit sthal par prabhav dalte hain.
yantron men ‘shri yantra’ sarvashreshth hai. yah yantron ka raja hai. shri yantra daihik, daivik, bhautik tapon se muktidayak evan param safltadayak hai. shri yantra ke darshan matra se yagya ka fal prapt hota hai. shri yantra ke sath-sath shastron men anya yantron - mahamrityunjay, baglamukhi, durga, bisa, kuber, vashikaran adi ka varnan hai. sahi vyakti ke nirdeshan men sadhna pratishtha kar yantra dharan karne, ya sthapit karne se nishchay hi saflta prapt hoti hai.
atah ‘tantra-mantra-yantra’ evan jyotish ka apas men bara ghanishth sanbandh hai. tantra-mantra-yantra ke prayogon se shighra hi karyasiddhi hoti hai. lok kalyan ke lie is vidya ke upyog se svartha-paramarth donon hi siddh hote hain.