21 navanbar 2004 (ravivar) ko mevar vishvavidyalay gajiyabad sthit parisar men ek divsiya jyotish sammelan ka ayojan kiya gaya. gyat rahe ki mevar vishvavidyalay 21 vin shatabdi ka pahla aisa vishvavidyalay hai, jisne jyotish/vastu/hast rekha gyan ko em. e., em. fil evan pi. ech. di. tak ki shiksha ke pathyakram chalane ki sahspurn pahal ki hai.
is prayas men akhil bhartiya jyotish sanstha sangh (panjikrit) nayi dilli ki bhumika bhi ullekhniya hai, kyonki ukt sangh dvara chalaye ja rahe lagabhag 102 chaiptar hi vishvavidyalay ke vidhipurvak shiksha kendra hain. atah sammelan donon, yani vishvavidyalay aur akhil bhartiya jyotish sanstha sangh ke sanyukt tatvadhan men ayojit kiya gaya. sammelan men charcha ka vishay tha ‘‘jyotish shiksha men shodh karya’’.
is sammelan ki yadi prishthabhumi samajh li jae, to vishay prasang bilkul spasht ho jaega. bhartiya vishvavidyalyon men jyotish ka adhyayn-adhyapan desh ke buddhijivi varg men hamesha vivad ka vishay raha hai. bharat sarkar ke purva manav sansadhan vikasmantri dae. murli manohar joshi ne jyotish ko bhartiya vishvavidyalyon ke pathyakram men shamil karne ka vichar rakha tha.
yah mudda san 2000-01 men us samay apne charam par pahuncha, jab sansad men mamle par bahas hui aur vipaksh ki khij khul kar samne ayi, aur unhonne is kadam ko, shiksha ke bhagvakaran ka ek aur kadam batate hue, sire se kharij kar diya. sansad ke bahr; da.jyant narlikar sarikhe vipaksh ke pakke samarthak ne is kadam ka mukhar virodh kiya. kuch gairsrkari sangthnon ne bhi dae. joshi ke kadam ko kharij kar dene ke lie sarvochch nyayalay ka darvaja khatkhtaya.
kintu sarvochch nyayalay ne nirnay prastav ke paksh men diya. is tarah jyotish ko bhartiya vishvavidyalyon ke pathyakramon men shamil kiye jane ke prayason ko rupakar dene ke mahattvapurn kadam ke marg ki sari badhaen dur ho gayin. jab purvaekt bahs-mubahse chal rahe the, us samay mevar vishvavidyalay, raypur ke adhikarigan jyotish, hast rekha shastra, vastu adi vishyon ko apne navjat vishvavidyalay ke pathyakram men shamil kiye jane ki chattisagarh sarkar se svikriti prapt karne ke lie jaddojahad men vyast the. sari prakriyaen is varsh ke aranbh men puri kar li gayi.
svikrit pravdhan ke tahat jyotish/vastu/hast rekha shastra ke adhyayan ke sanchalan ka vishesh adhikar mevar vishvavidyalay ne akhil bhartiya jyotish sanstha sangh (panji) nayi dilli ko pradan kiya hai. sangh desh-videsh men apne 102 adhyayan kendron ke sanchalan ke lie prasiddh hai, jahan jyotish tatha anya paravidyaon ki vibhinn vidhaon men koi 6000 se adhik chatra shiksha grahan kar rahe hain.
is tarah, jyotish se sanbaddh vishyon ke adhyapan ke lie pahle se sanpadit is mahti karya tatha sangh dvara nirdharit adharbhut sanrchna ka labh uthane ke lie vishvavidyalay aur sangh ne hath milaya. is adhar par, julai 2004 men, aranbhik, satra ke em.e. tatha em.fil. (jyotish/vastu/hast rekha shastra) ke pahle satra men chatra-chatraon ka namankan hua aur adhyapan joron par hai. koi ek darjan vidvanon ne jyotish men pi ech.di. karne ke bare men bhi jigyasa prakat ki hai.
in sari vikas prakriyaon se protsahit mevar vishvavidyalay tatha sangh ne jyotish par ek rashtriya sangoshthi ke ayojan ka nirnay liya, jo gat 21 navanbar ko sanpann hui. sangoshthi ka vishay ‘jyotish shiksha tatha shodh’ tha. sangoshthi men bhari sankhya men shreshth jyotishiyon tatha anya paravidyaon ke panditon ne bhag liya, jinmen sarvashri shukdev chaturvedi, pan. jay prakash lal dhage vale, shri arun bansal, acharya kishor, pan. es.ar. svami, dae. jagdanba prasad gaur, vinod shastri adi pramukh the.
sangoshthi ke sthal ke rup men gajiyabad ka chayan islie kiya gaya, kyonki yahi vah sthan hai, jahan se jyotish shiksha ki sarita futi. sab ne yah kahte hue apne udgar prakat kiye ki kam se kam ek vishvavidyalay to hai, jisne jigyasu vidvanon ko bhartiya sanskriti aur iske svarnim atit ki shiksha muhaiya karane ka bira uthaya. yah us naye yug ka namra, kintu jatil aranbh hai, jo prachin granthon se prapt gyan tatha shiksha se bharat ke yuva manas ko samriddh karne ka vachan deta hai.
apne bij bhashan men mevar vishvavidyalay ke kulpti dae. ashok ke gadiya ne jyotish ko vishvavidyalay ke prithak sankay ke rup men angikar karne ke sankalp par bal diya tatha, paravidya ke vibhinn ayamon par prakash dalte hue, bataya ki kis prakar yah vidya sadiyon se manav jati aur rashtron ki niyati par shasan karti rahi hai. unhonne jor de kar kaha ki jyotish ki is sarita ne pashchimi deshon ko bhi apne men samo liya hai, jahan is vishay par adhyayan aur shodh nirantar chal rahe hain. dae. gadiya ne kaha ki ise dekhte hue us bhumi ko bhi is kshetra men piche nahin rahna chahie, jahan jyotish ka bijankur futa .
kulpti ne drirhtapurvak kaha ki yadi yah vidya amerika aur briten ke lie prasangik hai, to bharat aur bhartiya paristhitiyon ke lie kahin adhik prasangik hai. upkulpti pro.umashankar goyal ne, jyotish vigyan se sanbaddh anek ullekhniya prasang prastut karte hue, vishay ki satta tatha mahatta ki sarthakata ko sahi thahraya.
mukhya vishay par bolte hue pro. goyal ne kaha ki, logon ke sanshay ke bavjud, jyotish ke gyan aur shiksha ke prachar-prasar ke prati vishvavidyalay ki vachanabaddhata himalay ki tarah atal hai. sangh ke adhyaksh shri arun bansal ne kaha ki jyotish sadaiv manvtavadi vigyan tha aur rahega. iski vidhaen samay ki kasauti par khari utri hanai. sev jamin par girta hai, yah janne ke lie kisi ko bhautik shastra ka visheshagya banne ki jarurat nahin hai. purvagrah se grasit vaigyanik jyotirvidon par chadm vigyan tatha andhvishvas ko barhava dene ka arop lagate hain.
kai bar aisa hota hai ki chikitsakon ke nuskhe kamyab nahin hote, halanki chikitsa vigyan ek samagra vigyan hai. shri bansal ne kaha ki jyotish jaise vishay men shodh ki sanbhavnaen asim hanai. shodh shiksha se udbhut hota hai. islie jyotish ki shiksha ka aranbh pahla kadam hai. tadnantar shodh ke prati abhiruchi svatah utpann ho jaegi.
sangh ke mukhya mahaschiv shri es. ar. svami ne, apni vishay ki vidvatta se, shrotaon ko chamatkrit kiya aur mevar vishvavidyalay tatha sangh ke adhyayan kendron ke chatra-chatraon ko utkrisht shiksha ki sangh ki vachanabaddhata dohrayi. unhonne yah kahte hue apna bhashan samapt kiya ki jyotish ke virodhi vishvavidyalay tatha sangh ke dvara parishram se taiyar ki gayi karyapranali men chahe khamiyan talashte rahen, lekin sansthaon ke chattani sankalp ke karan in duragrahiyon ko nirasha hi hath lagegi.
haidrabad men naya chaiptar hal men haidrabad men akhil bhartiya jyotish sanstha sangh ke naye tatha haidrabad ke tisre chaiptar ka shubharanbh hua, jiske cheyrmain ke pad par shri ji. em. ravi kumar ko niyukt kiya gaya hai. unse nimn pate par sanpark kiya ja sakta hai: 208, mani kalyan apartaments dae. e. es., rav nagar, haidrabad (andhrapradesh) durbhash: 0110-27127591 mo.: 9847610302
jivan men jarurat hai jyotishiya margadarshan ki? abhi bat karen fyuchar point jyotishiyon se!