‘‘honhar birvan ke hot chikne pat’’ arthat desh kal v paristhitiyon se janm lete hain- janapriya rajnitigya rajneta. yahi karan hain rajnitigya banne ke. prajatantrik samaj men logon ki am samasyaon evan unke samadhan tatha janhit ke vikas karyon ko shasan se arthik paikej dilakar adhikariyon ke madhyam se hal karane ka uÿardayitva chaynit rajneta ka hota hai. rajneta kuch kshetron tatha janta ka pratinidhitva karte hain. janta ki bhavnaon ke anurup kshetra men vikas ke karyane ke sath-sath unmen ekta, bhaichara, sauhard ka vatavaran bhi nirmit karte hain.
rajneta janta ke hriday men apna sthan banate hain tatha unke hit men vikas karya karte hue shasan men vibhinn rajapad prapt karte hain. isi ke karan aj rajneta banna n keval gaurav v pratishtha ki bat ho gai hai, varan inhen sammanit drishti se bhi dekha ja raha hai. kul milakar aj vaibhvshali, aishvarya yukt, shasan men rajpdon se sushobhit, shasan men pratishthit, jimmedari aur janta ke bich men, janta kee logon dvara, hamesha uchch samman se jagh-jagah sammanit hone ke karan hi rajnetaon ka kad, ab janta ka pratinidhitva karne vala n rah jakar ek pratishthapurn vyavsay hota ja raha hai.
jyotish ke paridrishya men yadi dekha jay to nishchit hi har vyakti ke kundli men n to aise grah yog hote hain, jo rajneta banakar pratishtha den. yah grah yog to birle hi logen ki janm kundliyon men paye jate hain. isi ka vishleshan yahan karne ka prayas kiya ja raha hai ki akhir ve kaun se grah yog, grah bhav sthit grah, karak grah, grah drishtiyan, dashaen, grah gochar tatha nakshatra hote hain, jinke karan jatak rajneta banta hai.
atah jo yog adhikatar uchch rajnetaon ki kundliyon men kuch marmagya jyotishiyon dvara shodh kar paye gaye hain aur vartaman men adhikanshtah dekhe bhi ja rahe hain, unke kuch udaharan nimnavat prastut kiye ja rahe hain -
-safal rajnitigyaon ki kundli men adhikanshtah rahu bhav 6, 10, 11 men dekha gaya hai aur yahi rahu sarvasammati se rajniti ka karan bhi mana gaya hai.
-rajneta banne ka arth hai saÿaa men bhagidari nibhana, atah yadi kundli men dashmesh bhav 10 men ho ya koi bhi grah dasham bhav men uchch ka baithe tatha navam bhav men guru shubh sthiti men baithe athva fir dasham tatha dashmesh ka sanbandh saptam bhav se ho, to jatak rajniti men safal rajneta ban shasan men pad prapt karta hai.
- yadi dasham bhav men shani ho athva dashmesh se sanbandh kare aur dasham bhav men mangal bhi ho, to jatak dalit varg ki rajniti kar rajneta banta hai.
-rajya karak surya yadi dasham bhav men uchch ya svarashi ka ho tatha rajniti karak rahu shashtham, dasham ya ekadash bhav men ho tatha vani bhav dvitiya ke svami ka dashmesh se kisi bhi rup men sanbandh ho raha ho, to jatak achcha vakta evan shasan men uchch padasin rajneta ban sakta hai.
-kark lagn ki kundli men dashmesh mangal dvitiya bhav men, lagn men shani, shashtham bhav men rahu labhesh shukra ke sath ho tatha lagnesh ki lagn par drishti ke sath ho surya-budh pancham ya dasham bhav men hon tatha guru navam ya ekadash men ho, to jatak uchch rajnitigya, prabhavshil vakta, shatruon ko parast karne vale rajneta ke rup men yashasvi hokar anek rajkiya padon ko sushobhit karta hai.
- netritva karak sinh rashi ki lagn men yadi surya, chandra, budh, guru ho, dhan bhav men kanya rashigat mangal, labh bhav men mithun ka shani evan vyay bhav men rahu v shashtham bhav men ketu ho, to aise jatak ko virasat men rajniti milti hai, jiske karan jatak ajivan shasan men vibhinn padon ko prapt kar janta men lokapriya v vaibhvshali vyaktitva ka rajneta hota hai.
- vrishchik lagn ki kundli men yadi lagnesh mangal parakram bhav men uchasth guru se drisht ho, dashmesh dasham men ho ya dasham bhav ko dekhe, shani evan rahu ki yuti budh ki rashi kanya men ho, sath hi labhesh labh bhav ko dekhe aur bhagyesh chandrama vani bhav dvitiya men ketu ke sath virajman ho, to jatak prabhavshil vyaktitva ka janapriya neta ban janhit ke karyon ko sampann karane hetu shasan men vibhinn padon par asin hokar ek safal rajneta hota hai.
- vrishchik lagn ki kundli men lagnesh yadi vyay bhav men guru se drisht ho, shani labh bhav men hokar lagn ko dekhe, rahu-chandra janta ke bhav chaturth men ho, svarashi ka shukra saptam men lagnesh se drisht ho tatha rajya karak surya labhesh ke sath yuti kar shubh sthan men ho aur sath hi guru ki dasham v vani bhav par drishti ho, ta jatak shaskiya nitiyon ki alochna kar prakhar evan tej-tarrar neta ke rup men janta ki avaj har samay buland karne hetu prayasarat rahta hai.
-kanya lagn ho aur lagnesh svayan dvitiya bhav men rajya karak surya ke sath ho, rahu bhagya bhav men bhagyesh shukra, guru, ketu se drisht ho, labh bhav men panchmesh shani, labhesh chandrama, parakramesh mangal ho aur guru ki in par drishti par rahi ho, to aisa jatak shasan men pad prapt kar nam aur dhan kamata hai, sath hi uchch rahu evan budh ke karan rajniti men ek safal rajneta ke sath-sath kushal kutnitigya ban uchch rajkiya padon par nam v dhan kamata hai.
- yadi vrishchik lagn men lagnesh mangal, bhagyesh chandra ke sath hokar chandra-mangal yog bana raha ho, rajniti karak rahu uchch ka hokar ashtam bhav men ho, labhesh budh kanya ka labh bhav men, guru vakri hokar pancham men svagrihi ho, janta ka karak shani parakram bhav men svagrihi ke sath-sath vakri ho evan dashmesh surya saptamesh shukra ke sath yuti men ho, to jatak prabal mangal ke karan mul rup see khilari hote hue bhi apni ojasvi vani ke karan lokapriyata prapt rajneta banne men saksham hota hai.
-kunbh lagn ki kundli men yadi janta karak shani mitra rashi ka pancham men ho, janta ke chaturth bhav men uchch ke rahu ke sath svagrihi shukra yuti kar raha ho, sath hi dashmesh mangal shashtham bhav men nichagat ho evan vani bhav ka svami guru dvitiya bhav men sthit budh-chandra ko drishti dvara prabhavit karne ke sath-sath rajya karak surya parakram bhav men uchch rashi mesh ka ho, to aisa jatak kisi uchch prashasnik seva men rahakar uchch pad ko prapt karta hai.
vrishchik lagn ki kundli men lagnesh mangal dashmesh surya ke sath ho, rahu chaturth men hokar saptamesh shukra ko dasham bhav men dekhe tatha guru pancham bhav men svagrihi hokar chaturthesh shani v bhagyesh chandra ki yuti ko labh bhav men purn drishti de evan labhesh budh, bhagya bhav men ho to jatak drirh ichchashakti ka atimahatvakankshi, kutnitigya janta men yash-nam arjit karne vala rajneta hokar kisi parti ka netritva karne men saksham rajnitigya ho sakta hai.
-kark lagn ki kundli men yadi bhagyesh guru uchch ka lagn men, lagnesh chandra dasham men, labhesh evan chaturthesh shukra janta ke bhav chaturth men, janta karak shani vani bhav men rog karak mangal parakram bhav men aur guru ki drishti, pancham bhav men budh, surya, rahu ho, to aisa jatak adhyaynshil, ganbhir pravriÿia ka, prabhavshil, sahsi, buddhiman, kutnitigya rajneta hokar, uchch rajkiya pad prapt karta hai.
-kark lagn ki kundli men hi yadi bhagyesh guru uchch ka lagn men ho, karmesh mangal mitra rashi ka vani bhav men ho, lagnesh chandrama janta ke bhav chaturth men, navamasth rahu se drisht ho, sath hi janta ke ghar ka svami shukra svagrihi labh bhav men ho evan surya, budh ki yuti shani ki drishti par ho, to aise grah yogon vala jatak ek ganbhir soch vala tarkik vakta, jan manas ka hitaishi, nai soch ke karya karne vala, shant vyaktitva ka safal rajnitik rajneta hokar ati uchch rajkiya pad ki prapti karta hai.
-yadi kanya lagn ho aur lagnesh budh bhagyesh shukra ke sath labh bhav men labhesh chandra v chaturthesh guru ki yuti se drisht ho, janta karak shani rajya karak surya ke sath dasham men ho tatha parakramesh mangal ke sath ketu hokar, shashtham bhav men rahu ho, to jatak sarvahara varg men saman vichar dhara ka kamyunist vicharon se paripurn dirghakal tak rajyapad prapt kar lokapriyata prapt karne vala rajneta hota hai.
-kark lagn ki kundli men yadi lagnesh chandrama bhagyesh guru ke sath bhagya bhav men gajkesri yog bana raha ho, dashmesh mangal rahu se drisht hokar ashtam men ho, janta karak shani rahu aur ketu se sanbandh kar dasham bhav men ho, labhesh v janta ke chaturth bhav ka svami shukra dhanesh v parakramesh ke sath pancham men ho, to aisa jatak kafi nimn star se janta ke madhya rajniti karte hue, varg vishesh ke sahyog se uchch kutnitigya, mahatvakankshi, janta ke bich ka uchch rajnitigya hokar uchch rajkiya padon ko hasil karta hai.
-yadi kundli men rajniti karak rahu parakramesh surya, janta ke ghar ke svami chaturth v lagnesh budh, sanbandhon ke ghar saptam ke svami v dashmesh guru ke sath yuti kar bhagya bhav men ho tatha bhagyesh v janta karak shani janta ke ghar chaturth men ho, sath hi labhesh mangal ki panchmesh shukra se yuti dasham bhav men ho, to in sab grah janit yogon sanbandhon evan prabhavon ke karan hi jatak janta men lokapriyata prapt kar jan hitaishi hote hue, sadaiv janta ke hit men unki mangon ki apurti hetu avaj uthane vala evan anyay ke viruddh sada larne ko tatpar, uchch rajnitik saflta prapt rajneta banta hai. sanksheep men kahna hai
ki rajnitik banne ke jyotishiya karan uprokt darshaye gaye yogon ke atirikt ek safal rajneta banne ke lie vaise to samast nau grahon ka shaktishali hona anivarya hai, kintu fir bhi surya, mangal, guru aur rahu men char grah mukhya rup se rajniti men saflta pradan karne men sashakt bhumika ada karte hain sath hi chandrama ka shubh v paksh bali hona bhi avashyak hai. ismen sandeh nahin ki surya grah hone ke sath hi sath mangal se kushal netritva tatha parakram ki prapti hoti hai.
guru paradarshi, nirnay kshamata evan gyan-shakti pradan karta hai tatha rahu ko jyotish men shakti, sahas, shaurya, parakram, chal-kapat aur rajniti ka karak mana gaya hai. ataev kundli men yadi ye charon grah shaktishali evan shubh sthiti men honge, to ye ek sashakt, prabhavi, karmath, jujharu tatha pratibhashali vyaktitva ki buniyad par ek sampurn saral evan sashakt rajneta rupi bhavan ka nirman karenge jis par rashtra hamesha gaurvanvit rahega.