bhartiya vichardhara ke anusar manushya ke vartaman ko uska purva karmafal prabhavit karta hai. uske kashton ke nimnalikhit karan batae gae hain: dev kop, dharmadev, rosh, sarpakrodh, pret kop, guru- mata-pita-brahman shrap, shabd, bhangima, vish aur abhichar. yahan kashton aur badhaon ke kuch pramukh jyotishiya karnon aur unke nivaran ke upayon ka varnan prastut hai. badha evan karmadosh nirnaya: janmakundli ke nauven bhav se purvajanm ka tatha panchven bhav se punarjanm v janmakundli ke sarvadhik dushprabhavit bhavon v grahon se purvakarmon ka pata chalne par upyukt prayashchitt, puja, upasna, vratopvas adi batae jate hain.
anushthan paddhati ke anusar ati dusht grah ya bhavesh ke devta ke kop se rog hota hai. ati dusht grahadhishthit rashi men chandra, surya ya guru ke sancharan se rog ya kasht ka aranbh hota hai aur ati susth grahadhishthit rashi men pravesh se v susth grah ke devta ki upasna se rog ya kasht se mukti milti hai. rog, kasht, vikshiptata, abhichar ka mul karn: sharirik rog, kasht, mansik vikshiptata, abhichar adi ka mul karan grah hai ya manav, is prashn ka uttar janm ya prashnakalin lagnesh v shashthesh ke rashi-ansh ke yogafal par nirbhar karta hai.
parmpurush ke pratinidhi devguru brihaspati hain. kanudli men guru ke shubh hone se devta anukul anyatha pratikul fal denge. devta ke svabhav ka nirnay unke grahon se sanbandhanusar is prakar karen. duahsthan, badharashi v badhk: kundli ke chathe, athven v 12ven bhavon ko duahsthan kahte hain. inmen baithe grah v bhavesh ke devta ke kop se rog ya shok hota hai. mukti hetu grah se sanbandhit devta ki puja-archana karen. nau grahon ke devta is prakar hainah surya-shiv, chandra-durga, kuj- kartik, budh-vishnu, guru-mahavishnu, shukra-lakshmi, shani-anjney ya hanuman, rahu-chandi, ketu-ganesh. vividh bhavon men grahasthiti se devkop ke karan v shaman vidhi ki jankari milti hai.
badhak grah duahsthan chathe, athven, 12ven ya tisre bhav men hon, to ishtadev ke kop ka sanket dete hain. vyaybhav men surya ho ya surya se 12ven bhav men papagrah ho, to khandit devapratima ke kop se kasht hota hai. kujyut ho to prabandhkon men matvirodh ke karan pratima ya mandir ki dekhbhal men kami ke falasvarup daivkop hota hai. shaniyut ho, to pratima, mandir ya donon ke dushit hone se daivkop hota hai. rahu ya gulikyut ho, to medhkadi dvara pratima dushit hone se daivkop hota hai. lagn men papyut ho to uchit sthiti men pratima nahin hone se daivkop hota hai. shani rahu ya ketu yut ya chathe, athven athva 12ven bhav men ho to gandgi se mandir dushit hota hai. gulikyut ho to murti khandit hoti hai. chaithe bhav men papyut ho, to mandir ke jirnaeddhar ki avashyakta hoti hai.
badhak grah ki rashi tatha bhav sthiti v prayashchitt vidhan: yadi badhak satven bhav men ho to devta ke sammukh nritya se prayashchitt hoga. yadi mesh, sinh ya vrishchik rashi men ho, to devmandir ko alokit karne se prayashchitt hoga. kark, vrish ya tula rashi men ho, to devta ko dudh, ghi, chaval ki khir ka bhog lagane se prayashchitt hoga. mithun ya kanya rashi men ho, to devapratima par chandnlep se shanti hogi. dhanu ya min rashi men ho, to devta ke fulon ke har se shanrigar v pavitra fulon se puja dvara prayashchitt hoga.
makar ya kunbh rashi men ho, to devapratima ko vastrabhushan arpit karne se prayashchitt hoga. yadi athven ya 10ven bhav men ho, to puja ya balikarm vidhey hai. 12ven bhav men ho to dhol, tabla vadan v sangit ke ayojan se shanti hogi. badhak ke devta ki pratah v sayan vidhivat puja-archan karen. yadi badhak lagn men ho, to chaya patra dan karen. dusre bhav men ho, to devta ka mantrajap kare. tisre bhav men ho, to vidhivat devta ki puja-archana karen. chaithe bhav men ho, to devmandir ka nirman karaen. panchven men ho, to devta ke nimitt tarpan aur brahmanon ya dinon ko annadan karen. chathe men ho, to pratikar bali karen. satven men ho, to pratima ke nikat nritya ka ayojan karen.
athven men ho, to bali ya vidhipurvak vratopvas karen. nauven men ho, to devta ke upasna ya avahan mantra ka jap karen. 10ven men ho, to devta ke nimitt tarpana-marjan karen. 11ven men ho, to tarpan karen. 12v men ho, to badhak ke devta se jatak ko kisi bhi prakar ki kshati nahin hogi. yadi badhak grah se 12ven sthan men surya ya sinh rashi ho, to devta ki aradhna se kashton ki tivrata kam hogi. chandra ya kark rashi ho, to shankhabhishek aur chavl-pani ka niahshulk vitaran karen. kuj ya kuj ki rashi ho to mandir men dipmala prajvalit karen tatha havan karaen. budh ya budh ki rashi ho, to nritya ka ayojan karen.
guru ya guru ki rashi ho to, brahman bhojan karaen tatha abhushan dan karen. shukra ya shukra ki rashi ho, to mukt hast se annadan karen. shani ya shani ki rashi ho, to jansadharan v pichri jati ke logon men annadan v bhumidan karen. lagn men shubhyut badhak ya anya grah ho to badhak ya shubhyut grah ke devta ki kripadrishti rahegi. sarpadev ka kop lagn se chathe, athven ya 12ven men badhak ya guru aur kendra men rahu ho, to uchch shreni ke sarpakop se kasht hota hai. gulik se kendra men guru ho, to nimn shreni ke sarpakop se kasht hota hai. badha rashi men rahu ho, to sarpakop se kasht hota hai. pratikar: yadi lagn se chathe, athven ya 12ven bhav ya badha rashi men rahu ho, to sarpabali vidhey hai.
lagn se chaithe bhav men rahu ho, to chitrakut men shila arpit karen. 12ven bhav men rahu ho, to sarpadev ke nimitt sangit ka ayojan karane. sarp ko dudh-jal mishran arpit karen. satven bhav men rahu ho, to bhaktigit ka ayojan karen. kisi bhi bhav ke rahu hetu sarpabali vidhey hai. sarpadev asantusht hon, to rog v anya badhaon se kasht milega. sarpadev santusht hane, to svasthya, santti aur samriddhi denge. rahu char rashi men ho, to sanp ke andon ke nash ke karan sarpadosh se kasht hota hai. sthir rashi men ho, to yah sarpanivas ke pas ke per katne se sarpadinbon ke kshatigrast hone ka sanket hai. dvisvabhav rashi men ho, to sarpahatyajanya sarpashrap se kasht hota hai.
mandiyut ya usse panchvin, satvin ya nauvin rashi men ho to sarpashrap se kasht hota hai. pratikarah pujasthal men sone ya tanbe ke sanp ya ande sthapit karen, nae vriksh lagvaen. lagn men charrashi ho, to 11 andon ya chote-chote sanpon ko vanshpranpra ke anusar sthapit karen. sthir rashi ho, to nau andon ya chote-chote sanpon ko vanshpranpra ke anusar sthapit karen. dvisvabhav rashi ho, to 7 andon ya chote-chote sanpon ko vanshpranpra ke anusar sthapit karen. rahu se kendra men kuj ho, to vrikshon ke katne ya mitti hatate samay anya karan se sanp ko marne, sanpon ki banbi ko samatal karne, peron ko ag lagane ya nae per nahin lagane ke karan sarpakop dvara kasht milega.
rahu se kendra men shani-gulik hon, to sanp ki banbi ya pas men malmutradi ki gandgi ikatthi hone, nichvritti ke logon ko sanp ki banbi ke pas bhejne, hathiyon dvara sanp ki banbi tahs-nahas karvane athva banbi par abadh rup se bailon dvara hal chalakar use nasht karne ke karan sarpakop se kasht hota hai. rahu se kendra men keval gulik ho, to thukne, unke nivas par ya uske nikat sanbhog ya malatyag karne ke karan sarpanivas apvitra hota hai. pratikar: rahu se kendra men shani ya gulik akele ya ek sath hon to sarpanivas ki suraksha ki vyavastha karen, saf rakhen, vahan per-paudhe lagaen, vidhivat shuddhikaran karen.
pitrishrap: badharashi v kuj navansh men surya ya chandra ho ya chathe, athven ya 12ven men karka-sinh rashi men pap ho, to purvajanm ke matri ya pitri shrap se kasht hota hai. guruyut ya guru ki badha rashi men pap ho, to brahman v devta ke shrap se kasht milega. badhak surya ya sinh rashi ho, to pita, pitamah, prapitamah ya anya purvaj ke shrap se kasht hoga. badhak mangal ho, to ati tivra kasht hoga. pratikar: mata-pita ki seva karen. yadi jivit nahin hon, to shraddhapurvak unke varshik karm karaen. nivritti hetu upyukt upayon ka avlanban karen. kuch lagnon ke hetu naisargik papi surya, mangal v shani yogkarak hote hain. kintu rahu-ketu sabhi lagnon ke lie papi hote hain aur adhishthit bhav ko prabhavit karte hain.
navam, navmesh ya chandra rashi se badhkrashi ko rahu-ketu dushit karen, to pitrishrap se jatak ki shiksha, jivika, vivah, dampatya jivan, santan adi prabhavit hote hain. adhikanshtah sharirik ya mansik rup se viklang vyakti prabhavit hote hain. nauven bhav men shashthesh ya 12ven bhav men navmesh ho, to pita, guru ya ghar ka mukhiya asantusht hota hai. yadi chathe bhav men surya ya chandra ho, ya surya ya chandra ki shashthesh se yuti ho to pita ya mata ke rusht hone se kasht hota hai. pratikar: shanivar ko kauon ya machliyon ko garm chaval, ghi ya til ke laddu khilane se dosh dur hota hai.