plet vivartan siddhant ke anusar prithvi ke vargikrit ath vishal bhukhandon ka kshetra falt jon kahlata hai. in bhukhandon ke apas men takrane ya gharshan se niklne vali urja bhukanp ke rup men vinashkari hoti hai. kairibiyan, amerikan, afrikan, indiyan, paisefik, dakshin purva eshiyan, filipins aur entarkatik ath bhugarbh falt jon ke antargat ate hain. arthat bhugarbh ke santulan men jab vyatikram (asantuln) hota hai tab bhukanp ata hai. thik-thik akshansh aur deshansh batate hue nishchit samay tatha sthan vishesh ki bhavishyavani karna to sanbhav nahin hai ki kis riktar paimane ka bhukanp kab, kahan aur kis samay aega, fir bhi desh athva pradesh ki kundli ka adhyayan tatha surya aur chandra grahan ki sthiti ka vichar karke jyotish ke dvara bhavishyavani karne men safltaen mili hain. bhu
barh, andhi, mahamari jaisi prakritik vipdaon ki bhavishyavani jyotish ki ganna ke adhar par prakashit hone vale prativarsh ke panchangon men hoti rahti hai. lekin varah mihir dvara (2500 varsh pahle) die gae sutron ko vigat shatabdi men jyotish vigyan ki kasauti par parakh kar puna, maharashtra ke sva. shri es. ke. kelakar ne yah siddh kar diya ki grahon ki sthitiyon aur surya-chandra grahan ke karan prithvi par asantulan hone se bhishan prakritik apdaen ati hain. parantu bhugarbh vaigyanik is bat se sahamat nahin hain. khagol vaigyanik grah aur grahgtiyon tatha grahon men hone vali gatividhiyon, halchlon par nirantar anveshan aur shodh kar rahe hain, isi tarah bhugarbh vaigyanik apne adhar par prithvi ki gatividhiyon par najar rakhe hue hain lekin khagol vigyani tatha bhugarbh vaigyanik donon hi is bat ka pata lagane men abhi tak asamarth hain ki grahon ki halachal ka asar kab, kahan aur kis par parega. ise jyotish ki ankh se hi parkha aur dekha ja sakta hai, kintu jyotish ki is pahchan ki donon hi paksh n keval andekhi karte hain, varan ve jyotish ko hi hashiye par rakh dete hain.
bhartiya upmhadvip ke himalay bhubhag par ane vali is bhayankar apda ke bare men bhugarbh vaigyanik yadyapi samajh to pa rahe the aur unhonne varshon pahle yah chetavni bhi di thi ki bhukanp ki drishti se yah bhag sanvednshil hai, fir bhi yah apda kab aegi yah ve nahin samajh sake the. khagol shastriyon ne surya par surya grahan ke samay santulan men garbri hone ki pushti ki hai. is garbri ke falasvarup bhu-chanubkiya kshetron men chattanon men utpann ganbhir darakan evan visfot bhukanp ka karan bante hain. varah mihir ke us mantavya par chin ki prayogshala sahamat nahin ho pai ki bhukanp ke samay pashupakshiyon ke vyavhar men antar ata hai.
antar ata hai, par log use samajh nahin pate. lekin chin men bhi grah nakshatron ke karan hi prithvi par vipdaen ati hain is tathya ko svikarne men ve hichak anubhav nahin karte. sankhyikiya gannaon ke adhar par havard vishva vidyalay ke harlan ti strelsan ne bataya ki 2000 bhukanpon men chandrama ki vishisht sthiti pai gai. jaen gribin aur stifan fleg men ke anusar surya ke santulan men garbri prithvi ke santulan ko dagmga deti hai. bhukanp ya prakriti ki halachal men keval mangl-shani ki bhumika batakar jyotishi apni bhavishyavani kar dete hain, isse vaigyanik vishvasniyata khatm hoti hai. surya se atyant nikat grah budh ki jise fal jyotish men sanvednshil tatha snayvik vikaron ka suchak grah kaha gaya hai, bhumika adhik hoti hai. prithvi aur prithvivasi saur parivar ke sadasya hain. atah anuvanshik adhar par saur jagat men jo halachal hoti hai, uska asar prithvi par parega hi aur uske karan ham sab (janjivn) bhi prabhavit honge hi. prithvi bhi ek grah hai.
ise arsh rishiyon (prachin vaigyanikon) ne mata ke rup men manyata di hai, ise jivant tatva ke rup men svikar kiya hai. yah vaigyanikon ke lie achambhe ki bat hogi ki dharti surya ke nirdharit anshon par soti bhi hai, rudan bhi karti hai. itna hi nahin dharti rajasvala bhi hoti hai jiska paksh muhurt jyotish men adhik dekhne ko milta hai. chunki budh grah snayvik kamjoriyon ka sanbal pradan karta hain, atah uske udy-ast, vakri ya margi hone athva surya se age ki sthiti par a jane se prithvi ke bhitar ki parton ko jhakjhorne jaisi bhumika ka nirvah karti hai. yahi karan hai ki ab dharti ke mausam men bhayanak parivartan hote hain. yah bhari varsha, chakravat, tufan, badlon ka fatna, andhi athva bhukanp ya samudri lahron men bare star par kuch bhi ho sakta hai. purnima aur amavas ko jab jvar-bhata tatha manorogiyon ki sankhya barhti dekhi ja sakti hai, to fir grahan ke samay chandrama ka gurutvakarshan barhne se to iska bare star par asar samne ata hai, is bhumika men bhi surya (atma), chandra (man) tatha budh (buddhi) ki tantu shiraen sharir ko kampit-prabhavit karti hi hain.
budh grah ki saumyata ke sath-sath mangl-shani-rahu jaise pap grahon ka sanyog bhi utna hi vinashkari hota hai, jitna ki shubh grahon ki vakri gati athva pap grahon ki un par drishti hoti hai. pichle dashkon men chahe vah latur ka bhukanp (dinank 30-09-1993) ho, jablpur ka bhukanp (dinank 22-05-1997) ho, kachch ka bhukanp (dinank 26-01-2001) ho, sunami ki lahar se vidhvans ho athva bhart-pakistan-afgan ki sima par kahar dhane vale bhukanp (dinank-8-10-2005) ki ghatna ho, in sabke piche kramshah surya-chandra grahan ke aspas budh ke surya ki rashi se age nikal jane ki bhumika hoti hai, to mangl-shani ki ek dusre par drishti bhi. dinank 08-10-05 par bhi ek dusre par drishti hi nahin varan budh se mangal ke ansh par sidhi-sidhi drishti bhi bhari prakritik vipda ki bhumika men sahayak rahi hai.
bhukanp ya prakritik apda ke bare men:
û desh-pradesh ki adharbhut vishvasniya kundli.
û dhimi gati ke tej grahon (guru ko chorkr) ki chaithe aur athven gharon par drishti.
û kundli ke pahle, chaithe, satven aur athven gharon men parne vala grahan.
û grahan ke uprant pap grahon ka sanyog.
û ek se adhik grah gochar men apni nich rashiyon men hon.
û kisi grahan ke bad budh surya se age nikal gaya ho.
û kisi grahan ke bad mangal aur budh ek sath ek dusre ki drishti men hon. in sthitiyon men mahavinashkari prakritik apda bhukanp se janjivan prabhavit hota hai. prashn uthta hai ki kya bhukanp athva prakritik apda ki bhavishyavani se ane vale bhukanpon ya apdaon se bacha ja sakta hai? kadapi nahin. bhukanp ya apda to aegi hi use roka to nahin ja sakta. parantu bachne ke har sanbhav prayas to kie ja sakte hain.
atah chetavni ke prati sachet rahne ke liye apda prabandh vyavastha aur purva suchna taknik viksit karne ke lie rajya evan kendra sarkaron ke dvara jyotish vigyani, khagol shastri aur bhugarbh shastri ke sammilit prayas, prashikshan evan jagrukta ke is tarah ke manch ki avashyakta hai taki jan kalyankari upay sunishchit kie ja saken.