kaha jata hai, ham sab ishvar ke hathon ki kathputliyan hain. vo jab jaisi dori ghumata hai ham bhi vaisa hi karne lagte hain. ishvar ki ichcha ke bina patta bhi nahin hilta. kai bar ham karna kuch chahte hain aur hota kuch aur hai.
aisa hi hua, kumudlal ganguli ke jivan men. ham bat kar rahe hain filmi parde ke pahle supar star kahe jane vale ashok kumar ji ki. ashok nam unhen film indastri se mila tha. unhen log dada muni bhi kahte the. unhonne ilahabad se bi. es si v kalakatta se vakalat ki parhai puri ki. teknolaeji men unki kafi ruchi thi. ismen jarmani ne kafi pragti ki thi. ashok kumar ka sapna tha jarmani jakar teknolaeji ke kshetra men nam kamana. par jaisa ki hamne pahle kaha- hamesha vo nahin hota jo ham chahte hain.
aie jante hain ashok kumar ji ki kundli se ki kaise jarman teknolaeji ke kshetra men saflta ke sapne dekhne vala insan filmi duniya ka supar star ban gaya-
ashok kumar ka lagn hai kunbh. navansh lagn dhanu hai. janm lagnesh shani tritiya bhav men, mangal ki mesh rashi men, shukra ke nakshatra v ketu ke up nakshatra men rahu se yut aur vakri hai. shani par brihaspati v ketu ke navam bhav se drishti bhi par rahi hai. shani apni nich rashi mesh men hain kintu shani ka nich bhang hone ke karan nich bhang rajyog nirmit ho gaya hai.
niche yastasya nichochchabheshau dvavek ev va.
kendrasthashchechchakravarti bhupah spadbhuparvanditah..
faldipika, adhyay-sat, shlok-30 yadi koi grah nich rashi men hain, to uska nich nath v uchch nath donon athva donon men se ek bhi lagn se kendra men ho to nich bhang rajyog hota hai. shani ke nich nath mangal tatha uchch ashok kumar jivan ki kahani grahon ki jubani nath shukra donon hi ashok kumar ki kundli men kramshah chaturth v saptam bhav men baithakar nich bhang rajyog nirmit kar rahe hain.
lagn, lagnesh, chandrama, pancham bhav adi par guru grah brihaspati ka purn prabhav hai yahi karan hai ki ashok kumar vilakshan pratibha sanpann aur akarshak vyaktitva ke malik the. chandrama man ka karak grah hai. brihaspati ki drishti ke prabhavavash chandrama shubh prabhav men hai. shadbal men bhi chandrama pratham sthan par hai. navansh men chandrama vrishchik rashi men sthit hai jo ki unki nich rashi hai kintu unke nichasth mangal saptam bhav men lagn se kendra men baithe hain aur nich bhang rajyog ka nirman kar rahe hain. navansh lagn men bhi chandrama par brihaspati ki drishti ka shubh prabhav hai. ashok kumar bahut milnsar aur udar hriday ke vyakti the. adhyayan men unki gahan ruchi thi. ve sains grejuet the, unhonne kanun ki parhai ki, film lain men bhi ve film taknik ke lagabhag sabhi vishyon men parangat the. ilektraenik ka bhi unhen gajab ka gyan tha.
ve gajab ki penting bhi karte the. estrolaeji ka unhonne 10 varsh tak gahan adhyayan kiya. homyopaithi ka vidhivat adhyayan kar unhonne digri prapt ki aur dae. ashok kumar ban gae. film indastri men kai log unke sahyog se saflta prapt kar pae. unka svabhav atyant sahyogi tha. devanand, lata mangeshakar, asha bhonsle, bi. ar. chopra adi anek nam aise hain jinhen ashok kumar ji ne hi age barhne men madad ki. yahi karan tha ki unhen film indastri men atyant sammanajanak sthan prapt hua. sabhi unka samman karte the. film indastri men ve dada muni ke nam se prasiddh hue. dvitiyesh v labhesh brihaspati hain. brihaspati navam bhagya bhav men baithe hain. dhan bhav v labh bhav ke svami ka bhagya bhav men baithna shubh yog hai. yahi karan hai ki ve sanpann parivar men janme aur svayan bhi dhan v yash kamaya. parakramesh mangal chaturth bhav men baithakar dasham ko dekh rahe hain. lagnesh shani tritiya men baithe hain.
film lain se ashok kumar ka pahle koi sanbandh nahin tha. is kshetra men n to unki dilachaspi thi aur n hi unka koi anubhav tha. tritiya bhav ka lagn v dasham s sanbandh hi unhen is kshetra men laya. sath hi saptam men sthit shukra jo ki kunbh lagn ke lie yogkarak grah hai lagn ko purn drishti se dekh rahe hain aur film lain ke karak grah hain. shukra apne hi nakshatra aur labhesh brihaspati ke upanakshatra men hain. brihaspati bhagya bhav men sthit hokar lagn, lagnesh, pancham par purn drishti prabhav banae hue hain. kahne ka tatparya shukra se sanbandhit kshetra se labh ka spasht sanket mil raha hai. shani v mangal ka sanbandh takniki gyan pradata hai. lagn v navmansh donon men hi shani jo ki lagnesh hain mangal ki hi rashi men baithe hain. mangal ki purn drishti dasham bhav par lagn kundli men aur navansh kundli men lagn par hai. yahi karan hai ki ashok kumar ki ruchi teknolaeji men thi.
ashok kumar ko kaimra se lekar flor mainejment, saund, laits, prodakshan laib, editing, skript adi sabhi film nirman se jure takniki pahluon ki achchi jankari thi. janm ke samay ashok kumar ji ki mangal ki dasha thi jo lagabhag 9 mah chali. fir rahu ki mahadsha men unki shiksha sanpann hui. rahu nichbhang yogkari shani se yut hai. ketu aur brihaspati ke nakshatra v upanakshatra men donon se hi drisht bhi hai. rahu unke lie shubhafalaprad rahe. unki shiksha bina kisi badha ke sanpann hui. fir praranbh hui labhesh v dhanesh brihaspati ki mahadsha. brihaspati apne nakshatra men budh ke upanakshatra men hokar navamasth hai. ashok kumar ki kundli men shani v brihaspati ka purn drishti sanbandh hai. yah sanbandh keval lagn kundli men hi nahin varan navansh v dashmesh kundli men bhi bana hua hai. brihaspati guru grah kahe jate hain. brihaspati atyant shubh grah hai. unki shubhta ka prabhav ashok kumar ke sanpurn jivan men dekha ja sakta hai.
ve achche putra, bhai, pati, pita, dost sabhi kuch the. parde par jin bhumikaon ko nibhakar ve filmi duniya ke supar star bane ve sabhi bhumikaen unhonne apni riyal laif men bhi kin aur parde ki tarah riyal laif men bhi ve sabke hiro the. ve hansmukh vyaktitva vale the. unka vivah unki man ki pasand ki larki se hua. unhonne 50 sal tak sukhamay vaivahik jivan vyatit kiya. ve apni patni ka atyant samman karte the. parivarik jivan ki sabhi jimmedariyan unhonne bakhubi nibhai. saptam bhav men baithe shukra yadyapi saptam bhav ke sukh ko nyun karte hain kintu shukra apne hi nakshatra aur guru ke up nakshatra men sthit hain. yahan shukra sukhesh aur bhagyesh hokar yogkari shubh prabhav darsha rahe hain. pancham bhav par pancham ke karak grah brihaspati ka shubh prabhav hai jiske parinamasvarup unhen santan sukh bhi prapt hua. pancham men chandrama ki upasthiti ke parinamasvarup kanya santti adhik thi.
unke ek beta aur tin betiyan thin. brihaspati ki mahadsha men unka vivah hua, santanen huin aur unke kariyar ko unchai mili. unhonne dhan v shoharat sab kuch hasil kiya. brihaspati ke bad lagnesh shani ki mahadsha praranbh hui. shani ki dasha bhi kafi shubh fal pradata rahi. filmi duniya ke suparastar to ve ban hi chuke the. is avdhi men unhonne estrolaeji, shatranj, homyopaithi adi anek vishay jinmen unki ruchi thi ka gahan adhyayan karke apne gyan ko barhaya. unhen anek avard mile jinmen, sangit natak akadmi, filmafeyar avard, dada sahab falke v padm bhushan vishesh ullekhniya hain. unki mrityu hui 10-12-2001 ko, us samay unki ayu thi 90 varsh. akhiri samay tak unki yaddasht bahut tej thi. unki kundli men chandrama jo ki man ka karak grah hai sarvadhik bali v shubh prabhav men hai. chandrama parakramesh mangal ke nakshatra aur mangal chandrama ke nakshatra men hai.
lagnesh shani bhi tritiya bhav men baithe hain. shani bhi shubh prabhav men hai. isi karan unhen dirghayu prapt hui. chandrama ke panchamasth hone ke karan unhonne jis vishay ka gyan prapt karna chaha vah paya kyonki chandrama pancham ke labh bhav arthat tritiya bhav ke svami mangal ke nakshatra men hai. unki mrityu ke samay dasha chal rahi thi shukra/guru ki. lagn kundli men shukra saptam marak bhav men baithe hain. brihaspati dvitiya bhav ke svami hokar markesh hain aur ekadshesh bhi hain jo ki chathe se chatha bhav hai. gochar men chandrama ashtam men, shukra vrishchik aur guru mithun men gochar karte hue ek dusre se shadashtak yog bana rahe the. sadabhar, mastamaula, manviya mulyon aur sanskaron v sanvednaon se yukt, itni dher sari shakhsiyaton vala jamin se jura supar star n to baelivud men hua aur n hi hoga. ashok kumar kabhi n bhulae jane vale logon men sadaiv shamil rahenge.