dakshin men bhumigat jal srot mahilaon ki svasthya hani evan anchahe kharchon ka karak hota hai pan. gopal sharma kuch din purva ilahbad (uttar pradesh) ke ek vyapari ke ghar ka vastu nirikshan kiya gaya. batchit ke dauran unki patni ne bataya ki kafi samay se unka svasthya kharab hai, rirh ki haddi men bahut dard rahta hai. unki bahu ka svasthya bhi thik nahin rahta hai. unke bete ki shadi ko kafi varsh ho gae hain, parantu unke koi santan nahin hai. kuch samay se vyapar men bhi bhari nuksan ho raha hai. vyaparik samasyaon men uljhe rahne ke karan unke pati apne parivar ko samay nahin de pate. ghar men anchahe kharche lagatar bane rahte hain. vanshvriddhi n hone ke karan evan ganbhir arthik samasyaon ki vajah se har samay ghar men mansik tanav bana rahta hai. vastu nirikshan karne par nimnalikhit dosh pae gae. dakshin-pashchim men mukhyadvar tha jo ki ghar ke malik ke lie samasyaon ka karak hota hai. isse arthik evan svasthya sanbandhi pareshaniyan bani rahti hain evan malik ghar se dur rahta hai. dakshin men boring (bhumigat jal srot) ek ganbhir vastudosh hai jo ki mahilaon ke svasthya hani evan anchahe kharchon ka karak hota hai. rasoighar men dakshin ki taraf mukh karke khana banane se striyon ko svasthya sanbandhi kasht visheshtya sarvaikal, haddiyon men dard, kamar men dard adi hote hain. khana banane vali ki pith ki taraf dvar hone se bhi kamar tatha kandhon men dard hota hai. uttara-purva men shauchalay tha aur uttar purva men hi stor bana tha jo ki vanshvriddhi men badhak hota hai. is dosh ke falasvarup parivar ke sadasyon men mansik tanav bana rahta hai. vyapari ke putra ka shayanakaksh bhi uttara-purva men tha. yah dosh santan utpatti men badhak hota hai. dakshin tatha dakshin-pashchim ka khula hona evan uttar aur uttara-purva ke kone ka band hona bhi bhari kharch evan bimari ka karak hota hai. sujhav: dakshin-pashchim men bane mukhyadvar ko dakshin ki or sthanantrit karvaya gaya. dakshin men bani boring ko band karke gaddhe ko achchi tarah se band karvaya gaya aur pashchim men banane ki salah di gai, kyonki uttar, uttara-purva ya purva men jagah nahin thi. dakshin men rakhi gais ko dakshin purva men karvaya gaya aur purva ki or mukh karke khana banane ke ki salah di gai. gais ke samne purva ki taraf shisha lagvaya gaya taki darvaja dikh sake aur bar-bar piche murna n pare. uttar purva men bane shauchalay ko pashchim men baithak ke sath banane ke lie kaha gaya. uttara-purva ke shauchalay ki jagah halke saman ka stor aur stor ki jagah mandir banane ki salah di gai. vyapari ke putra ke shayan kaksh ko unke apne shayan kaksh, jo ki uttar, uttara-pashchim men tha, se apas men badlne ke lie kaha gaya. dakshin aur dakshin-pashchim men age ki taraf shauchalay ki sidh men kuch hissa plastik shit se kavar karne ko kaha gaya. is tarah vyapari mahoday ko parivar ki mahilaon ke anukul svasthya, vanshvriddhi tatha vyapar men unnati ke lie uparyukt upay batakar unhen karyanvit karne ki salah di gai.
Kya aapko lekh pasand aaya?
Subscribe