uttara: sabse pahle apke prashn ka uttar diya ja raha hai. yadi apke ghar se laga hua koi jamin uttara-purva men ho to use behichak kharida ja sakta hai. uttara-purva disha men ghar ka hissa jitna barha ho vah utna hi achcha tatha sukh, samriddhi evan aishvaryadayak hota hai. apke ghar ka dakshin-purva ka kona barha hua hai tatha khali bhi hai. yah bara vastudosh hai. dakshin-pashchim ka kona barha hone ke karan ghar ke malik evan sadasyon ko har prakar ki sharirik, mansik evan arthik samasyaon se jujhna parta hai. ghar ke sadasyon ke bich apsi matbhed hote rahte hain. dakshin-pashchim men khali jagah men nirman kar ek kamra banaen. ghar ke malik ka us kamre men rahna behatar hoga. dakshin-purva aur dakshin-pashchim ke kone ko har hal men samkon (900) banaen. apki rasoi thik sthan par hai. apke ghar men dakshin-purva men bhumigat pani ka taink hai. yah achcha nahin hai, isse santan ko sadaiv pareshani ki sanbhavna rahti hai tatha grih svami ke man-samman tatha yash men kami ati hai. atah dakshin-purva se har halat men pani ki tanki hatakar use purva men bhumigat banaen athva dakshin-pashchim men ovrhed taink banvaen. in upayon ko kar dene se apka jivan behatar ho jaega tatha apke bhagya ka dvar khul jaega. prashna: meri arthik sthiti achchi nahin hai. vyapar men nuksan se kai jhatke kha chuka hun. rog, chinta evan bimari picha chorne ka nam nahin le raha. apne ghar ka naksha sanlagn kar raha hun. kripya dekhakar vastu dosh batayen tatha unka sahi upay bhi bataen taki jivan behatar ho sake. uttara: apke ghar men anek vastu dosh hain jiske karan apke jivan men kasht aur pareshaniyon ki bahutayat hai. yadi ap inka samadhan kar len to nishchit rup se apka jivan behatar ho jaega. apke ghar ka dakshin-pashchim men puja ghar hai, dakshin-purva ka hissa atyadhik khula hai. pashchim kona kata hua hai. ise age sirhiyon tak banakar sam chairas karen. ho sake to uttar men avasthit kichen ko dakshin-purva ki or le jayen. dakshin-purva men atyadhik khula sthan hona bhi apki pareshani ka karan hai. is or kamra vagairah banakar iski uchit vyavastha karen. gest rum kafi bara hai ise bhi adha lekar ap dakshin-purva men ek kamra nirmit kar sakte hain. yadi ap uparyukt upay kar dete hain to bahut had tak apko apni chinta, ashanti, rog tatha arthik pareshani se nijat pane men saflta milegi. prashna: mere ghar men sabhi sadasyon ko aksar svasthya sanbandhi pareshani rahti hai. ek-ek kar sabhi sadasya bimar hote rahte hain. khasakar meri patni ka svasthya to bahut kharab rahta hai. sabhi sadasyon ka svabhav chirchira ho gaya hai. parosiyon se bhi jhagre hote rahte hain. arthik sthiti bhi thik nahin hai. main apne ghar ka naksha bhej raha hun. kripya ise dekhakar uchit samadhan bataen taki ham pareshaniyon se chutkara pa saken tatha sabka svasthya thik rahe. -khushiram mahajan, ludhiyana uttara: apke makan men uttara-purva men rasoighar bhari kharche, mansik samasyaen tatha svasthya kasht ka karan hain. dakshin-purva ka bhumigat jal srot durghatana, grih svami ke man-samman men kami, putra ki samasya tatha larai-jhagre evan mansik kasht deta hai. sabse adhik pira mahilaon ko jhelni parti hai. unka svasthya aksar kharab rahta hai. sirhiyon ke niche shauchalay vyapar evan buddhi ko nasht karta hai tatha vyakti sahi nirnay nahin le pata. ap apna dakshin-purva disha men bana hua bhumigat taink band karvakar use uttar athva uttara-purva men karen. rasoi ko dakshin-purva men karvane ka prabandh karen. uttara-pashchim men baithak ko thora age barhakar uttara-pashchim kshetra ko yathasanbhav dhankne ka prayas karen. chunki rasoighar adhik pareshani ka karan ban raha hai islie antrik sajja men bhi apko thik se dhyan rakhakar sabhi vastuon ka samanjan karna chahie. jaise ki gais hamesha dakshin-purva men rakhna chahie. pani uttar, purva ya uttara-purva men rakhen. aisi vyavastha ho ki khana banate samay hamesha grihini ka munh purva ki or rahe. sink aur chulha ke bich apekshit duri honi chahie tatha inhen ek sidh ya amne-samne nahin hona chahie. yadi ap in baton ka dhyan rakhte hue upar die gaye sujhavon ka anupalan karte hain to nishchit rup se apki sari samasyaen dur hongi.
Kya aapko lekh pasand aaya?
Subscribe