saral upay hi totke kahlate hain. in upayon men ghar men upalabdh vastuon ka hi upyog kiya jata hai. sadharan mantra ya puja-path hi in upayon men faldayi hote hain. kisi pandit adi ki sahayta ki avashyakta nahin hoti evan iske viprit parinamon ka bhi sandeh nahin rahta hai.
kuch samay purva ki bat hai ek mitra milne ae, jo bahut ghabrae hue the. lobh ke karan vyapar men unhonne kuch aisi galtiyan ki thin jiske karan sarkari vibhag men unki shikayat ho gai aur sanbandhit vibhag ne un par karravai shuru kar di. unki janmapatri dekhi to unki sarhesati apne charam par chal rahi thi. turant hi unko sarhesati ke kashton ke nivaran hetu nimnalikhit upay batae jinko unhonne bari shraddha se kiya aur kuch samay pashchat vah kes kagjon men hi dab kar khatm ho gaya. tab jakar unhen chain ki sans ai lekin tab tak unki sarhesati bhi utar par a chuki thi.
shani ke upay is prakar hain -
- pratyek shanivar sarsane tel men apni chaya dekhakar dakaut ko dan den. isse shani grah se sanbandhit kasht kam hote hain.
- shani janit bhay se mukti hetu pratidin hanuman chalisa ka path karen.
- sundrkand ka path pratidin is prakar karen ki shanivar se praranbh hokar shukravar ko samapt hon. isse sabhi vyavsayik samasyaen v sarkari paksh se hone vali chintaen samapt ho jati hain. yah ek achuk upay hai.
- pratidin shani mantra - un pran prin praun sah shanaishcharay namah mantra ka jap rudraksh ki mala par 108 bar karen. isse sakaratmak shakti barhakar karya sanpadan karne ki sharirik v mansik kshamata men gunatmak vriddhi hoti hai.
- shani ke jagrit v siddh mandir ke darshan karen v tel charhaen.
- shani pira nivaran ke lie yah totka karen - shukravar ko pani men sava kilo kale chane bhigo den, shanivar ko unhen nikalakar kale kapre par rakh len, sath men ek kachcha koyla, ek sikka v chutki bhar kale til dal kar potli bandh len, tatpashchat is potli ko sat bar apne sir ke upar se ghuma kar yamuna ji (jo ki shani ki bahan mani jati hanai) ke jal men pravahit kar den.
ise pravahit karne ke lie koi bhi vyakti ja sakta hai v ise subah se sham tak kisi bhi samay pravahit kiya ja sakta hai. ath shanivar uprokt totke ko karne se shanikrit sanpurn kashton ka samadhan ho jata hai.
isi prakar anyanya kasht manushya ke jivan men ate rahte hain jinke nivaran hetu kuch prachlit totkon ka vivaran is prakar hai -
svasthya labh ke lie:
1. pratidin suryoday ke samay bhagvan surya ko gayatri mantra ka uchcharan karte hue aghrya den tatha surya ki sat parikrama karen v surya ko namaskar karen.
2. yadi koi vyakti ganbhir rog se grast ho to 64 akshariya mahamrityunjay mantra ka sava lakh jap karaen -
un hau jun sah un bhurbhuvah svah
un tryambakan yajamhe sugandhin pushtivardhanam.
urvarukmiv bandhnanmrityormukshiya ma'mritat..
un svah bhuvah bhuah un sah jun hau un
achchi parhai ke hetu
4 mukhi, 6 mukhi v ganesh rudraksh ka laeket dharan karen evan kesar haldi ka tilak pratidin mathe par lagaen. un ain mahasarasvatyai namah mantra ki ek mala jap nitya prati karen.
arthik samasya se chutkara pane hetu
1. guruvar ko gay ko do ate ke pere par thora haldi lagakar khilaen. iske sath hi gur v chane ki pili dal ka bhog gay ko lagana shubh hota hai.
2. ghar men sfatik shriyantra v karya sthal par suryamni shriyantra sthapit karen tatha shrisukt v lakshmisukt ka nityaprati path karen. kuber yantra ko uÿar disha men sthapit karen. ath chuare lal kapre men bandhakar tijori men rakhen.
faiktri, mashin, udyog adi men samasya nivaran hetu
1. kai bar ek mashin ke n kam karne se puri utpadkta prabhavit ho jati hai. jo mashin kam n kar rahi ho us par vishvakarma ki puja karke matsya yantra chipka den tatha nityaprati dhup dipadi se puja karen.
2. karmachariyon ke pareshan karne par kali rai lekar pure karyalay v karyalay parisar men dalen.
3. yadi vyapar men labh kam ho to 16 chuare lal kapre mane bandhakar mandir men rakhen v vyapar vriddhi yantra karyalay men sthapit karen.
naukri sanbandhi pareshani nivaran hetu
apne se juniyar v sathiyon ko jalpan karaen. nimn varg ko dhan rashi den tatha varishth logon ki agya ka palan karen. shadi men rukavat dur karne hetu
1. 16 shukravar 9 varsh se kam ayu ki kanyaon ko khir mishrit prasad banten, khatta n khaen v parvati ko shanrigar ka saman charhaen.
2. apni lanbai ke barabar mauli lekar somvar ko parvati ki pratima v shivling donon ke irda-gird bandh den. uske uprant shivling par dudh charhaen.
3. apni umra ke barabar lal-kale rang ki raÿiayon ke bij lekar ek-ek karke apni manokamna yad karte hue sukhe kuen men dal den. ichchit pati prapti ke lie nimnankit mantra ki ek mala nityaprati japen -
un katyayni mahamaye! mahayoginyadhishvari. nandagopsute devi! patin me kuru te namah.
manglik dosh nivaran hetu
1. yadi kanya ki janmapatri men manglik v shani dosh ho to uske nivaran hetu vivah se purva vishnu vivah karvaen.
2. yadi larke ki kundli men manglik v shani dosh ho to ghat vivah karvane se nivaran ho jata hai.
santan prapti ke lie:
1. santan gopal mantra ka sava lakh jap santan prapti mala par karvaen.
2. mung ki dal ka namkin ya ankurit rup men adhikadhik prayog karen. pratidin kesar ka tilak karen. laddu gopal ki murti ghar ke mandir men rakhen. ghar men mor pankh rakhen. nimn mantra ka 108 bar jap karen.
sarvabadha vinirmukto dhan dhanya sutanvitah. manushyo matprasaden bhavishyati n sanshyah..
nazar dosh hetu
1. sarson ke tel ki baÿai jalakar sharir par se sat bar utara karen v baÿai ko ghar se bahar chairahe par ya pipal ke per ke niche chor den. utara karte hue yadi baÿai chatke ya lau niche tapke to nazar dosh ka sanket deti hai.
2. sat sabut lal mirch lekar sat bar utara karen aur fir un mirchon ko jala den. yadi mirchi ki bu n aye to nazar dosh samjhen.
ghar se nakaratmak parashaktiyon ko hatane hetu:
1. ek kanch ke gilas men pani men namak milakar ghar ke nairritya ke kone men rakh dijiye aur uske piche lal rang ka ek balb laga dijiye, jab bhi pani sukh jaye to us gilas ko fir se saf karne ke bad namak milakar pani bhar dijiye.
2. ghar men poncha lagane ke pani men thori si fitkri milane se bhi nakaratmakata kam hoti hai.
isht dev ki siddhi ke lie
ekant kamre men jamin par uttar ki taraf munh karke palthi marakar baith jayane, donon ankhon ko band karne ke bad ankhon ki drishti ko nak ke upar vale hisse men le jane ki koshish karane v dhire-dhire rojana das se bis minat ka abhyas karane. lekin is kam ko karne ke bich men kisi bhi prakar ke vichar dimag men nahin lane chahiye. apko apke isht ki siddhi sugmta se ho jayegi. asha hai ki pathak gan uprokt totkon se avashya hi labhanvit honge.