beno janm se hi drishtihin hai. halanki unke mata-pita aur bare bhai sabhi bilkul samanya hain par beno ko prabhu ne apni antratma ke netron se hi itni drishti dekar is duniya men bheja ki unhonne apni mehanat, lagan aur apne bhagya par bharosa kar itna bara mukam hasil kiya. beno ke mata-pita ne uska nam bahut sochakar rakha tha. beno ka matalab hai ishvar aur jefain ka matalab hai khajana arthat apne mammi papa ke lie beno us vakt bhi ishvar ka khajana thin aur aj bhi usne unke diye nam ko sakar kar dikha diya. beno bachapan se hi parhai men bahut tej thi. uske skul men sabhi drishtihin bachche parhte the. lekin vah klas men sabse adhik batuni aur kisi bhi vishay par bolne men chust. usmen gajab ka atmavishvas tha. isilie lagabhag har pratiyogita men chahe skul ho ya skul ke bahar, beno ka avval ana tay tha. unke jivan ke safar men unke mata-pita ne bahut sahyog kiya.
unke mata-pita unki donon ankhane bane aur ve unke kors ki kitaben bar-bar jor-jor se parhakar use sunate the. yah unke lie bahut hi mahatvapurn aur aham karya tha. beno kahti hai ki usne unhin ki ankhane se shabdon ko parha. unke pitaji ne to apni jindgi men bas do hi kam tay kar liye the- ek apne aefis ka kam karna aur dusra beno ke lie kitaben dhunrhna tatha yah pata lagana ki kiski madad se vo adhik asani se parh sakti hai. beno ne laeyla kaelej madras yunivarsiti se angeraji men em. e. kiya aur sivil sarvis ki taiyari karti rahi. dusre prayas men hi usne sivil sarvisej egjam pas kar liya aur pure desh men usko 343vin raink prapt hui.
beno ko spich dene aur dibet ka bahut shauk hai iska bahut bara karan hai uski pojitiv urja. beno jab choti thi to apne as-pas bahut negetiviti mahsus karti thi. lekin usne apne parijnon ko manaya ki main jaisi hun, mujhe vaise hi svikar karo aur sahanubhuti dekar kamjor mat karo. islie usne sada hi apni pojitiv urja ko barhaya aur kabhi bhi negetiv urja ko apne upar havi nahin hone diya. usne paryavaran, kainsar, jal sanrakshan jaise ganbhir vishyon par jankari purn aur prerak bhashan dekar anek evard jite hain. beno ko bachapan se hi rediyo par khabren sunne ki adat thi jisse use apna samanya gyan barhane men bahut madad mili.
2013 men beno ko stet baink aef indiya men bataur probeshnri afasar naukri mili. baink ne unhen dube hue karj ki vasuli ka kam diya. is jimmedari ko unhonne itne achche se nibhaya ki ve ‘vasuli rani’ ke nam se mashhur ho gain. unhonne kabhi apne mulyon se samjhauta nahin kiya aur imandari se apna karya kiya. pahle to beno shikshak ya vakil banna chahti thi parantu jab ek bar usne paros men kisi ko pani barbad karne par toka to sunne ko mila ‘lo a gai kalaktar sahiba’ tabhi usne yah tay kar liya ki ai. e. es bananugi aur aj apne iradon men kamyab bhi ho gai. har mil ke patthar par likh do yah ibarat bhi. manjil milti nahin nakam iradon se..
yu. pi. es. si. ki pariksha ki taiyari beno ne apni naukri ke dauran hi shuru kar di thi. vibhinn vishyon ki parhai ke lie kitabane ko skain karvakar kanpyutar par rakha aur fir ek saeftaveyar ki madad se parhne ki koshish karti thi. jo kitabane skain nahin ho pati thi unhen man ne unhen parhakar sunaya. pahli koshish men beno ko kamyabi nahin mili par majbut iradon vali beno nirash nahin huin. unhonne dubara pariksha di aur usmen 343 vin raink se pas hui. kisi uddeshya ke lie khare hoo to per ki tarah khare hoo aur giro to us bij ki tarah jo vapis uth kar apne usi uddeshya ko hasil karne ki larai men lag jata hai. beno ke anusar unki kamyabi unke mata-pita ki mehanat v ashirvad ka natija hai. rah men dikkaten anek thin par asanbhav kuch nahin tha. manjil to mil hi jati hai bhatak kar hi sahi.
gumrah to ve log hain jo ghar se nikle hi nahin. unke anusar ham sabko destini par bharosa rakhna chahie. ummid kabhi nahin chorni chahie. chahe vah dekh nahin sakti lekin usne apne lie ek destini chun li aur apni chahat ki rah ko kabhi rok nahin lagai. use uske parivar valane ne yahi kaha ki tum jahan tak urna chahti ho, sapne dekhna chahti ho dekho, usne sada paejitiviti ko apnaya isilie beno ki jindgi men sab kuch samanya rup se ghatta raha aur vah apne jivan ko samanya rup se jiti rahi aur apne sapnane ko sakar bhi kar liya. beno ke anusar netrahinane ke lie parhai-likhai ke kshetra men bahut kuch karne ki jarurat hai.
sarkar ko unke lie adhik se adhik kors maitiriyal upalabdh karana chahie kyonki unhen apni parhai men bahut kathinaiyon ka samna karna para. unke mata-pita ne unka bahut sahyog kiya aur apna pura jivan beno ki parhai ke lie samarpit kar diya. lekin har kisi netrahin ke mata-pita ke lie yah sanbhav nahin hai. islie sarkar ko netrahinane ke lie paryapt suvidhaen avashya jutani chahiye kyonki beno ki tarah aur bhi bahut se netrahin desh ke nirman aur vikas ke lie kuch kar sakne ki kshamata rakhte hain aur ve kisi se kam nahin hain. yahi karan hai ki bharat sarkar ne beno ki yogyata aur kshamata dekhte hue unhen ai. ef. es. ki post par niyukt kiya hai aur pure desh ko beno se bahut ashaen hain ki ve nishchit rup se apna best dene ki koshish karengi aur netrahinane ke bhavishya men sudhar ke lie bhi kuch aisa karengi jo mil ka patthar sabit ho) beno sabhi ko yahi motiveshan dena chahti hain ki niyamon aur kaydon men bandhe rahne ke bavjud har vyakti apne motiveshan ko banae rakhe ya fir kisi aur ki motiveshan ko barhane men madad kare to hamare samaj men yah ek bahut bari upalabdhi hogi.
beno vastav men un sab vyaktiyon ke lie ek adarsh hain jo sab kuch hote hue bhi har choti chij ke lie dusron ko doshi thahrate hain ya fir khud ko hi koste rahte hain. unhen bhagvan ka dhanyavad karna chahie ki unhen itna sundar jivan mila hai to iska sadupyog karen, jivan men apna uddeshya evan lakshya banaen aur fir us lakshya ki prapti ke lie ji jan se jut jaen tabhi saflta apke kadam chumegi. pojitiviti yani sakaratmak soch/atm vishvas rakhne se hi milti hai. beno iska jita jagta udaharan hai jisne netrahin hote hue bhi kabhi negetiviti yani nakaratmakata/hin bhavna ko apne pas nahin fatkne diya aur apni yogyata aur kshamata ko nirantar barhate hue apni mehanat aur lagan se apne lakshya ko prapt kar liya.
kundli vishleshan beno ki janmakundli men lagnesh chandrama apne se shashth bhav men hai aur lagn men ketu hai. samanya drishti se to uski janmakundli men janmandh hone ka koi yog nahin dikhai parta hai. parantu jatak parijat men chandra se chaisthven navansh ke svami evan lagn se baisvane dreshkan ke svami ko chidra grah mana gaya hai. prayah ye arisht fal utpann karte hain. is kundli men chandra lagnesh hokar chathe bhav men baithe hain atah chandra se ashtam men kark rashi hui jo ki chaisthven navansh ka svami hai aur yahan ketu ki sthiti evan shani (jo 22ven dreshkan ka svami hai) ki lagn ko purn drishti se beno janm se netrahin hai. jyotikarak grah surya aur chandrama yadi dushit grahon arthat trik bhav ke svami se sanbandh rakhte hon to bhi netron men vikar a jata hai aur yadi aisi sthiti men shukra bhi trik bhav se sanbandh bana le to netrahinta ke yog bante hain.
beno ki kundli men chandra chathe bhav men sthit hokar shashthesh dvadashasth guru se drisht hai tatha surya dvadshesh budh se yuti men hai aur shukra ashtam bhav men shatru grah mangal ke sath sthit hai tatha dvitiya bhav ko drishti de raha hai. inhin sab yogon ke karan beno ka netrahin janm hua. lekin shukra aur yogkarak mangal ki vani bhav par drishti ne use atyant ojasvi vani tatha dibet karne yogya buddhi aur dimag bhi diya. aisa lagta hai ki saubhagya ke karak grahon chandra, shukra, guru v mangal ke chathe, athven v barhven bhav men sthit hone ke karan hi uske jivan men andhera ho gaya. parantu dasham bhav men sthit uchch rashisth surya pradatt rajyog ne inke jivan men ujala bhar diya.
isi tarah bhagyesh guru aur lagnesh chandrama ka paraspar drishti sanbandh hone se beno men sakaratmak soch aur apne jivan mulyon ke prati adhik jagrukta, imandari aur kartavya paraynta ke gun a gaye. beno ki kundli men shani kendra men saptam bhav men svarashi men sthit hokar shash namak panch mahapurush yog bana rahe hain. svarashisth shani rahu se yukt ho jane par shash yog ko char guna adhik bali kar de rahe hain. iske atirikt dasham bhav men uchch rashisth surya vargottami hai. inhin paryapt bali grahon ke yog ke bal par sadharan parivar men janmi netrahin beno itni bari ai. ef. es. jaisi uchch pad-pratishtha vali naukri prapt karne men kamyab hui. chaturthesh aur dashmesh mangal v shukra ki ek sath ashtam bhav men yuti tatha donon par bhagyesh brihaspati ki drishti hone se inhen apne mata-pita se bahut adhik sahyog prapt hua aur unhonne apni yogyata se mata-pita ka nam desh-videsh men roshan kiya.
bhagyesh guru ki dvisvabhav rashi mithun men barhven sthan men sthiti tatha dvadshesh ki karm sthan char rashi mesh men sthiti tatha lagnesh chandra ki dvadash bhav par drishti hone se inka bhartiya videsh seva ‘ai. ef. es.’ men chayan ho paya. manik chand jain ki likhi pustak ‘karmik kantrol plainet’’ ke anusar yadi karmik kantrol plainet (rahu evan ketu sthit rashi ke svami) surya ya chandrama hane aur uska shashthesh ya dashmesh se sanbandh ho to yah yog vyakti ko sivil sarvisej men naukri dilata hai. yahan ketu sthit rashi ka svami chand chathe bhav men hai aur shashthesh guru ko purn drishti se dekh rahe hain islie yah yog lagu ho raha hai.
navansh kundli ka vichar karen to shukra aur surya apne uchch navansh men sthit hanai, shani aur mangal sva navansh men sthit hanai arthat navansh kundli men adhikatam grah shubh tatha balvan hone se beno men gajab ka atmavishvas tatha ashavadi soch bani aur isi ashavadi soch ne use apni manjil tak pahunchaya.