totkon ka adbhut sansar  

dhan sanbandhit totke

• yadi dhan kahin fans gaya ho ya koi udhar n lauta raha ho to rojana subah 11 bij lal mircha ke jal men dalakar surya bhagvan ko charhana chahiye aur ‘‘un adityay namah’’ mantra ka jap karte huye surya bhagvan se dhan vapsi ki prarthana karni chahiye, dhan jarur vaps ata hai.
• yadi dhan ki uchit kami ho ya dhan kahin fans gaya ho to shukla paksh ke kisi guruvar se shuru kar apne mathe par rojana kesar va chandan ka tilak lagana shuru kar dena chahiye. iske atirikt pratyek guruvar ko ram darbar ke samne dandavat pranam kar apni ichcha jahir karni chahiye, shighra dhan labh hota hai.
• yadi hamesha hi dhan ki kami pareshan karti ho to shukla paksha ke pratham shukravar se shuru kar 21 shukravar tak ath varsh tak ki 5 kanyaon ko khir v mishri khilana chahiye aur unke charan chukar mata rani se dhan labh ki prarthana karni chahiye. man ki kripa avashya prapta hoti hai.
• yadi dhan sanbandhit kasht adhik ha rahe hon to kisi bhi mandir men kisi shubh muhurt men kele ke do nar va mada paudhe lagane chahiye aur unki dekhbhal karni chahiye. jab ve paudhe fal dene lagenge to dhan sanbandhit kashta svatah hi samapt ho jate hain.
• ghar ya karyalay mane lakshmi prapti ke liye uttar disha ki divar ke sath ek sundar sa favvara rakhna chahiye ya ek ekveriyam rakhna chahiye jismen ath sunhri v ek kali machli ho.
• yadi ay se adhik vyay ho ya bachat n ho rahi ho to dhyan den ki ghar par koi bhi nal lik n kar raha ho v dudh ya chay ublte samy gire nahin varna anavashyak kharch hone lagta hai.
• yadi arthik sthiti thik n ho to shukla paksh ke pratham shukravar ko hare hakik ki 54 nagon ki mala man lakshmi ji ko charhani chahiye, arthik sthiti thik hone lagti hai.
• yadi dhan tikta n ho to shukla paksh ke kisi shanivar se shuru kar pratyek shanivar ko kale kutte ko tel se chupri roti khilani chahiye. tatpashchat bhagvan se apni manokamna kahni chahiye. dhan tikne lagega.

vyapar sanbandhit totke

• yadi vyapar thik n chal raha ho to shukla paksh ke kisi bhi din se shuru kar apne vyaparik sthal ke darvaje ke bahar ki or donon tarf gehun ka ek ek mutthi ata dal den aur aisa 43 din lagatar karen, vyapar thik chalne lagta hai.
• yadi vyapar thik n chal raha ho to kisi anya safal vyapari ke yahan se shanivar ko koi lohe ki vastu apne yahan lekar ayen. apne vyapar sthal par kahin bhi ek haldi ka svastik banayen, us par thore se kale sabut urad rakhen aur uske upar vah lohe ki vastu rakh den. vyapar ke chalne ke yog bhi banne lagenge.
• yadi vyapar men barhottari n ho rahi ho to iske liye vyaparik sthal ke puja ghar men abhimantrit shri yantra rakhakar rojana dipak jala kar puja karni chahiye, vyapar barhne lagta hai.
• yadi kisi karobar men koi nuksan ho raha ho ya jhagde vala mahaul ho to apne vajan ke barabr kachcha koyla bahte pani men bahana chahiye, labh milta hai.
• dukan ya vyavsay ki bikri barhane ke liye shukla paksh ke prathm shukravar ko panch gomti chakra lal vastra men bandh kar apni dukan ki chaikhat se bandh dena chahiye, dhan labh bhi hone lagega.
• dukan ya vyavsay ki bikri barhane ke liye shukla paksh ke prathm shanivar se shuru kar 7 din rojana darvaje par safed sarson rakhni chahiye, bikri barh jati hai.
• yadi vyavsay men karmachari chor kar chale jate hon to kisi shanivar ko raste men pari hui koi kil lekar bhains ke mutra se dho len aur apne vyavsay sthal par gar den. kam karte samay karmachariyon ka mukh purva ya uttar disha ki or vyavasthit karen, karmachari sthir ho jayenge.

naukri se sanbandhit totke

• yadi naukri nahin mil rahi ho ya pramoshan n ho raha ho to kisi tale ki dukan men shukravar ko jakr stil ka tala bina janche v khole kharid lena chahiye. shukravar ki rat vah tala shayanakaksh men rakhakar aur shanivar subah naha dhokar us tale ko kisi mandir ya gurudvare men rakh dena chahiye. jab bhi koi us tale ko kholega, jatak ki kismat ka tala apne ap hi khul jayega aur naukri se sanbandhit pareshaniyan dur hone lagengi.
• yadi manpsand naukri nahin mil rahi ho to ek kala kanbal kisi garib ko dan karna chahiye v 108 mankon vali 6 mukhi rudraksh ki vah mala pahnni chahiye jismen pratyek rudraksh ke bad ek chandi ka moti laga ho, shighra manokamna puri hoti hai.
• yadi shighra naukri prapti men badha a rahi ho to ek 12 mukhi rudraksha ki mala ko abhimantrit kar dharn karna chahiye, shighra naukri mil jati hai.
• yadi naukri men pramoshan nahin ho raha ho to pratyek guruvar mandir men pili vastuon ka dan dena shuru kar dena chahiye aur roj subah ghas par nange panv chalna chahiye, shighra pramoshan hota hai.
• yadi naukri jane ka khatra ho ya transafar rukvana ho to 5 gram ek hi dali vala surma lekar shanivar ke din use kisi viran jagh par gar dena chahiye. garne vala aujar bhi vahin chor dena chahiye. aisa 2 shanivar lagatar karne se avashya labh hota hai.

svasthya se sanbandhit totke

• yadi koi vyakti raktachap ya dipreshan se pareshan hai to use ravivar ki rat ko 325 gram dudh sirhane rakhakar so jana chahiye. somvar subah us dudh ko kikar ya pipl ki jar men dal dena chahiye. aisa 5 ravivar lagatar karne se aram milta hai.
• yadi kisi rogi ka bukhar, dava lene ke bavjud bhi utar n raha ho to ek ak ke paudhe ki jar ko kisi kapde men bandh kar use rogi ke kan ke sath bandh dena chahiye. dhire-dhire bukhar utar jata hai.
• lagatar bukhar rahne par ichchanusar chini, chaval, dudh v petha lekar use rogi ke upar se var kar kisi dharmik sthal par langar adi ke liye dan kar dena chahiye, bukhar utrne lagta hai.
• yadi tayfaid se pareshan hon to pratidin nariyal pani pina chahiye, rog thik hone lagta hai.
• yadi kisi bachche ka svasthya bar-bar kharab hota ho to kisi manglvar ko kachcha dudh 11 bar bachche ke upar se var kar kisi kutte ko sham ke samay de dena chahiye, bachche ko svasthya labh hoga.
• yadi kisi bachche ka svasthya bar-bar kharab hota ho to bachche ke rashi svami ke var ke din ek kala dhaga lekar usmen ‘un namo bhagvte vasudevay’’ mantra ka jap karte huye thori-thori duri par 7 ganthen laga kar us dhage ko bachche ke gale men pahna dena chahiye, bachche ko svasthya labh hoga.
• kisi vayask vyakti ke lanbe bimar hone par uske shayanakaksh men palang ke pas sendha namak kisi kanch ki katori men rakh dena chahiye, dava ka asar teji se hone lagega.
• maigren ya adha sisi ka darda hone par pirit vyakti ko manglvar ko suryoday ke samay kisi chairahe par ek gur ka dala lekar jana chahiye. vahan dakshin mukhi khade hokr gur ko danton se do tukdon men bant kar donon tukde usi chairahe par fenk dene ke bad vapas a jana chahiye. aisa lagatar 5 manglvar karna chahiye parantu aisa karte samy n to kisi se bolen aur n hi koi apko pukare. labh avashya hota hai.

vivah sanbandhit totke

• yadi kisi kanya ke vivah men badha a rahi ho to somvar ke din bhagvan shiv ke samne 5 puja vale nariyal rakhakar ‘‘un shri var praday shri namah’’ mantra ki 5 mala jap kar panchon nariyal bhagvan ko charhayen, vivah ke raste men ane vali badhayen dur hone lagti hain.
• vivah badha hone par vivah yogya kanya yadi pratyek somvar ko subh shivling par dudh mile jal ko charhaye aur rudraksh ki mala par ‘‘un seameshvaray namah’’ mantra ki ek mala jap kare to vivah shighra hota hai.
• yadi kisi ke prem vivah men badha a rahi ho to shukla paksh ke kisi guruvar se shuru kar rojana sfatik ki mala par vishnu lakshmi ki foto ya murti ke samne ‘‘un lakshmi naraynay namah’’ mantra ki 3 mala ka jap karna chahiye. pratyek guruvar ko mandir men pili vastuon ka bhi dan dena chahiye, badhayen dur hona shuru ho jayengi.

vividh totke

• yadi kisi vyakti ka makan, dukan ya jamin n bik rahi ho to us vyakti ko shanivar ke din bajar se ginti kar 86 sabut badam chilke sahit kharid kar ghar lana chahiye. agle din ravivar ko subah naha dhokar bina kuch khaye 2 badam lekar shiv mandir jakr bhagvan shiv ya shivling ke age rakhakar bhagvan se jamin bechne ki prarthana karen aur ek badam vapis ghar lakar kahin alag rakh den. aisa 43 din karna chahiye aur ant men ghar par ikatthe huye 43 badam kisi bahte jal men pravahit kar dena chahiye, sauda jarur ho jata hai. yadi 43 din se pahle hi sauda ho jaye to bhi upay pura karna chahiye.
• kisi bhi tarah ki pareshani hone par guruvar se shuru kar ek tanbe ke patra men saf jal bhar kar lal chandan mila kar rat ko use sirhane rakhakar so jana chahiye. subah naha dhokar us jal ko tulsi men dal dena chahiye. dhire-dhire pareshaniyan dur hone lagengi.
• kort kes men vijay ke liye thore se chaval tarikh ke din kort men kahin bhi fenk dena chahiye. apne kes vale rum men hi fekenge to adhik labh hoga. dhyan rahe ki aisa karte samay koi ap ko dekh n raha ho.
• kisi tarah ki mansik pareshani ho to rojana hanuman chalisa ka path karna chahiye. shanivar ko shanidev par sarson ka tel charha kar apni pahni hui chappal kisi bhi garib ko dan kar deni chahiye, mansik pareshani dur hone lagti hai.
• yadi naukar n tik raha ho ya pareshan kar raha ho to 4 manglvar ko mithi bundi ka prasad mandir men charha kar larkiyon men bant dena chahiye, pareshani dur hone lagegi.
• yadi bante kam bigar rahe hon ya haradam koi pareshani lagi rahti ho to har manglvar ko mithi bundi ka prasad hanuman ji ke charnon men charha kar garibon men bant dena chahiye, labh hoga.
• bigre pati ko vash men karne ke liye shukla paksh men guruvar se shuru kar 43 din tak ek pan ka pura patta lekar us par kesar v chandn ka thora sa bura rakhna chahiye. fir durga man ke samne baith kar durga stuti men se chandi stotra ka path kar bure ka tilak lagana chahiye aur tilak laga kar pati ya pati ki foto ke samne jana chahiye. pan ke patte ikatthe kar 43 din ke pashchat unhen jal pravah kar dena chahiye, shighra hi labh hone lagta hai.
• kisi jaruri kam ke liye bahr jane se pahle char laung gare ek nibu par ‘‘un shri hanumte namah’’ ka 21 bar jap kar us nibu ko sath lekar jane se karya men nishchit hi saflta milti hai.
• ghar ya karyalay ko najar dosh se bachane ke liye kaeman kaksh men 6 mor pankh rakhna chahiye.
• karyon men saflta ke liye ek mitti ka bana sher budhvar ko durga man ke charnon men charha dene se labh milta hai.