- dipavli ki ratri men lakshmi pujan karte vakt gyarah kauriyan gangajal se shuddh kar lakshmi ji ko charhaen, haldi, kunkum lagaen (kauriyon ko bhi). agle din kauriyon ko ek lal kapre men bandh kar tijori men ya vyavsay sthal par rakhen isse dhan ki vriddhi hoti hai.
- dipavli ki ratri men pujan ke pashchat nau gomti chakra tijori men sthapit karne se varsh bhar samriddhi v khushhali bani rahti hai.
book shani shanti puja for diwali
- dipavli ke din kali haldi lekar shuddh karke dhup dip dikha kar, uske sath panch sabut supariyan aur panch kauriyan lal kapre men bandhakar dipavli pujan men chandi ki katori ya thali men rakhen. dhup, dip, naivedya, se pujan karen, prarthana karen. ratri bhar puja men rakhne ke pashchat agle din apni tijori men rakhen, man lakshmi ji ki kripa bani rahegi.
- ghar men dhan tikne ke lie narak chaturdashi ke din lal chandan, lal gulab ke panch ful aur roli lal kapre men bandh kar, dhup dip dikha kar apni tijori men rakh den. is din aisa karne se ghar men dhan rukne lagta hai. ap svayan ashcharyajanak parinam dekh sakte hain. shraddha ka hona ati avashyak hai.
- shri dhanda yantra ki is din puja, v sthapna karen, ati shighra prabhav dikhai dega. yantra sthapit karke prati somvar vrat rakhen. pratidin darshan karen, dhup dip dikhaen. jivan men kabhi dhan ki tangi mahsus nahin hogi. rin ho to vah dhire-dhire utar jata hai. bhagvan adrishya rup se sahayta karte hain, sukh-samriddhi ati hai. labh avashya milega.
book laxmi puja online
- sfatik ya ashtadhatu ka kachua ghar men is prakar rakhen ki uska munh andar ki or ho. ise dipavli ke din lana aur rakhna samriddhidayak hota hai. kali haldi bhi vishesh sthan rakhti hai. use tijori men is din sthapit karne se dhan men vriddhi hoti hai. inmen lakshmi ko khinchne ki asim shakti hoti hai. vishnusahasranam ka path aur lakshmi sukt ki kaiset pratah se avashya chalaen, isse vatavaran dharmik banta hai. lakshmi prapti ke avasar prapt hote hain aur karj dhire-dhire dur hone lagta hai.
- dipavali se purva nimn yantra ko chandi par banva len aur svarn palish karva len. dipavli ke din shuddh karke dhup, dip, naivedya se pujan karen. chaval ki dheri par lal kapra us par yantra sthapit karen. fir lakshmi mantra ka sfatik mala se 11 mala jap karen. yantra ko agle din tijori men sthapit kar den. mantra is prakar hai. ¬ mahalakshmyai namah vishesh: kartik amavasya ke din dipavli ke avasar par lakshmi aur ganesh ke pujan ka apna mahatva hai. vighn vinayak yadi buddhi ke pratik hain to man lakshmi sukh samriddhi ka pratinidhitva karti hain. bina buddhi ke sanpatti ka arjan v sangrah nahin kiya ja sakta. lakshmi pujan men ghar par suji ka halva aur khir bana kar bhog lagaen n ki bajar ki mithai se. dipavli ke din siddh muhurt hota hai. is din shraddha, lagan v niyamanusar kie gae upay safal hote hain,.
sukh samriddhi barhane hetu - dipavli ki ratri men ek shuddh hatthajori ko kisi chandi ke plet men rakh kar uski dhup-dip se panchopchar puja karen. fir kamalagatte ki mala se nimn mantra se gyarah mala jap karen. mantra: ¬ hrin sthir ashtalakshmyai svaha hatthajori rat bhar puja men rahne den. dusre din use chandi ki dibiya men ya us plet samet apne kaish baeks men rakh den. is prayog ka asar kai varshon tak rahta hai. roj darshan v pranam karen, shraddha atut rakhen, samriddhi charan chumegi. karya siddhi ke lie - shri yantra, dhanda yantra ya karyasiddhi yantra ki sthapna bhi dipavli ke din atyant kalyankari v labhkari hoti hai. inki sthapna, pujan, darshan se labh nishchay hi prapt hota hai. karya siddh hote hain, badhaen svatah hi dur hone lagti hain. pathak svayan anubhav kar sakte hain.
jivan men jarurat hai jyotishiya margadarshan ki? abhi bat karen fyuchar point jyotishiyon se!