1- 25-26 aprail 2013 ka anshik chandragrahan 21vin sadi ka tisra sabse chote antral ka grahan tha jo ki lagabhag 27 minat tak raha. 2- nasa ke anusar, 21vin sadi ka sabse chota anshik chandragrahan 13 farvri 2082 ko lagega aur yah sirf 25.5 minat tak rahega. nasa ke ankde yah bhi darshate hain ki 28 sitanbar, 2034 men dusra sabse chota anshik grahan lagega. yah mahaj 26.7 minat tak chalega.
is tarah 25-26 aprail ka 27 minat ka anshik chandragrahan is sadi ka tisra sabse chote antral ka anshik chandragrahan tha. 3- vaigyanikon ka manna hai ki ham brahmand ke keval 5 pratishat padarthon ko hi dekh sakte hain. shesh padarth adrishya hain jise dark matter kahte hain aur yah brahmand 25 pratishat dark matter aur 70 pratishat rahasyamyi urja jise dark energy kahte hain, se milakar bana hai. 4- surya itni urja utpann karta hai ki iska kendra prati saikend 1 kharab nuclear bombs jitni urja release karta hai. 5- gaililiyo gaililai ko durbin ka avishkarak mana jata hai
lekin itihaskaron ke anusar iska vastavik avishkarak dach ai glas mekar johannes lippershey tha. gaililiyo sanbhvtah pahle vyakti the jinhonne antriksh ka adhyayan karne ke lie durbin ka prayog kiya tha. 6- yadyapi budh grah surya ke nikatatam hai lekin chunki budh grah par aisa kuch bhi nahin hai jiske karan iski upri satah par garmi ka prabhav pad sake, isi karan iski dark side arthat surya ki viprit disha men yah bahut thanda hai. 7- shukra grah budh se adhik garm hai jabki yah surya se budh ki apeksha adhik duri par sthit hai. shukra ka vatavaran ghana hai islie iski satah adhik garmi grahan karti hai. 8- shani saur mandal ka ek matra aisa grah hai jo pani par tair sakta hai. 9- agar prakash ki gati se chalen to nikatatam tare par pahunchne men char varsh ka samay lag sakta hai.
10- surya prati saikend 60 karod tan haidrojan jalata hai. 11- surya hamare milki ve gaileksi ke 1 kharab stars men se ek hai aur hamara milki ve gaileksi brahmand ke 1 kharab gaileksij men se ek hai. 12- chandra grah par jane se hamara vajan chah guna ghat jata hai. 13- surya akar men chand se 400 guna adhik bada hai aur prithvi se surya ki duri prithvi se chand ki duri se 400 guna adhik hai islie donon barabar akar ke dikhai padte hain. 14- brahmand ka sarvadhik shital kshetra prithvi par hai. massachusetts ki wolfgang ketterles lab ka tapman 0.000000000001 digri kelvin hai. 15- pistol star ko sarvadhik chamkila star mana jata hai. iski chamak surya se 1 karod guna adhik hai. 16- pura chand adhe chand se 9 guna adhik chamkila hota hai.