sarva safltadayak hai man baglamukhi upasna acharya dae. lakshmi narayan sharma baglamukhi mahavidya das mahavidyaon men se ek hain. inhen brahmastra vidya, shadkarmadhar vidya, stanbhini vidya, trailokya stanbhini vidya adi namon se bhi jana jata hai. mata baglamukhi sadhak ke manorthon ko pura karti hai. jo vyakti man baglamukhi ki puja-upasna karta hai, uska ahit ya anisht chahne valon ka shaman svatah hi ho jata hai. man bhagvti baglamukhi ki sadhna se vyakti stanbhan, akarshan, vashikaran, vidveshan, maran, uchchatan adi ke sath apni manchahi kamnaon ki purti karne men samarth hota hai.
baglamukhi devi ka avtrn: katha hai ki mata parvati ke bhagvan shiv se mata baglamukhi ke avataran ke sanbandh men puchne par bhagvan ne kaha, ‘he devi! main baglamukhi devi ke avataran ki katha kahta hanu. sat yug men ek bhishan tufan utha. us tufan se samast jagat ka vinash hone laga jise dekhakar bhagvan vishnu chintit ho uthe. unhonne tapasya karke shri mahatripur sanudri ko prasann kiya. tab saurashtra namak kshetra men sthit haridra namak jhil ke kinare jalakrira karti mahapit devi ke hriday se ek tej nikla jo idhr-udhar fail kar us bhishan tufan ka ant kar diya.
jis ratri devi ke hriday se vah tej nikla, uska nam vir ratri para. us samay akash taraon se atyant sushobhit tha. us din chaturdashi aur manglvar tha. panchmkar se sevit devi janit tej se dusri trailokya stanbhini vidya brahmastra vidya utpann hui. us brahmastra vidya ka tej vishnu se utpann tej men vilin hua aur fir vah tej vidya aur anu vidya men vilin hua. is prakar lok kalyan ke lie man baglamukhi ka avataran hua. man baglamukhi mantra ka jap-anushthan niyam-sanyam tatha vidhi vidhanpurvak karne se abhisht ki prapti hoti hai.
is mantra ke jap se yuddh, chunav aur vad-mukdme men jit hoti hai. isse anya kamnaon ki purti bhi hoti hai. jap sava lakh karna chahie aur tadnusar havan, tarpan, marjan evan brahman bhojan karana chahie, tabhi anushthan purn hota hai. japadi karya yadi sadhak svayan n kar sake to kisi karmakandi brahman se karvana chahie. sadhak ko pratidin snanadi se nivritt hokar man ki panchopchar puja karke pila vastra dharan kar pile asan par baith kar man ka dhyan karna chahie.
man ke mantra ka haldi ki mala par ek mala jap karna chahie. puja sthal par gay ke ghi ka dipak jalana, pili mithai ka bhog lagana tatha jap ke bad stotra ka path karna chahie. man baglamukhi sabhi shatruon ka nash karke sabhi manokamnaen puri karti hain. puja karte samay baglamukhi yantra evan man ka chitra apne samne rakhna chahie . fir dhyan viniyog adi karke shatnam stotra ka path karna chahie.