akhil bhartiya vedant goshthi, dinank 29.02.04 ko, bhilvara men ayojit hui. is goshthi ke ayojak pan. pramodray acharya (jyotishi) evan sah ayojak pan. hemant kumar acharya the. is vedant goshthi ka udghatan rajasthan uchch nyayalay jodhpur ke nyayadhish shriman bhagvti prasad evan param shraddhey svami gyananand tirth, yuvacharya, jyotirmath jagdguru shankracharya math bhanpura ne dinank 29.2.04 ko pratah 10.00 par surya mahal, bhilvara men dip prajvalan kar kiya.
is vedant goshthi men bharat ke vibhinn pranton evan sudur jaghon se 500 pratibhagiyon ne bhag liya. bahar se padharne vale vishisht atithigan evan vaktaon men dae. vi. en. pancholi sa., bhutpurva pracharya evan vibhagadhyaksh lal bahadur sanskrit vishvavidyalay, nayi dilli, dae. dharmavir ji acharya evan vikhyat lekhak, rishikunj, ajmer, dae. vedaprakash upadhyay, vibhagadhyaksh sanskrit shiksha, panjab vishvavidyalay, sansthapak antarrashtriya jyotish vigyan evan adhyatm sangh chandigarh, dae. jitendra, profesar evan vikhyat lekhak di.e.vi. kaelej, ajmer, dae. badri prasad pancholi, sevanivrit pracharya evan prasiddh lekhak ajmer, dae. gopal sharma, prasiddh lekhak, vastuvid, adi the.
manniya nyayadhipti shriman bhagvti prasad sharma ne apne udbodhan men kaha ki ved bharat ke manishiyon, vidvanon, rishi-muniyon ki sadhna, tapasya, chintan evan vichar-vimarsh ka sar hai. ved devta ki tarah hai tatha rishiyon ki tapasyaon ka parinam hai. ye anant tak pahunchane ka upakram hai. vedant goshthi men rishi-kunj, ajmer ke acharya dae. dharmavir, jo ved prachar seva men apna purn sahyog dete hain, ne apne udbodhan men goshthi ke pratham satra men ved, rashtra evan rashtriya ekta vishay par saragarbhit vicharon se sabko sammohit kar apni vidvatta ki pahchan sthapit ki. unhonne kaha ki ved janne vala hi manushya hai.
shastra se parichay n rakhne vala hi ved ko duruh, ya asanbhav vastu manta hai. sansar men jivan yatra ka aranbh evan ant ved se hi hota hai. ved ki parinti hi vedant hai. unhonne kaha ki ved hi jivan hai. ved vid dhatu se bana hai, jiska matalab hai, khud ko pahchano. manav ke jivan men janm se mrityu tak ved hi hai, ved svatantra shastra hai, ved se brahm ko jan sakte hanai, jabki gita svatantra shastra nahin hai. gita mahabharat ka ansh hai. isi prakar dusre shastra bhi maulik nahin hain.
karmakand evan gyan kand men matbhed nahin hai. unhonne kaha ki gyankand evan karmakand men apsi virodhi nahin hai. donon sath-sath chalne vale hote hain, ek dusre ke sahyogi hanai. donon hi vedant ke lakshya ko pura karte hain. yajurved ka isha vakya isho upnishad hai, jo gyan kand ka sarvochch mantra hai, jo sidha ved ka ansh hai. shraddhey svami ji gyananand tirth, yuvacharya jagdguru shankracharya, math manpura ne apne ashirvachanam men kaha ki ved brahm ka svarup hai. sharir ke angon ki tarah chand, jyotish, alankaran adi ved ke ang hanai.
vedon men varnit gyan ke lie samajh ki avashyakta hai. satogun ki vriddhi se hi ved ka gyan ho sakta hai. svami ji ne bataya ki samajh hone par ham kele ka guda khate hain evan nasmjhi se kele ka chilka fenk dete hain, to chilke par pair rakhne se fislne ki durghatana ho jati hai. yadi ham purn samjhdari kam men levane, to kele ka guda kha kar chilka gay ko khila deven, to gay ki kshudha purti hogi evan hamare lie anupyogi chilka gay ke lie upyogi ho kar punah dudh ka nirman karega, jisse hamara sharir punah pusht hoga. atah gyan ko samajh ke sath grahan karna chahie. iske lie sato gun men vriddhi avashyak hai.
pratham satra men hi vastu vigyani pan. gopal sharma ne bhagya, karm evan vastu men antarsanbandh bataya. vastu vaigyanik ne bhumi, bhavan tatha usmen rahne vale manushya par hone vale prabhavon ka shastrasammat karan evan prabhav bataya, vastu ke prayog evan uchit samadhan ke vyavharik sujhav diye. unhonne bhavan ke rang, dhal, bhumi ke chayan se sanbandhit apne anubhav evan prayog bhi bataye. sath hi bhojnshala, shayan kaksh, jalagar ke bare men vistrit vivechna ki. rangon ke madhyam se dainik jivan men unhen unke janne evan achche parinam prapt karne ke lie jyotish ke sath vastu ko samjhaya.
dae. gopal sharma ne vastu se sanbandhit apni rachnaon, pustakon ka ek set manniya nyayadhipti ko bhent kiya. jyotishan vedanam chakshu, vartaman pariperakshya men ved jyotish, vaidik vastu evan pura sanskriti shodh par vishesh charchaen huin. lal bahadur sanskrit vishvavidyalay ke purva pracharya evan bhilvara jile ke barunandni gram men sthit ved vidyalay ke sansthapak dae. vi.en. pancholi ne apne udbodhan men vaidik gyan ke prachar-prasar se, susanskarit samaj ke nirman ka ahvan kiya. antarrashtriya jyotish sanstha ke sansthapak dae. ved prakash upadhyay ne kaha ki ved mantron ka uchcharan sasvar hona chahie, kyonki svar ke dosh se anarth bhi ho jata hai. di.e.vi. kaelej, ajmer ke pravakta da. jitendra ne vartaman pariprekshya men ved par prakash dala.
sevanivritt pracharya evan prasiddh lekhak da. badri prasad pancholi ne vaidik pura sanskriti shodh par charcha ki. bhilvara ki aditi acharya ne jyotishan vedanam chakshuah par saragarbhit patra vachan kiya. sayan 5 baje se vidvanon ka svagat praranbh hua. pan. pramodray acharya, jo is vedant goshthi ke ayojak hai, ko intrneshanal fedreshan jyotish vigyan evan adhyatm sangh, shri lanka dvara pradatt svarn padak evan praman patra is samaroh ke mukhya atithi manniya nyayadhipti shri bhagvti prasad ji ne pradan kar shri acharya ko ashirvad diya.
adrniya svami ji gyananand tirth evan unke sath padhare santon ka shal, dupatta bhent kar svagat kiya gaya evan svamiji ka ashirvad liya gaya. sabhi bahar se padhare vishisht atithiyon ko yathayogya pratik chihnon se svagat kar sammanit kiya gaya evan unki bhuri-bhuri prashansa ki gayi. bhilvara ke prabuddh varg mane is kshetra men ruchi rakhne vale bujurgon, vidvanon ka bhi shael orha kar svagat kiya gaya. sabhi pratibhagiyon ko prashasti patra diye gaye evan svami ji gyananand tirth ne ashirvad diya.
shri hemant kumar acharya, sah ayojak ne sabhi vishisht atithiyon ke bhilvara padharne, yahan ke samaroh ke prabhavi sanchalan hetu, shrimti jyoti joshi, pan. ashok vyas, sthaniya karyakartaon men shri satishchandra acharya, shri devendra derashri, shri maheshchandra bhatt, shri omaprakash larha, shri om prakash kanth, shri chandkiran, bhojan prabhari shri shivnarayan kachchava ke karyon ki prashansa ki jinke sahyog evan kathin prayason ke karan yah sangoshthi safal hui hai.