prashna: akasmat mrityu ke kaun-kaun se yog hain? vistar se inki vyakhya karen tatha aisi mrityu se bachav ke lie kis prakar ke upay sarthak ho sakte hain? manav sharir men atmabal, buddhibal, manobal, sharirik bal karya karte hain. chandra ke kshin hone se manushya ka manobal kamjor ho jata hai, vivek kam nahin karta aur anuchit apghat pap karm kar baithta hai. amavasya v ekadshi ke bich tatha purnima ke as-pas chandra kalayen kshin v badhti hain isliye 60 : ye ghatnayen is samay men hoti hain. tamoguni mangal ka adhikar sir, eksident, agjni, hinsak ghatnaon par hota hai to shani ka adhipatya mrityu, fansi v vat sambandhi rogon par hota hai. chaya grah rahu-ketu ka prabhav akasmik ghatnaon tatha painr, talvon par vishesh rahta hai. grahon ke dushit prabhav se alpayu, durghatana, atmahatya, akasmik ghatnaon ka janm hota hai. akasmik mrityu ke sthan ka gyan 1- lagn ki mahadsha ho aur antardasha lagn ke shatru grah ki ho to manushya ki akasmat mrityu hoti hai. 2- chathe sthan ke svami ka sambandh mangal se ho to akasmat apreshan se mrityu ho. 3- lagn se tritiya sthan men ya karak grah se tritiya sthan men surya ho to rajya ke karan mrityu ho. 4- yadi shani char v char rashi ke navansh men ho to dur desh men mrityu ho. 5- ashtam men sthir rashi ho us rashi ka svami sthir rashi men ho to grih sthan men jatak ki mrityu hoti hai. 6- dvisvabhav rashi ashtam sthan man ho tatha uska svami bhi dvisvabhav rashigat ho to path (raste) men mrityu ho. 7- tin grah ek rashi men baithe hon to jatak sahasra pad se yukt pavitra sthan ganga ke samip marta hai. 8- lagn se 22 ven dreshkan ka svami ya ashtamabhav ka svami navam bhav men chandra ho to kashitirth budh$shukra ho to dvarika men mrityu ho. 9- ashtam bhav men guru chahe kisi rashi men ho vyakti ki mrityu buri halat men hoti hai. mrityu fansi ke dvara 1- dvitiyesh aur ashtamesh rahu v ketu ke sath 6, 8, 12 ven bhav men ho. sare grah mesh, vrish, mithun rashi men ho. 2- chaturth sthan men shani ho dasham bhav men kshin chandrama ke sath mangal shani baithe hon 3- ashtam bhav budh aur shani sthit ho to fansi se mrityu ho. 4- kshin chandrama pap grah ke sath 9, 5, 11 ve bhav men ho. 5- shani lagn men ho aur us par shubh grah ki drishti n ho tatha surya, rahu kshin chandrama yut hon to jatak ki goli ya chure se mrityu athva hatya ho. 6- navmansh lagn men saptamesh rahu, ketu se yut 6, 8, 12 ven bhav man sthit hon to atmahatya karta hai. 7- chaithe v dasven ya trikon bhav men ashubh grah ho ya ashtamesh lagn men mangal se yut ho to fansi se mrityu hoti hai 8- kshin chandrama pap grah ke sath pancham ya ekadash sthan men ho to suli se mrityu hoti hai. durghatana se mrityu yog 1- chaturthesh, shashthesh v ashtamesh se sambandh ho to mrityu vahan durghatana man ho. 2- yadi ashtam bhav men chandra, mangal, shani ho to mrityu hathiyar dvara ho. 3- chandra surya mangal shani 8, 5 tatha 9 men ho to mrityu unchai se girne samudra, tufan ya vajrapat se ho. 4- ashtamesh tatha ashtam, shashth tatha shashthesh aur mangal ka in sabse sambandh ho to mrityu shatru dvara hoti hai. 5- ashtamesh evan dvadshesh men bhav parivartan ho, in par mangal ki drishti ho to akal maut ho. janm vishghtika men hone se vish, agni krurjiv se mrityu ho. 6- janm lagn se dasham bhav men surya chaturth bhav men mangal ho to mrityu vahan durghatana tatha savari se girne se hoti hai. 7- mangal aur surya saptam bhav men, shani ashtam bhav men kshin chandra ke sath ho to pakshi ke karan durghatana men mrityu ho. 8- surya, mangal, ketu ki yati ho jis par pap grahon ki drishti ho to agni durghatana men mrityu ho. chandra mesh$ vrishchik rashi men ho to pap grah ki drishti se agni astra se mrityu ho. 9- dvisvabhav rashi lagn men surya+chandra ho to jatak ki mrityu jal men dubne se ho. 10- lagnesh aur ashtamesh kamjor ho, mangal shashthesh se yut ho to mrityu yuddh men ho. dvadash bhav men mangal ashtam bhav men shani se hathiyar dvara hatya ho. 11- yadi nanvash lagn men saptamesh shani yut ho 6, 8, 12 men ho jahar khane se mrityu ho . 12- chandra mangal ashtamasth ho to sarpadansh se mrityu hoti hai. 13- lagnesh ashtamesh aur saptamesh sath baithe hon to jatak stri ke sath marta hai. atm hatya se mrityu yog 1- lagn v saptam bhav men nich grah hon 2- lagnesh v ashtamesh ka sambandh vyayesh se ho. 3- ashtamesh jal tatva ho to jal men dubne se, agni tatva ho to jalakar, vayu tatva ho to tufan v bajrapat se apghat ho . 4- kark rashi ka mangal ashtam bhav men pani men dubakar atmaghat karata hai 5- yadi ashtam bhav men ek ya adhik ashubh grah ho to jatak hatya, apghat, durghatana, bimari se marta hai. grahon ke anusar stri purush ke akasmik mrityu yog 1- chaturth bhav men surya aur mangal sthit hon, shani dasham bhav man sthit ho to shul se mrityu tulya kasht tatha apendiks rog se maut ho sakti hai. 2- dvitiya sthan men shani, chaturth sthan men chandra, dasham sthan men mangal ho to ghav men septik se mrityu hoti hai. 3- dasham sthan men surya aur chaturth sthan men mangal sthit ho to kar, bas, vahan ya patthar lagne se mrityu tulya kasht hota hai. 4- shani kark aur chandrama makar rashigat ho to jal se athva jalodar se mrityu ho. 5- shani chaturthasth, chandrama saptamasth aur mangal dashamasth ho to kuen men girne se mrityu hoti hai 6- kshin chandrama ashtam sthan men ho uske sath man$ra$shni ho to pishachadi dosh se mrityu ho. 7- jatak ka janm vish ghatika men hone se uski mrityu vish, agni tatha krur jiv se hoti hai. 8- dvitiya men shani, chaturth men chandra aur dasham men mangal ho to mukh man krimirog se mrityu hoti hai. 9- shubh grah dasham, chaturth, ashtam, lagn men ho aur pap grah se drisht ho to barchi ki mar se mrityu ho. 10- yadi mangal navamasth aur shani, surya rahu ekatra ho, shubh grah drisht n ho to ban se mrityu ho 11- ashtam bhav men chandra ke sath mangal, shani, rahu ho to mrityu mirgi se ho. 12- navam bhav men budh shukra ho to hriday rog se mrityu hoti hai. 13- ashtam shukra ashubh grah se drisht ho to mrityu gathiya ya madhumeh se hoti hai 14- stri ki janm kundali surya, chandrama mesh rashi ya vrishchik rashigat hokar papi grahon ke bich ho to mahila shastra v agni se akal mrityu ko prapt hoti hai. 15- stri ki janm kundali men surya evan chandrama lagn se tritiya, shashtham, navam, dvadash bhav men sthit ho to tatha pap grahon ki yuti v drishti ho to mahila fanasi lagakar ya jal men kud kar atm hatya karti hai. 16- dvitiya bhav men rahu, saptam bhav men mangal ho to mahila ki vishakt bhojan se mrityu ho 17- surya evan mangal chaturth bhav athva dasham bhav men sthit ho to stri pahad se gir kar mrityu ko prapt hoti hai. 18- dashmesh shani ki vyayesh evan saptamesh mangal par purn drishti se mahila ki dipreshan se mrityu ho. 19- panchmesh nich rashigat hokar shatru grah shukra evan shani se drisht ho to prasav ke samay mrityu ho . 20- mahila ki janmakundali men mangal dvitiya bhav men ho, chandrama saptam bhav men ho, shani chaturth bhav men ho to stri kuen, babdi, talab men kud kar mrityu ko prapt hoti hai. lagnesh ke navansh se mrityu, rog anuman 1- mesh navansh ho to jvar, tap jathragni tatha pittadosh se mrityu ho 2- vrish navansh ho to dama, shul tridoshadi, aipendisaitis se mrityu ho. 3- mithun navansh ho to sir vedna, 4- kark navansh vat rog v unmad se mrityu ho. 5- sinh navansh ho to visfotkadi, ghav, vish, shastraghat aur jvar se mrityu. 6- kanya navansh ho to guhya rog, jathragni vikar se mrityu ho. 7- tula navansh men shok, buddhi dosh, chatushpad ke aghat se mrityu ho. 8- vrishchik navansh men patthar athva shastra chot, pandu grahni veg se. 9- dhanu navansh men gathiya, vish shastraghat se mrityu ho. 10- makar navansh men vyaghra, sher, pashuon se ghat, shul, aruchi rog se mrityu. 11- kunbh navansh men stri se vish pan shvans tatha jvar se mrityu ho. 12- min navansh men jal se tatha sangrahni rog se mrityu ho. gulik se mrityukari rog anuman 1- gulik navansh se saptam shubhagrah ho to mrityu sukhkari hogi. 2- gulik navansh se saptam sthan men mangal ho to jatak ki yuddh ladai men mrityu hogi. 3- gulik navansh se saptam sthan men shani ho to mrityu chor, danav, sarpadansh se hogi. 4- gulik navansh se saptam sthan men surya ho to rajkiya tatha jaljivane se mrityu. arisht mahadsha v dashantar men mrityu 1- ashtamesh bhav 6, 8, 12 man ho to ashtamesh ki dasha-antardasha men aur dashmesh ke bad ke grah antardasha men mrityu hoti hai. 2- kark, vrishchik, min ke antim bhag riksh sandhi kahlate hain. riksh sandhi grah ki dasha mrityukari hoti hai. 3- jis mahadsha men janm ho mahadsha se tisra, panchvan, satven bhav ki mahadsha yadi nich, ast, tatha shatru grah ki ho to mrityu hoti hai. 4- dvadshesh ki mahadsha men dvitiyesh ka antar ata hai athva dvitiyesh dasha men dvadash antar men anishtakari mrityu tulya hota hai. 5- chidra grah sat hote hain 1. ashtamesh, 2. ashtamasth grah, 3. ashtamadarshi grah, 4. lagn se 22 van dreshkan arthat ashtam sthan ka dreshkan jise ravar kahte hain us dreshkan svami, 5. ashtamesh ke sath vala grah, 6. chandra navansh se 64 van navanshpti, 7. ashtamesh ka atishatru grah. in sat men se sabse bali grah ki mahadsha kashtadayak v mrityukari hogi. 1. akasmik mrityu ke bachav ke lie mahamrityunjay mantra ka jap karen. jap rudraksh mala se purvi mukh hokar karen. 2. vahan chalate samay madak vastuon ka sevan n karen tatha abhakshya vastuon ka sevan n karen anyatha pishachi badha havi hogi vaidik gayatri mantra kaiset chalu rakhen. 3. gochar kanishth grahon ki dasha men vahan teji se n chalayen. 4. mangal ka vahan durghatana yantra vahan men lagayen, uski vidhivat puja karen. 5. navagrah yantra ka vidhividhan purvak pratishtha kar dev sthan men puja karen. 6. surya kalakshin ho to aditya hriday stotra, chandra ki kala kshin ho to chandrashekhar stotra, mangal ki kala kshin ho to hanuman stotra, shani kala kshin ho to dashrthkrit shani stotra ka path karen. rahu ki kala kshin ho to bhairvashtak v ganesh stotra ka path karen. ganit paddhati se arisht din mrityu samay ke lagn, arisht mas ka gyan arisht mas: 1- lagn sfut aur mandi sfut ko jodakar jo rashi evan navansh ho us rashi ke usi navansh par jab gochar men surya ata hai tab jatak ki mrityu hoti hai. 2- lagnesh ke sath jitne grah han un grahon ki mahadsha varsh jodakar 12 ka bhag den. jo shesh bache usi sankhyanusar saur mas men arisht hoga. arisht din: 1- mandi sfut aur chandra sfut ko jodakar 18 se gunan karen usmen shani sfut ko jodakar 9 se gunan kar jod den. jab gochar chandra us rashi ke navansh men jata hai to us din arisht din hoga. mrityu samay lagn ka gyan: 2- lagn sfut mandi sfut aur chandra sfut ko jod dene se jo rashi aye usi rashi ke uday hone par jatak ki mrityu hoti hai. akasmat mrityu se bachav hetu upay: sarva pratham jatak ki kundali ka sukshm avlokan karne ke pashchat nirnay len ki kis grah ke karan akasmat mrityu ka yog nirmit ho raha hai. us grah ka purn vidhi-vidhan se jap, anushthan, yagya, danadi karke is yog se bacha ja sakta hai. brihat parashar hora shastram ke anusar: ‘‘suryadi grahon ke adhin hi is sansar ke praniyon ka samast sukh v duahkh hai. islie shanti, lakshmi, shobha, vrishti, ayu, pushti adi shubhflon ki kamna hetu sadaiv nav grahon ka yagyadi karna chahie.’’ murti hetu dhatu: grahon ki puja hetu surya ki pratima tanben se, chandra ki sfatik se, mangal ki lal chandan se, budh v guru ki svarn se, shukra chandi se, shani ki lohe se , rahu ki sise se v ketu ki kanse se pratima banani chahie. athva purvokt grahon ke rang vale reshmi vastra par unki pratima banani chahie. yadi ismen bhi samathrya n ho to jis grah ki jo disha hai usi disha men gandh se mandal likhna chahie. vidhan purvak us grah ki puja karni chahie, mantra jap karna chahie. grahon ke rang ke anusar pushp, vastra ityadi lena chahie. jis grah ka jo ann v vastu ho use danadi karna chahie. grahon ke anusar samidhaen lekar hi havnadi karna chahie. grahon ke anusar hi bhakshya padarth sevan karne v karane chahie. jis jatak ki kundali men grah ashubh fal dete hon, kharab hon, nirbal hon, anisht sthan men hon, nichadigat ho us grah ki puja vidhi-vidhan se karna chahie. in grahon ko brahmaji ne vardan diya hai ki inhen jo pujega ye use pujit v sammanit banaenge. grah-pida nivaran prayog (dattatrey tantra ke anusar): ek mitti ke bartan men madar ki jad (ak ki jad), dhatura, chir-chira, dub, bat, pipal ki jad, shamir, shisham, am, gular ke patte, go-ghrit, go dugdh, chaval, chana, gehan, til, shahad aur chach bhar kar shanivar ke din sandhyakal men pipal vriksh ki jad men gad dene se samast grahon ki pida v arishton ka nash hota hai. mantra: un namo bhaskaray amukasya amukasya mam sarva grahanan pidanashnan kuru kuru svaha. is mantra ka ghat gadte samay 21 bar uchcharan karen v nitya 11 bar pratah sham jap karen . iske atirikt mahamrityunjay ka jap v anushthan ki akasmat mrityu yog ko talne men sarthak hai. iske bhi vibhinn mantra is prakar hain ekakshari ‘‘haun’’ trakshari ‘‘un jun sah’’ chaturakshari ‘‘un van jun sah’’ navakshari ‘‘un jan sah palay paly’’ dashakshari ‘‘un jun sah man palay paly’’ panchdshakshari ‘‘un jan sah man palay palay sah jan un’’ vaidik-trambak mrityunjay mantra ‘‘trambakan yajamhe sugandhin pushtivardhanam urvarukmiv bandhananmrityormukshiya ma'mritat..’’ mrityunjay mantra ‘‘un bhuah un svah un trambakan yajamhe.................ma'mritat un svah un bhuvah un bhuah un.’’ mrit sanjivni mantra ‘‘un haun jun sah un bhurbhuv svah un trambakan yajamhe....... ma'mritat un svah un bhuvah bhuah un sah jun haun un.. uprokt upayon ko buddhimatta purvak vidhi-vidhan se kie jayen to yah upay akasmat mrityu ko talne men sarthak ho sakte hain.