gat 16 janvri 2005 ko akhil bhartiya jyotish sanstha sangh ki dilli shakha ka dikshant samaroh vishva yuvak kendra, nayi dilli men sanpann hua. is samaroh ki adhyakshata shri shukdev chaturvedi ji evan dae. jay prakash sharma ji lal dhage vale ne ki evan mukhya atithi shri rajiv shukla ji (sansd) the. is avasar par lagabhag 400 chatra-chatraon ko praman patra pradan kiye gae. shri rajiv shukla ne chatron ko sanbodhit karte hue kaha ki jyotish niahsandeh ek vigyan hai aur unhen prasannata hai ki akhil bhartiya jyotish sanstha sangh ke dvara chalaya gaya karyakram ati safal evan sarvagrahi hai. isilie itne adhik chatron ne is gyan ko prapt karne ke lie dakhile lie hain. unhonne kaha ki anya anek vishvavidyalyon men bhi jyotish ko parhaya ja raha hai. bharat jyotish men agrani raha hai aur hamen is sthiti ko banae rakhne ki disha men prayasarat rahna chahie. sangh ke adhyaksh shri arun bansal ji ne avagat karaya ki sangh ab n keval sartifiket kors chala raha hai, apitu mevar vishvavidyalay ke sath sanbaddh hokar em. e., em. fil. v piech.di. ki shiksha bhi pradan kar raha hai.
sath hi is bat ka bhi khyal rakha gaya hai ki pathyakram ka shulk kam se kam rahe. unhonne bataya ki prakriti ki hal ki vinash lila sunayi se piriton ki sahayta men jyotish samaj bhi piche nahin hai. iske lie dhan ekatra kiya ja raha hai. dan dene ke ichchuk chatra ya chatraen fyuchar paeint ke nam se chek, draft ya nakad dhan rashi bhej sakte hain. shri arun bansal ji ne pichle lagabhag 25 bare bhukanpon ka byora dete hue bataya ki bhukanpon ka purvanuman jyotish dvara lagaya ja sakta hai. unhonne kaha ki bhukanp aksar shukla paksh ki dvitiya ya tritiya athva krishn paksh ki pratipda evan dvitiya ko ate hain. akash men surya, mangal, budh v shukra ek or sthit hote hain. kalasarp yog bhukanpon ki sthtii ko ganbhir banane men madad karta hai. adhikatar bhukanp 350 se 400 akshansh ke antargat ate hain. bhukanp ka mukhya karan gurutvakarshan men parivartan hai jo ki grahon ke chalayman rahne ke karan hota hai. apne adhyakshiya bhashan men shri shukdev chaturvedi ji ne bataya ki keval 36 gun milane se ya mangli milan karne se kundli milan nahin ho jata.
iske lie var-vadhu donon ki ayu, dhan, santan v sukh-shanti kaisi rahegi, yah avashya dekhna chahie. yadi kisi ki kundli men shubh yog hai to vivah bina kundli milae bhi kar di jae, to kundli achchi hi milegi. jin kundliyon men grah achche nahin baithe hote, keval unhin men thik se patri milan ki avashyakta hai. adhisankhya jyotishi 36 gun milan islie karte hain kyonki yah ek sadharan vidhi ke dvara ho jata hai. dae. jay prakash sharma lal dhage vale ji ne bataya ki abhi to sangh balyavastha men hai kintu jab yah apni yuvavastha men aega to iska rup bahut hi bhavya hoga aur keval bharat men hi nahin, apitu vishva bhar men khyati prapt karega. unhonne chatron se anurodh kiya ki keval praman patra lekar santusht n hon, balki gyan prapti ke lie hamesha prayasarat rahen aur shodh karne ki cheshta karen. keval shodh hi jyotish ko punah pramanik siddh karne men madad kar sakta hai.
ve khas taur se is samaroh men bhag lene ke lie banbai se chalakar dilli ae the. unhonne kaha ki sine kalakar kam mehanat kar atyadhik prasiddhi prapt kar leta hai kintu usse das guna adhik mehanat karne vale kisi jyotishi se ummid rakhi jati hai ki vah niahshulk paramarsh de. yahi karan hai ki is vidya ko jivant rakhne ke lie adhik prayas nahin hue aur buddhijivi isse dur hi rahe. lekin ab hajaron - lakhon logon ne is vidya men apni abhiruchi dikhana shuru kar diya hai aur avashya hi shodh ke dvara jyotish bhi purn vigyan siddh hoga. pan. gopal sharma ji ne anek udaharan dekar samjhaya ki vastu thik hone se ghate men chal raha udyog bhi labh ki sthiti men a sakta hai. nairritya kon men gaddha evan agnikon men agni aur pani ekatrit hone se hani hoti hai.
samaroh men shri arvind arora ne liyo gold grih sanskaran ka pradarshan kiya evan sangh ki chatra sushri aparna evan shri anil chabra ne kundli milan par apna shodh prastut kiya. unhonne kanpyutar ke madhyam se skrin par dikhaya ki mangal ka asar keval pahle evan athven bhavon men ashubh heta hai, jabki gyarhven bhav men yahi mangal shubh faldayi hai. anya bhavon arthat 4, 7 evan 12 ven bhavon men mangli dosh naganya hai. isi prakar anya grah bhi alg-alag bhavon men shubhashubh fal dete hain. ant men sabhi chatra-chatraon ko praman patra pradan kie gae aur jalpan ke sath samaroh sanpann hua.
jivan men jarurat hai jyotishiya margadarshan ki? abhi bat karen fyuchar point jyotishiyon se!