vastu ke anusar karyaly  

vastu ke anusar karyalay pramod kumar sinha pra0- karyalay ke lie kis tarah ka bhukhand sarvashreshth hota hai ? u0- kisi bhi karyalay ko viksit karne ke purva bhukhand ka chayan avashyak hai. karyalay ke lie aytakar ya vargakar bhukhand ka chayan sarvashreshth hota hai. ishanya vridvi bhukhand par bhi karyalay ka nirman labhaprad hota hai. bhukhand ke dakshin aur pashchim men bari-bari imarten, per-paudha tatha utar aur purva men khula maidan, dariya, talab ya kritrim pani ka sthan, karyalay ke samriddhi men char chaend lagata hai. arthat dhan-dhanya, daulat sanpatti men badhotri kar sukh aur aishvarya ki vriddhi karti hai. karyalay ke utar, utr-purva evan purva disha men adhik se adhik tatha dakshin aur pashchim disha men kam se kam khuli jaghane rakhna labhaprad hota hai. pra0- karyalay ke lie pravesh dvar kis sthan se achcha hota hai ? u0-karyalay ke lie pravesh dvar uttar, purva ya uttara-purva disha ki or se rakhna chahie. pravesh dvar par kisi prakar ki rukavten evan vedh n rahe. darvaje ke khulne ya band hone ke samay kisi tarah ki karkash avaj utpann nahi honi chahie. isse ashubh urja utpann hoti hai tatha shakti kshin hoti hai. pra0- karyalay me mukhya adhikari ko kis sthan par baithakar karya karna chahie? u0- karyalay me mukhya adhikari, prabandh nideshak ya svami ko bhavan ke dakshin-pashchim men baithakar karya karne ke lie jagah nirdharit karni chahie. karyalay ke svami ka kaksh sabse bara arthat anya kamron se bara hona chahie. karyalay svami ya mukhya vyakti ko baithne ke lie sabse upyukt sthan kaksh evan kamre ke dakshin-pashchim ki disha men hota hai. is sthan par baithakar karya karne se uchit nirnay lene ki kshamataon evan shaktiyon men vriddhi hoti hai. dimagi karya dvara logon ki seva karne vale vyakti jaise- daektar, vakil, jyotishi, profesar env adhikarigan ko vastu shastra ke nirdeshon ke anusar hamesha kaksh ke dakshin-pashchim disha men purvabhimukh hokar baithna chahie tatha vastu ka kray-vikray karne vale vyaparigan ko adhik sanpannata ke lie uttarabhimukh hokar baithna chahie. pra0- karyalay me mukhya vyakti ko shahtir ke niche baithakar karya karna chahie? u0-mukhya vyakti ya padadhikari ko bim, shahtir ya silli ke niche baithakar karya nahi karna chahie. iske niche baithakar karya karne par karyo men gatirodh ata hai tatha vyakti tanavagrast rahta hai. shahtir athva bim chaton ka bhar apne upar uthayen rahta hai, atah inke upar asadharan bhar rakha hota hai. vajan niche ki disha men gurutvakarshan ke niyam ke anusar karya karta hai. falasvarup asadharan gurutvakarshan bal shahtir ya bim ke niche baithakar karya karne vale vyaktiyon par bhi parta hai. iske karan kafi ashj-sa mahsus hota hai. falasvarup karya thik se nahi ho pata evan asafal hone ki sanbhavna bani rahti hai. pra0- karyalay men baithne ke sthan ke piche thos divar ka hona avashyak hai ? u0-mukhya vyakti ya padadhikari ke baithne ke sthan ke piche thos divar ka hona avashyak hai. pith piche darvaja, khidki ya kaench hone ke karan vyakti apne apko asurakshit mahsus karte hue bhaybhit rahta hai tatha sahyogiyon se dhokha pata hai. pra0- karyalay men lekha vibhag kis sthan par rakhna chahie ? u0- lekha vibhag karyalay ke utar disha men hona chahie. vittiya karyalyon ke lie khastaur par utar ki disha labhaprad hoti hai. isse karyalay ki sanpannata bani rahti hai. mukhya khajanchi ya ankekshak ko utar disha ki or munh kar baithna chahie. yadi khajanchi ka mueh purva ki taraf ho to kaish kauntar uske dahini or rakhna chahie tatha khajanchi ka mueh utar ki taraf ho to kaish kauntar uske baen taraf rakhna chahie.