abhishek-aishvarya ke vivah ke lie akshay tritiya ka vishesh din chuna gaya. kaha jata hai is din kie gae karyon ka punya akshay hota hai. aishvarya ki kundli ka mangal dosh unke dampatya par kuprabhav n dale isilie aisa kiya gaya hai.
dharmik evan manglik karyon ki nirvighn rup se sanpannata ke lie muhurt ka apna vishesh mahatva hota hai. shubh tatha siddh muhurt men kie gae karyon ka fal shubh hota hai. achcha muhurt amangal ko mangalamay bana deta hai. iska pratyaksh udaharan hindu sanskriti ka vivah sanskar hai jismen muhurt ka vishesh dhyan diya jata hai.
yahi karan hai ki sansar ke anya deshon ki apeksha bhartiya samaj men vaivahik sanbandh adhik sthayi hote hain. aishvarya ray manglik hain. kintu abhishek bachchan nahin. donon ki kundliyon ke saptam arthat vivah sthan pap drishti tatha pap grahon se grast hain.
aishvarya ki kundli men mangal ki chaturth drishti saptam sthan par hai jabki abhishek ki kundli men saptam sthan men rahu hai aur us par ketu ki bhi purn drishti hai. in sabhi ashubh grahon ke ashubhatva ko kam karne ke lie akshay tritiya jaise shubh evan siddh muhurt ko in donon ke vivah ke lie chuna gaya. yah muhurt soch samajhakar hi nishchit kiya gaya hai.
akshay tritiya ka mahatva :
vaishakhe shuklapakshe tu tritiyamuposhitah.
akshayyan falmapnoti sarvasya sukritasya ch..
tatra japtan hutan dattan sarvamakshayyumuchyate.
akshayyan sa tithistasmattasyan sukritamakshayam..
vaishakh shukla tritiya ko akshay tritiya kahte hain. chaitra shukla pratipda, shri ramnvmi, vijyadshmi, dipavli, basant panchmi adi svayansiddh muhurton men akshay tritiya ka apna vishesh shastriya mahatva hai. is din nar narayan, hayagriv evan parshuram avtrit hue the, islie is din un sabki jayanti bhi manai jati hai.
treta yug ka aranbh bhi isi din hua tha. yah param punit evan akshay punyadayini tithi hai. is din vishesh rup se parshuram ji ki jayanti manai jati h.ai parshru am ji ka sapt chirjan iviyan e men sthan hai. vah aj bhi is brahmand men vicharan karte hain. kaha bhi gaya hai ki-
ashvatthabha valivryaso hanumanshch vibhishnah.
kripah parshuramashch saptaite chirjivinah..
jis samay inka janm hua tha, us samay chah grah uchch ke the, yah sabhi ko vidit hai ki vah kitne pratapi hue. unke vishay men kaha jata hai vah bare matri-pitri bhakt the.
ek bar unke pita ne unhen apni mata ka gala katne ki agya di, unhonne pita ki agya ko shirodharya kar apne parshu se apni mata ka gala kat diya. ramchrit manas men kaha bhi gaya hai ki parshuram pitu agya rakhi. marimatu lok sab sakhi..
is par bahut prasann hokar unke pita ne unse vardan mangne ko kaha ‘he putra! main tum par bahut prasann hun tumhare jaisa agya palak putra pakar main aj dhanya ho gaya. jo mangna ho mango. manai tumhari ichcha avashya purn karunga.’
parshuram ji ne apne pita se vinypurvak kaha ki ‘he pitaji ! yadi ap mujh par anugrah karna chahte hain, to main yahi mangta hun ki meri mata punah jivit ho jae.’ putra ki matri-pitri bhakti se prasann hokar unke pita ne mata ko punah jivit kar diya, jisse unhen bahut prasannata hui.
pita ki bhi agya ka palan ho gaya aur mata ke pranon ki bhi raksha ho gai. bhavishya puran men kaha gaya hai
tatraiv vaishakh tritiya akshayya tritiya.
sa ch purvahnavyapini grahya.
dinadvaye v taduvyaptau paraiveti.
arthat akshay tritiya ko purvahnavyapini lena chahie. yadi donon hi din purvahnavyapini ho to dusre din vali purvahnavyapini tithi grahan karni chahie. vaishakh shukla tritiya arthat akshay tritiya ke din grahraj surya bhi is tithi men apni uchch rashi mesh men sthit rahte hain. vaishakh mas bahut pavitra evan shubh mana jata hai.
shukla paksh ko shubh tritiya tithi ko jaya tithi mana jata hai. is din surya apni uchch rashi men sthit hota hai. in sab shubh evan siddh yogon ke karan is akshay tithi ke muhurt ko itna shubh mana jata hai. vaishakh shukla tritiya ke din sabhi prakar ke shubh karyon ko karne se uska akshay fal prapt hota hai.
ismen kie hue jap, dan, havan, manglik evan dharmik karyon ka anant fal prapt hota hai. isi karan is din vivah, churakarm adi shubh karyon ko karne ke lie vishesh muhurt adi dekhne ki bhi avashyakta nahin hoti hai.
is tithi men vrat rakhne se bhi mahapunya akshay fal ki prapti hoti hai. is tithi se naya karya vyavsay praranbh karne se bhi achchi saflta prapt hoti hai. is akshay tritiya tithi ki jitni bhi prashansa ki jae kam hai.
if you are facing any type of problems in your life you can consult with astrologer in delhi