apke vichar prashna: vakri grahon ka kya prabhav hota hai? grahon ke uchch, nich, shubh, ashubh, stanbhit ya ast hone ki sthiti men vakri hone par unke prabhav men kya antar ata hai? grah vakri kaise hote hain?
ham man len ki prithvi sthir hai. budh apni chal se bhachakra ka chitra men dikhae tir ke nishan ki disha men chakkar kat raha hai. man len ki darshak prithvi ke g bindu par sthit hai aur prithvi sthir hai aur budh bh par dikhai parega. jab budh l bindu par pahunchega to bhachakra men lash par dikhai dega.
isi tarah jab budh themekebeth par pahunchega to yah bhachakra men thshemshekshebsh aur thash par dikhai dega. yahan hamne dekha ki budh ke bhogansh barh rahe hain aur budh kuch der ke lie sthir dikhai parega. budh ki kaksha par g . .sh prithvi se sparsh rekha hai. . bindu par budh ki vakri gati shuru ho jaegi aur budh kuch der ke lie sthir dikhai parega. jab budh b m th bh shra gya bindu par pahunchega to bhachakra men prithvi ke g bindu se bsh msh thsh bhsh shrash gyash bindu par dikhai parega. atah budh ke bhogansh kam hone se uski vakri gati dikhai degi. g gya gyash budh ki margi gati ki sparsh rekha hai. budh ke gya bindu par pahunchne par iski gati margi ho jaegi. bahar ke grah mangal, brihaspati evan shani ki gatiyan prithvi se bahut kam hain.
islie in grahon ko sthir man kar aur prithvi ko gatiman karke in grahon ka vakri hona dikha sakte hain. grah prithvi ke nikat ate hain, to vakri hote hain. ab ham bahya grah shani ki vakri chal samjhte hain. yahan hamne shani ko sthir mana. yahan prithvi ki gati shani grah se adhik hai. man len ki shani m bindu par sthit hai aur prithvi ke . sthan par . bindu se (prithvi) shani grah 1800 se adhik ansh par najar ata hai. jab prithvi th bindu par pahunchti hai to shani prithvi se 1800 par najar aega.
jab prithvi b bindu par pahunchegi to shani ke bhogansh kam hote jaenge aur shani ki vakri gati th se b bindu tak nazar aegi aur b se age shani ki margi gati ho jaegi. vakri grahon ka kya prabhav hota hai: upar likhit tathyon se hamne yah paya ki grah vakri tab hote hain jab ve prithvi ke adhikatam nikat hote hain. islie ye adhik faldayi hote hain. koi shubh grah vakri hokar adhik shubh aur papi grah adhik papi ho jaega kyonki in vakri grahon ke prithvi ke nikat hone se inki kirnen prabhavshali dhang se prithvi vasiyon par asar karanegi.
vakrinastu mahaviryaah shubhaah rajpradaah grahaah.
shubh grah vakri hokar adhik shubh v bali rajyaprad ho jate hain. ismen koi shak nahin ki vakri grah ka bal barh jata hai. islie in grahon ko cheshtabli mana jata hai. cheshtabli grah niahsandeh rajya se samman dilate hain, yadi ve bhavsanbandh se shubh hon. yadi yahi grah bhav sanbandh se papi hon to achcha fal nahin dete. faldipika ka ek shlok yahan ullikhit hai
jismen spasht kiya gaya hai ki vakri grah uchch, nich, shubh, ashubh, udit ya ast hone par kya prabhav dete hain? vakra gato ruchirarashmismuhpurno nichrimanshshitoipi bhavets kher viryanvivastuhinarashmirivochch mitrasvakshetragorpivivlo hatdedhitishchet vakri hone par bhi grah yadi adhik rashmiyon vala ho to balvan samjha jata hai.
nich rashi, nich navansh, shatru rashi v shatru navansh men sthit vakri grah udit hone par balvan hota hai. rashmi rahit (asta) hone par chahe koi bhi grah svakshetra ya uchch rashi men kyon n ho vakri hone par balvan nahin samjha jata hai. jaise chandrama agar uchch rashi ka ho kintu amavas ka din ho to vah bhi nirbal mana jaega. yadi yahi chandrama vrishchik rashi ka ho aur purnamasi ho to purn bali hoga.
vakri grahon ke prabhav ke sanbandh men sarvadhik prachlit mat ke anusar papi grah vakri hokar maha krur tatha saumya grah vakri hokar maha shubh ho jate hain. parantu saumya athva krur grah shighragti hon to sahaj svabhav vale hote hain. vakri grahon ke bal ko sabhi acharyon ne ek mat se svikar kiya hai tatha falit jyotish men anek sthanon par uska mahatva rekhankit kiya hai. shubh hora prakash ke upsutika vichar men lagn tatha chandrama ke madhya apni uchch rashi men sthit vakri grah ke sthit hone par upsutikaon ki sankhya tin guna lene ka nirdesh hai.
sarvatobhadra chakra men vakri grah se anya grahon, tithi, nakshatra, varnadi ke viruddh hone par do guna fal lene ka vidhan hai. is chakra men yadi rog ke samay krur grah ka vedh vakra gati se ho to rogi ki mrityu hoti hai aur yadi shighragti grah se ho to upay se rog ka shaman hota hai. grah uchch, nich, ast, stanbhi athva apni kisi bhi avastha men vakri ho sakte hain. naisargik shubh tatha ashubh donon hi svabhav ke grah vakri hote hain.
vakri grahon ke bali hone ke sanbandh men upar varnit siddhanat samanya sinddhat hai. vakri grahon ka fal pratyek avastha men bhinn hona svabhavik bhi hai tatha vyavharik bhi. bhavarth ratnakar ke adhyay 13 shlok 16 men kaha gaya hai ‘krur grahanan vakragat yadshubhyogiva’ arthat kalyan varma, prithuyasha, venktesh evan anya acharyon ke mat se papi grah vakri hokar ashubh faldayi hote hain. iske viprit yadi shubh grah vakri hon, to shubhfldayak hote hain.
mahadev pathak ne kaha hai ‘vakrag uchchago mahabli’ arthat vakri grah yadi apne uchch bindu par ho to vah mahabli ho jata hai. uttar kalamrit adhyay 2 shlok 6 men kalidas is vishay men adhik spasht hanai: va
kri grah svochchabalah savakrashite madhyan balan tun›bhe
vakri nichblah svanichbhvne vakriblan tun›jam .
uchchasthen yuto'rddhaviryamiti chenniche tu shunyan balan mitraiah
papkhgaiah shubhe ripukhgairyukto'kto'pi charddh balam ..
arthat vakri grah ka bal uske uchch ke saman samjhna chahie. koi grah jab kisi vakri grah ke sath ho to use adha rupa bal aur prapt ho jata hai. yadi koi grah uchch parantu vakri ho to uska bal shunya arthat nich ho jata hai. nich grah vakri hokar apni uchch rashi men hone jaisa bali hota hai. shubh grahon ke vishay men mana jata hai ki ve vakri hokar shubh fal dene vale ho jate hain.
krur grah vakrri hone par adhik papi tatha shubh grah vakri hone par aur shubh hote hain. aisa n hone par shubh papi grah apna shubh papafal pradan karte hanai.
ravi chandra budh gayne vipulasnigdhaõ vakramaõnye .
balino yudhi chottaraga vyarkenduyutaõ cheshtabhi: ..
ravi aur chandrama ke atirikt anya grah vipul athva vakra gati men akar bali hote hanai. parantu aisa grah apni balyavastha athva vriddhavastha men nahin hona chahie. udit ho raha grah hi balyavastha men hota hai tatha ast hone se purva vah vriddhavastha men hota hai.
pakshan dashahan masan ch dashahan mas panchakam .
vakre'tichare bhaumadyaah purva rashi falaprada ..
mangal vakri athva atichari ho to 15 dinon tak, budh 10 dinon tak, guru 1 mas tak, shukra 10 dinon tak tatha shani panch mason tak agli rashi ka fal deta hai aur uske bad apni rashi ka fal deta hai.
vakre'tichare bhaumadyaah purva rashi falaprada .
jivah shanishch yatrasthau tasya rasheah falapradau ..
arthat mangal, budh aur shukra vakri tatha atichari hokar purva rashi ka fal pradan karte hain parantu guru tatha shani jis rashi men sthit hon usi ka fal pradan karte hain. vakri grahon ke yog: jatak granthon men vakri grahon se banne vale yogon ki sankhya atyadhik nyun hai tathapi kuch yog to upalabdh hain hi.
jatak sardip ke anusar koi shubh grah yadi chathe athva athven bhav men ho tatha vakri papi grahon se drisht ho to jatak ki ek mas men mrityu hoti hai aur yadi mangal ki rashiyon mesh athva vrishchik men vakri shani mangal se drisht hokar kendra, chathe athva athven bhav men ho to jatak ki mrityu do mas men hoti hai. vakri grah ki rashi mane shukra purush ke punsatva men nyunta lata hai, lagnesh vakri ho tatha chathe bhav men sthit ho aur shashthesh lagn men ho to jatak ke pet men bhayanak rog hota hai.prantu yah rog sadhya hota hai aur iska upchar ho sakta hai.
vakri grahon ki drishtiyan: vakri mangal jis bhav men hota hai usse chaturth bhav ka fal, vakri guru apne sthan se panchven bhav ka fal, vakri budh apne sthan se chaithe bhav ka, vakri shukra apne sthan se satven sthan ka tatha vakri shani apne sthan se nauven bhav ka fal deta hai.
praniyon athva vastuon ke shubhashubh, teji mandi adi ka nirnay vedh ka vichar kie bina nahin ho sakta. ismen ‘vakrage dakshin aa drishtirvama drishtishch shighrage. madhyachso madhya gyaeya bhaumadi pashchake’ ke anusar vakri grahon mangal, budh, shani, guru tatha shukra men se jo grah vakri ho uski drishti dahini or, jo shighragami ho uski bayin or tatha jo madhyachari ho uski drishti samne ki or mani jati hai.
vakri grahon ke fal: vakri grahon ka jatkon par prabhav prayah ashubh evan kashtakari mana gaya hai. grah vakri hokar jatak ko pardesh gaman karata hai. vakri grahon ke dasha fal tatha margi grahon ke dasha fal men bhi tulnatmak rup se koi antar nahin hota. vakri grahon ka vishesh prabhav gochar ke samay dekhne men ata hai. vakri grah jin vishyon ke karak hote hanai unke falon men nyunta karte hanai.
udaharan ke lie yadi guru vakri ho to guru ke karakatva vale dhan, santan, bhagya, man, pad tatha labh vishayak fal dega. vakri grah shubh hon athva papi sadaiv ashubh falkarak hote hain. vakri grah durghatana, hatya, mrityu, patan, bandhan tatha rogadi ashubh fal dete hanai. yadi shubh grah vakri hon to ve vikrit yaun bhavana ki vriddhi kar dampatya sukh ka nash karte hanai. vakri mangal mahilaon men yaun vikritiyon men vriddhi karta hai. gres ne kaha hai ki yadi janm samay men koi grah vakri ho to gochar samay men jab vah grah punah vakri hota hai to us grah ke karyon men adhurapan rahta hai. parantu jab vah grah margi hota hai to us grah se sanbandhit karya purn ho jate hanai.
vakri grahon ki mahadshaon-antardashaon ke fal: horasar ke adhyay 11 shlok 3 men kaha gaya hai ki kisi grah ki mahadsha-antardasha ka mulyankan karte samay yah avashya dekhna chahie ki grah arohi, avrohi athva vakri ya anuvakri to nahin hai. yadi grah anukul rashi athva navansh men hua to jatak ko rajyadhikar bhi prapt ho sakta hai. gochar men yadi grah ki mahadsha-antardasha chal rahi ho aur grah yadi apni nich rashi athva shatru rashi men ja raha ho tatha ast ho to apni avastha men kashtakari hota hai parantu yadi gochar men apni svarashi, mitra rashi athva uchch rashi men athva vakri hokar bhraman karta ho to aise samay men jatak ko uttam parinam prapt hota hai. nrisinh daivagya ne jatak sardip men kaha hai ki papi vakri grah ki dasha men jatak usi prakar bhramit rahta hai jis prakar kumhar ka chak bhramit rahta hai. ismen vipattiyan ati hain, shatru ka akraman hota hai. parantu shubh vakri grah ki dasha men anisht fal nahin hote.
naisargik papi grah mangal apni mahadsha men ashubh fal deta hai. vakri budh shubh hone ke karan apni mahadsha men bhagyavriddhi, patni putra sukh, sanpatti, satsang, dan, punya, pavitra snan, dharmik yatraon adi ka fal pradan karta hai. yadi guru vakri ho to is mahadsha men guru ke naisargik rup se shubh hone ke karan jatak ko shubh falon ki prapti hoti hai yatha uske shasak varg se madhur sanbandh hote hanai, vakchaturya, suvas, sugandh ka labh, apar dhan, putra patni ka sukh, yuddh men vijay prapt hoti hai. vakri shukra ki mahadsha men rajya se samman tatha anek prakar ke vastrabhushnon ki prapti hoti hai. mridang, bheri ke shabdon ke sath jatak ki savari niklti hai. parantu yadi shani vakri ho to yah mahadsha karyaen ko vifal karne vali, vyapar ka nash karne vali, dukh dene vali aur bhaiyon ka nash karne vali hoti hai.
vakri guru evan shukra ke gochar men tyajya karya: guru ke vakri hone par 28 dinon tak yagyaopvit, vivah tatha chail karm nahin karna chahie. parantu muhurt kalpadrum ke mat se yah nishedh guru anya rashiyon men vakri hone par hai. apni rashi men guru ke vakri hone par tin dinon tak sabhi shubh karyon ka tyag karna chahie. shaunak rishi ke mat se rashi men vakri hokar guru anya rashi men sanchar kare to 28 din pahle tatha bad men sabhi karyon men ashubh tatha doshaprad hota hai, iske bad nahin. vakri guru evan sanvatsar nirnaya: guru samanyatya kisi ek rashi men 13 mas tak rahta hai, parantu kabhi aisa bhi hota hai ki guru atichari hokar usse purva hi dusri rashi men pahunch jata hai aur vakri hokar punah usi rashi men nahin ata. aisi avastha men vah varsh lupt sanvatsar ke nam se jana jata hai. mediniya jyotish evan vakri grah: vakri grahon ka prabhav desh par tatha desh men ghat rahi ghatnaon par parta hai.
mediniya jyotish men ekadhik grahon ke vakri hone ka vichar kiya gaya hai. yah vichar jatak granthon men upalabdh nahin hai. krur grah vakri ho jae tatha usi samay shubh grah atichari ho to durbhiksh ata hai tatha shaskon men apas men larai hoti hai . grah vakri hon to achchi varsha karte hanai. do grah vakri hone par shaskon men kshobh ki vriddhitin grah vakri hone par adhik yuddh, ativrishti, barh, tufan adi ka bhay hota hai. yadi char grah vakri hon to raj bhnag tatha panch grah vakri hon to rajya tatha rashtra ka vinash hota hai. guru se yut vakri shani nauven mas men gehun, til tatha telon men teji karta hai. shani ke atichari tatha shukra ke vakri hone par raja log anandit hote hain tatha dhan dhanyon ki bahulta rahti hai. shani vakri aur guru atichari ho to jagat men hahakar mach jata hai. log, visheshakar dakshin ke log, dukhi ho jate hain.
brihajjatak ke grah bhaktiyogadhyay ke shlok 31 evan 32 men kaha gaya hai ki mangal ke vakra gaman se dushit nakshatra pirit hokar apne varg ka nash karta hai (kshitisutbhedanavakradushitam). mangal apne udit nakshatra se satven athven athva nauven nakshatra men vakri hota hai to use ushn sangyak vakri kahte hanai. yadi 10ven 11ven athva 12ven nakshatra men vakri ho to use ashrumukh vakri kahte hanai. is vakri sthiti se rashtra men vipatti ati hai tatha akal parta hai. rason men dosh utpann hota hai tatha rogon men vriddhi hoti hai. yadi ast nakshatra se 13 ven athva 14 ven nakshatra men mangal vakri ho to use vyal kri vakra kaha jata hai. ismen kheti ka utpadan uttam hota hai sath hi sarp bhay hota hai. yadi astakalik nakshatra se 15ven ya 16 ven nakshatra men mangal vakri hota hai to use rudhiranan vakri kahte hain.
iska parinam subhiksh hota hai, parantu praja ko bhay tatha mukh ke rogon se pira hoti hai. yadi ast nakshatra se 17ven athva 18ven nakshatra men mangal vakri hota hai to use atimusal vakri kahte hain. uski is vakri avastha men choron tatha rakuon ke karan dhan ki hani, anavrishti tatha shastra bhay hota hai. yadi mangal purva falguni athva uttarafalguni nakshatra men udit hokar uttarasharh men vakri ho tatha bad men rohini men ast ho jae to tinon lokon ko pirit karta hai. yadi mangal shravan nakshatra men udit hokar pushya nakshatra men vakri ho jae to shaskon, rashtradhyakshon ke lie hanikarak hota hai. yadi mangal magha nakshatra ke madhya men udit hokar magha nakshatra men hi vakri ho jae to prithvi par varsha ka abhav hota hai tatha shastra bhay hota hai. vakri budh shastra bhay tatha dhan ka nash karta hai.
mesh ka vakri guru pashudhan tatha sugandhit vastuon men teji karta hai. vrish ka vakri guru pashudhan ke atirikt sabhi prakar ke dhanyon men teji karta hai. mithun ka vakri guru uttar pradesh tatha panjab men akal ki sthiti banata hai. kark rashi ka vakri guru grihyuddh, janta men sangharsh aur rajyon ki simaon men parivartan karata hai. sinh rashi ka vakri guru shubhfldayak hota hai. kanya rashi ka vakri guru uttam varsha tatha subhiksh karta hai. tula rashi mane vakri guru kapas adi men teji karta hai, vrishchik rashi ka vakri guru annane men teji karak hota hai. dhanu rashi ka vakri guru sabhi prakar ke dhanyon ke mulyon men giravat lata hai.
makar ka vakri guru bhi dhanyon ke mulyon men giravat lata hai. kunbh rashi ka vakri guru subhiksh karak hai tatha min rashi ka vakri guru dhan hani, prashaskon men anaban, tatha mahangai barhata hai. shukra ka shobhan vakra amod-pramod, vastra, jal, dhandhanya ki bahulta deta hai aur vikrit vakra in sab ki hani karta hai. guru ka vakra shubh faldayak hota hai. guru vakri hokar bhagya parivartan karta hai. samanya rup men guru jab vakri hota hai to vyakti apne parivar, desh, samaj athva dharm ke prati adhik chintit ho jata hai. vakri hone ke pashchat jab guru margi hota hai to jatak ki manokanaen purn hoti hain.
shukra vakri hokar nari jati ki komal bhavnaon ko uddipt kar pati athva premi ke prati khoti avdharnaon men vriddhi karta hai. yadi shukra purush jatak ki kundli men janm samay men vakri ho tatha gochar men vakri hokar bhraman kar raha ho to purush men kam ka aveg barh jata hai. isi samay men purush ke vivahetar sanbandh ki sabhnaavna men vriddhi hoti hai. parantu jis samay vakri shukra margi hota hai us samyavdhi men pati patni ke madhya yadi vivad chal rahe hon to un vivadon ka ant hota hai aur dampatya jivan sukhad ho jata hai. vakri shani jatak ko kashton tatha tanav se mukti pradan karta hai. yah samay jatak ke svamulyankan, atm vishleshan, apne gun doshon par drishtipat ka hota hai.
vakri grah vishayak vividh mat: balhin vakri grah ka faladesh balvan, siddhiprad hota hai. apni dashantardasha men balvan grah vakri hone par nirbal hota hai. anek vidvanon ka manna hai ki jis bhav men jo grah virajman hota hai us bhav ke lie vakri grah ka shubhashubhatva faladesh nahin karna chahie. in vidvanon ke mat ke anusar vakri grah ke shubhashubhatva ka faladesh purva vale bhav se kiya jana chahie.
jaise kundli ke dvadash bhavasth vakri grah ka shubh ya ashubh faladesh dva adash bhav se n karke uske purva vale ekadash bhav se kiya jana chahie. mangal grah vakri hone par apni mahadsha-antardasha men vyakti ko ekaki aur udasin bana deta hai. mangal vakri hone par agnikand kara sakta hai. dushmanon ki fauj lakar khari kar sakta hai. agni-bhay, dhan ki hani, shatru-shul se jatak ko pirit karta hai.
vakri mangal svasthan se tritiya sthan ke prabhav ko darshane vala mana gaya hai. yadi vyakti adhyatm se jur jae, dharma-karm se otaprot hone lage, usmen dharmacharan karne ki abhiruchi jagrat hone lage to yah manna chahie ki budh grah apni dasha-antardasha kal men vakri hokar shubh fal pradata ban gaya hoga. vakri budh apni dashantardasha men stri, putra (kalatradi) sukh ki abhivriddhi karta hai. ghar-parivar adi ke sukh, vaibhav, aishvarya adi ki vriddhi karta hai. budh vakri hone par apne sthan se chaturth sthan ke fal ko pratipadit karta hai. brihaspati grah ki vakrata ke bare men vibhinn granthon aur vidvanon ka kathan hai ki vah grah apne se pancham bhav ke fal ko prabhavit karta hai.
parivarik sukh, samriddhi, svarnabhushnon, ratn javahrat ki vriddhi, uchch pad adi, shatru-parajay, utsavadi ke sukhad parinam jatak ko guru ke vakri hone par hi prapt hote hain. vakri brihaspati atyant balishth mana gaya hai parantu yadi yah shatru rashi men ho to pratikul fal deta hai. shukra grah vakri hone par jis sthan ya bhav men baitha ho uske thik saptam bhav ko prabhavit karta hua shubhatva fal dene vala mana gaya hai. is avastha men vah shreshth bhautik sukh, aishvarya, suyash, nana prakar ke uchch vahnon ka sukh deta hai. rajya karyadi men vakri shukra saflta deta hai, basharte shani ki rashi makar ya kunbh ki lagn men vah prabal rajyog karak ho.
vakri shukra ke mamle men savdhani atyavashyak hoti hai kyonki yah madkta vriddhi karta hai. yah nari jati ki saras komal bhav bhangimaon ka, madhur sanbandhon ka, grihasth sukh-samriddhi ka, punaprrem sanbandh ka karak hota hai. vakri se margi hone par yah grah pati-patni ki takrar ko dur kar deta hai. yah bhi mana jata hai ki grah jaisa fal apne uchch sthan men hone par athva mul trikon men hone par pradan karne men samarth hote hain unki vahi sthiti vakri hone par bhi nirmit ho jati hai. ve margi grah ki apeksha adhik shaktishali hote hain.
if you are facing any type of problems in your life you can consult with astrologer in delhi