am admi parti ki musibat thamne ka nam nahin le rahi hai. abhi hal men vidhan sabha chunavon men karari har ke pashchat em. si. di. ke chunavon men bhi bhari shikast ke bad arvind kejrival ne apni har ka thikra jahan ek or mtad ke upar fora vahin dusri or apni dilli sarkar ke jal mantri kapil mishra ko akushal batate hue nakamyabi ka aina dikhakar unhen mantri pad se hata diya. lekin kapil mishra bhi chup nahin baithe aur inhonne svayan ko am admi parti se nilanbit karne ka alag hi karan bataya. unke anusar arvind kejrival ne uske samne satyendra jain se 2 karor rupye rishvat ke rup men liye the aur jab inhonne unse iske bare men pucha to kejrival ji ne unhen kuch batane ki bajay parti se nishkasit kar diya.
kapil mishra ne ap par aur bhi bahut se sangin arop lagae jaise-
- kejrival ke rishtedar ke nam par 10 karor ke farji bil banvae gaye.
- panjab chunavon ke dauran parti sadasyon dvara sharab ki apurti sahit tikat vitaran men bhi bhari bhrashtachar hua.
- ap neta sanjay sinh parti ke lie videsh se fandig ke lie laebing karne men shamil hain.
- inhonne kejrival aur unke do sahyogiyon dvara tainkar ghotala mamle ki janch ko prabhavit karne ke dastavej bhi sabut ke taur par e.si.bi. ko diye.
- inhonne sanvaddata sammelan men ek email id - let's clean aap@ gmail.com bhi jari ki jahan log ap ke kathit bhrashtachar ki shikayat kar sakte hain.
- kejrival ke khilaf ise bara yuddh batate hue v unko apna guru batate hue likha ki aj ap ke khilaf ef. ai. ar darj karvane ja raha hun. bhrashtachar se larna, sach ke lie larna, apse hi sikha tha. jis guru se dhanush van chalana sikha aj usi par tir chalane ja raha hun. kripya vijay ka ashirvad dijie. iske bad kapil ne ap netaon ki videsh yatraon ka byaura sarvajnik karne ki mang karte hue chah din ka anashan bhi kiya. parantu 14 mai ko unke behosh hone par unhen aspatal men bharti karaya gaya.
itne sab vivadon ke bich jahan ap ke sabhi varishth neta ap parti ke adhyaksh arvind kejrival ka bachav karne utre, yahan tak ki unki patni ne bhi tavit kar kapil ko vishvasghati bataya, arvind kejrival bilkul khamosh hi rahe. kapil mishra ke achanak yun bebak rup se parti ke khilaf jang ka elan karna vakai kafi logon ke lie ashcharyajanak tha. isilie hamne kapil mishra se mulakat kar is bare men sabhi tathya ikatthe kie aur unka vishleshan jyotish ke aine men karne ki koshish ki. kapil mishra ne delhi school of social work se social work men m.a kiya. inhonne ek pratishthit antarrashtriya sansthan grin pis v emnesti intaraneshanal men kam bhi kiya. 2010 men kaemnvelth gems ke kathit ghotalon par apatti jatane vale ve mukhya vyakti the. inhonne un ghotalon ko ujagar karne ke uddeshya se ek pustak bhi likhi- it's common v/s wealth. inhonne ek sanstha " youth for justice' ki bhi sthapna ki. jesika lal mardar kes men bhi aropiyon ke khilaf inhonne barh charhakar andolan kiye.
desh ke vibhinn rajyon men kisanon ki atmahatya ya fir yamuna nadi par atikraman adi issue par bhi inhonne kafi protest kiye aur tabhi 2010-11 men jab anna ji ne andolan kiya to ve jor-shor se usmen jur gaye aur tabhi arvind kejrival ke sanpark men ae aur unki parti ‘ap’ men shamil ho gaye. dilli ke chathe vidhan sabha chunav men karaval nagar vidhan sabha kshetra m l a . ka chunav 44431 voton se jit kar ae, bad men kejrival ne unhen apne mantrimandal men jal mantri ke rup men shamil kar liya. arvind ji ko bhagvan ki tarah imandar v nishthayukt manne vale kapil abhi panjab chunav men hui garbriyon v arvind ko 2 karor ki rishvat lete dekhne par itne ahat hue ki unhonne parti ke khilaf morcha khol diya jismen inhonne khod-khod kar sare vivadaspad tathyon ko nikal liya. kapil mishra ke parivar ka rajniti se purana nata raha hai. unki mataji shrimti dae. annapurna mishra, purvi dilli em. si. di. ki pahli meyar rahi hain.
inhonne hindi sahitya men piech. di. ki hui hai aur 20 varsh ki umra se lagatar samajik karyon men jor shor se karya karti rahin aur samaj/sudhar ke lie anek kainp bhi inhonne lagae. unke pita dae. rameshvar prasad mishra bhi bahut bare vidvan evan anek pustakon ke lekhak hain lekin ve rajniti se dur hain. aiye janen ki kapil mishra ke jyotishiya sitare kya kahte hain aur kin grahon ke badlav ne unhen itna bara kadam uthane ke lie prerit kiya aur unke kadam kahan tak jaenge. kapil mishra ji ki kundli men nimnalikhit mahatvapurn yog ban rahe hain.
1. ruchak panch mahapurush yog-dasham sthan men svarashi ka mangal hone se inki kundli men yah yog ban raha hai. isi yog ke falasvarup kapil nirbhay, nirmal, sahsi adi gunon se yukt hanai aur inhonne nirbhay hokar bhrashtachar ke prati itni bari larai cher di hai. inke dasham bhav arthat karm bhav men mangal svagrihi hone se inmen apne karyon ke prati imandari ka bhav hai tatha ye apne karyon ke prati purn rup se samarpit hain. dam yog: chah bhavon men sabhi grah hone se inki kundli men yah yog ban raha hai is yog ke karan ye apni imandari v spashtavadita se logon men lokapriya ho rahe hain tatha yah yog inhen dhir, nitivan v aishvaryavan bhi bana raha hai.
ubhychari yog: inki kundli men surya ke donon or grah hone se yah yog ban raha hai. isi yog se inhen rajsukh, vaibhav ki prapti hui. kapil ji ki kundli men lagnesh shani labhesh brihaspati evan bhagyesh shukra ke sath ashtam bhav men yuti bana rahe hain jiske karan ye apne vicharon ka atm manthan gahrai se karte hain aur yojnabaddh tarike se pratyek karya karne men vishvas rakhte hain. lagnesh ke ashtam sthan men sthit hone se inmen gahan shodhaparak soch vidyaman hai. sthir lagn hone se ye apni bat par sthir rahenge aur kisi ke dabav men jhukanege nahin aur lagnesh ke ashtam men hone se bare-bare khatre mol lene men bhi nahin hichkenge. iske purva anna ke andolan se jurne ke bad inhonne apni naukri chor di aur am admi parti se jur gaye.
panchmesh budh pancham se pancham bhav arthat navam men surya ke sath sthit hai isilie ap uchch shiksha prapt karne men safal huye aur inhonne kai pustaken bhi likhin jismen pjashe bvauuvad tadhai emansji nam ki pustak kafi charcha men rahi. inki kundli men purn rup se kalasarp yog ban raha hai. vartaman men inki rahu ki mahadsha chal rahi hai. rahu kundli men chathe sthan men balvan sthiti men hai isilie rahu ki dasha inhen rajniti men le ai aur inhen mantri pad bhi prapt hua. lekin rahu men nichasth surya ki antardasha ate hi inke rajnaitik kariyar ko jhatka laga, inka mantri pad chala gaya aur inhen parti se bhi nishkasit kar diya gaya. surya markesh v rahu ke shatru hokar bhagya bhav men nichasth hai lekin yahan gaur karne ki bat yah hai ki surya chalit men dasham men chale gaye hain aur us bhav ka fal bhi inhen pradan kar rahe hain. isilie kapil kafi mukhar hokar midiya ke samne ae hain.
kapil par pichle dhai varshon se shani ki sarhesati bhi chal rahi hai aur isi avdhi men inhen mantri ka pad prapt hua lekin 26 janvri 2017 ko shani dhanu rashi men ae aur 6 aprail ko jabse shani vakri huye hain tabhi se inka samay pratikul ho gaya hai. shani ne hi inhen parti ke khilaf bagavat karne ka krantikari jajba diya aur 21 jun 2017 tak jab shani vrishchik rashi men dobara pravesh karenge tab tak ye apna andolan jari rakhenge. sabse alg-thalag bhi ho jaenge. kisi ka samarthan bhi prapt hona mushkil hoga lekin 21 jun ke pashchat kapil ke sath kuch log jur sakte hain aur ye apni koi nai parti bana len ya nayi sanstha bana len iski kafi sanbhavnaen lagti hain.
arvind kejrival ji ke liye ye pariksha ki ghari hai. 21 jun tak ka samay unke lie bhi kafi sankataprad dikhai deta hai. unke upar aur bhi arop-pratyarop lag sakte hain. apne rajnaitik kariyar men sthirta lane ke lie kapil ji ko shani ko prasann karne ke upay avashya karne chahie aur apne barbolepan se bachna chahie. inhen ganbhirta se vichar karke hi midiya ke samaksh kuch bolna chahie tabhi inhen anya logon ka samarthan mil sakega. kapil ji ko shani ki sarhesati rajnaitik labh de sakti hai lekin unka barbolapan labh ko kam kar sakta hai. apne karya men lage kashton ke uprant labh nishchit hai.