ek thi aruna, hansmukh, chulbuli, apne nau bhai bahnon men athvin. uske janm ke samay jab uske pita ne vahan ke jyotishi ko kundli dikhai to usne kaha ki uski patri to hajaron men ek hai aur vah bahut prasiddh hogi aur uska khub nam hoga. vah sabhi se jyada parhi-likhi thi islie barhvin kaksha pas karne ke pashchat karnatak ke chote se ganv haldipur se apni bari bahan ke pas munbai a gai aur vahan ke king edavarg memoriyal aspatal men juniyar nars ki haisiyat se kam karne lagi.
apne kam ke prati vah bahut ganbhir thi. usi vard men sohnlal balmiki bhi safai ka kam karta tha. yah ek kutton ka vard tha jahan kutton ke lie khane ka saman bhi ata tha. sohan lal vah saman aksar chura liya karta tha. iske lie usne kai bar use danta par usne ek n suni aur ek din jab aruna ne uski shikayat likhit men ki to vah usse badla lene ki yojna banane laga. 27 navanbar 1973 ka din tha.
aruna shanbag ka vivah vahin ke daektar sandip sardesai se pakka ho chuka tha aur vah apni sabhi staf ke doston ko parti dene ki taiyari kar rahi thi. vah kapre badlne haespital ke besment men gai ki vahan tak laga kar baithe sohan lal ne us par hamla bol diya. usne kutte ki chen ko aruna ke gale men bandh diya taki vah chilla n sake aur uska aprakritik rup se balatkar kiya.
bhari chen se gala ghontne ke karan aruna ke bren men aeksijan ki saplai ruk gai aur tabhi se vah koma men chali gai. chunki aruna ka vivah hone vala tha islie ke. i. emhaespital ki taraf se sohan lal par hamle v lutpat ka kes hi darj kiya gaya aur uske pakre jane par bhi use keval sat sal ki saja sunai gai. idhar aruna usi din se koma men chali gai. jin ankhon men shadi ke sapne sanjoye the shayad unse vah apna aur auron ka dukh dard nahin dekhna chahti thi.
uske mangetar das varsh tak uske pas akar baithte, baten karte par aruna thik nahin ho pai aur das varsh ke pashchat sandip videsh chale gaye aur vahan par unhonne vivah kiya. kuch varsh tak to aruna shanbag ke bhai-bahan v unke bachchon ne inki sudhi li par bad men sabne kinara kar liya aur apni-apni jindgi men mast ho gaye. aruna ko lekin ke. i. emhaespital ki narson ne nahin chora. ab vahi uska ghar aur uske apne the.
sabhi nars bari-bari se uski dekhbhal kartin, khana khilatin aur use bilkul saf rakhtin, isi tarah 35 varsh bit gaye. 18 disanbar 2009 ko aruna ki achchi dost v varishth patrakar pinki virani ne suprim kort men aruna ko daya mrityu dene ke lie yachika dayar ki. kort ne aruna ki janch karne ke lie chikitsakon ki ek kameti gathit ki aur uski mansik v sharirik halat par riport dene ko kaha aur sath hi ichcha mrityu par unki ray bhi mangi.
lekin march 2011 men suprim kort ne nars aruna mamle men diye faisle men kaha ki ektiv yuthneshiya (marsi kiling) avaidh hai lekin paisiv yuthneshiya ko svikar kiya ja sakta hai lekin iske lie atyant vishesh paristhiti honi chahie. jaise pahla jab marij ki bren deth ho gai ho, dusra jab marij n jine ki halat men ho aur n hi marne ki aur tisra jab marij kafi dinon tak ventiletar par ho.
is tarah se pinki virani ki apil kharij hone ke bad ke. i. emhaespital men narson ne mithai banti aur unhonne aruna ka dusra janm mana, ve uski bari-bari se bachche ki tarah dekhbhal karti rahin. 14 mai 2015 ko aruna ko jab sans lene men dikkat ho rahi thi to use ventiletar par rakha gaya aur 18 mai 2015 ko aruna ne antim sanas li. apne jivan ke char dashak (42 sal) aruna ne bistar par koma men kate. kahte hanai mangne se to maut bhi nahin milti aisa hi hua aruna ke sath. n sarkar pasiji n kort.
sabne kanun ki duhai dekar palla jhar liya aur bhagvan ne 42 sal bad hi use apne pas bulaya lekin aruna ki vajah se hi desh ko (paisiv yuthneshiya) ka kanun mil gaya jismen pirit ke parivar vale hai kort men arji dakhil kar sakte hain aur hai kort daektaron ka opinayan lekar faisla le sakti hai. aruna ki sanbhavit kundli ka vishleshan lagn kundli ke anusar min rashi aur kark lagn hone se aruna hansmukh aur akarshak vyaktitva ki yuvti thi.
isi se usne ke. i. emhaespital men sabka dil jit liya tha aur daektar sandip bhi uske akarshak vyaktitva se prabhavit hokar use dil de baithe the. panchmesh v karmesh mangal par guru ki drishti hone se aruna ne apne sabhi bhai-bahnon se adhik shiksha grahan ki aur nars jaise seva ke profeshan ko apnaya aur puri sanvednshilta se vah apne karya men juti thi aur apne kartavyon ke prati purnataya sajag thi.
navam bhav men chandrama sthit hone se vah kushagra buddhi tatha apne samajik v vyavsayik jivan men vishesh sammanit bhi thi. janmakundli ke kendra bhavon men sabhi pap grah hain tatha koi bhi shubh grah nahin hai. islie use apne jivan men itne sangharsh aur dukh jhelne pare. kendra men keval pap grahon ki sthiti tatha shubh grahon ki chathe v barhven bhav men hone se unhen uchit samay par vanchit suraksha nahin mil pai tatha inka jivan khatre men par gaya.
ye bach to gain parantu mastishk men aeksijan n jane ke karan vah koma men chali gai aur nich shreni ke vyakti dvara un par hamla kiya gaya. kendra men keval pap grahon ke prabhav tatha shubh grahon ke prabhav ka abhav hone ki sthiti men jivan men nich shreni ke logon ka dakhal, nakaratmak urjaen jatak ke as-pas hona, mrityu tulya kasht dene vali durghatanaon ki punravritti hote rahna v dukhant hona adi ghatit hona ashcharya ki bat nahin hoti yadi jivan v suraksha dene vale shubh grah guru, shukra aur budh ashubh bhavon men sthit hote hain.
lagn men shani v navam men chandrama hone se sarkar v ke. i. em. haespital ke dvara hi unke pura ilaj ka kharcha uthaya gaya aur unko pure man-samman se ek kamre men rakha gaya jahan unka pura dhyan rakha jata tha tatha ilaj hota tha. aruna ki vajah se hi aj ‘paisiv yuthneshiya’ ko kanunan manyata pradan ki gai tatha ise avilanb lagu kar diya gaya.